韓國濟洲 relax 之旅 - Day 2A @ 星之菓子

今朝 6a.m. 起身, 因為媽媽話想早d 起身, 係酒店附近

影下相
還是很累, 超唔想起身
其實酒店附近都無咩好影, 影左一兩張相, 就係大堂等d 團友和領隊
今日的

早餐在酒店食

食完早餐, 就出發去第一個景點 - 柑園
sophia 話柑也在濟洲很出名, 而濟洲島的柑特別甜, 她每次黎濟洲也會一箱柑回韓國作手信

開頭以為柑園入面會有好多柑掛係樹上
可能我去的季節不是收成的時候, 所以柑園好少柑
haha

~ 唯有靠呢d 假柑佈景版呃虾人啦 . . .

在柑園還看到這個濟洲地藏公仔
sophia 話這個公仔也是在濟洲很出名的
sophia 話在好耐好耐有一個傳說
有一個阿豬媽一直好想生男仔, 好可惜生親都係女
有一次阿豬媽陀住個bb, 摸完呢個公仔的某一個地方 (

haha ~ 大家估下佢摸左邊個位啦 . . .)
跟住阿豬媽就生了男仔, 阿豬媽就好開心, 將佢發生的嘢告訴俾其他阿豬媽知
一個傳一個, 所以大家若想生小朋友的話, 就買一個回家吧!!!

sophia 話濟洲人又會拿這個公仔作為守護之神
所以在濟洲好多門口都會見到這個公仔

其實我覺得這隻公仔好代表濟洲島
只要一見到佢, 就會令你唸起濟洲

行左一陣柑園, 就去左柑園隔離的士多買手信
入面有賣用柑做的朱古力
sophia 還推介濟洲島出產的仙人掌朱古力
阿豬媽還可以俾我地試朱古力的味道
除了有柑味朱古力, 仙人掌果實味朱古力, 還有奇異奇味旳朱古力

我覺得濟洲人真的好識做生意
除左仙人掌果實的朱古力外, 還有油菜花香水和其他味道的香水

由於這裡的柑要一箱箱咁買, 所以想和媽媽買兩個黎試都唔得
最後咁啱有三個團友都想買黎試, 所以我地和佢夾份買了一箱
一箱 total 有12個柑, 我地各要一半
我從未買過咁貴的柑
6個柑差不多 HKD80
但一場黎到濟洲, 點都要試下,

haha ~

第二站 - 城山日出峰

愛看韓劇的朋友, haha ~ 應該對呢個地方唔陌生
韓劇也是在這裡取景

sophia 建議我地行上頂看看
因為媽媽的體力有限, 所以我地的目標就行到遼望台
在遼望台往下望, 還可以清楚見到一塊塊油菜花田
這個島的樓房不密集, 很多綠色的田, 讓你感受這裡最純樸的一面
真的讓人很 relax

我諗可能行到最頂的話, 個種景色會更加震撼 ~

之後媽媽就提議去海邊逛逛

這個城山日出峰真係勁勁勁大風, 吹到d 頭髮亂晒

當我地行到海邊, 我被這個大海所吸引, 因為在高處往下看, 美呆了
之後我地沿著樓梯往下走
唔知今日睇唔睇到海女呢

之前睇韓劇都見過哪些海女
sophia 話d 海女浮落水底拿d 海膽上黎, 佢地好辛苦
sophia 建議我地若見到海女拿海膽上黎, 不妨買 d 海膽黎試下, 因為超新鮮

好可惜我地見唔到海女
一場落到黎,

影返張相先啦 . . .

這裡的海水真係好清, 真係好想夏天來這裡游水哦 ~
差不多夠鐘, 我地到停車場集合
由於一班團友未到, 所以去了停車場隔離的士多逛
在這裡買了一件濟洲公仔的 t-shirt

hehe ~ 因為為食的關係, 所以買了雪榚來食
之前在香港 7仔有個職員介紹這個很好味
黎到梗係要試下啦 . . .

魚雪榚大約為 HKD7-8元左右

好 ~ 就讓我試下係唔係咁好味 ~
um ~ 當我食了一口, 我覺得無想象中咁好味, 可能之前抱有太大的期望吧

又見到這隻地藏公仔啦 . . .

第三站 - 油菜花田

我今次黎韓國旅行就是為了這片

油菜花田
因為平時看韓劇, 覺得油菜花田很美
出發前, 旅行社己經話4月頭很難看見油菜花田
所以黎到濟洲看見這片油菜花田, 真係勁勁勁開心

架 ~

呢個

心心好型的佈景好適合情侶在這裡合照哦 ~

除左

心型, 還有屋型佈景

好大片的

油菜花田哦 ~

藍天白雲 + 油菜花,

視覺的享受

黎到油菜花田, 點可以少得自拍呢？

haha ~

Sophia 拍的油菜花很美 ~

成班團友影到唔捨得走, sophia 和領隊係咁吹我地走
最後大家先上返車

大家上回旅遊巴後, 我地就去下一個景點 - 民俗村
司機途經某條路, 見有些櫻花開了
司機勁好人, 佢同 sophia suggest 停一陣俾我地

影相
司機仲落車捉了一條開滿櫻花的樹枝給我地

影相

今年韓國的櫻花期推遲了, 所以好開心今次來韓國也看到櫻花
簡直係額外的

bonus 哦 ~

聽 sophia 講濟洲島原本没有櫻花樹
咁點解我又可以係濟洲見到櫻花的

因為首爾政府把首爾的櫻花移植到濟洲, 所以我地才可以在濟洲看見這些櫻花樹

係兩旁櫻花樹的道路上逗留一會兒, 我地就上回旅遊巴, 繼續出發去我們的景點

sophia 一直在旅遊巴上面介紹濟洲島
佢話濟洲島成日都好大風
所以佢地好聰明設計了一種門, 係大風的情況下, 門都不會吹到 barm barm 聲

到底係咩類型的門呢

. . . . . . .

. . . .

. .

以下的三條欄杆又有咩用呢

呢三條欄杆就係古時每戶的門口來的
很簡單的大門

心想呢三條欄杆係大門, 咪玩啦 . . .
原來濟洲島係一個太平天下的島
没有小偷, 没有黑丐
所以佢地才用這種大門

唔好以為呢三條欄杆好簡單
原來呢三條欄杆都代表幾個唔同訊息架

最高個條欄杆放落地下
唔記得係唔係主人在家, 但是唔係咁方便客人進屋

最高 + 中間個條欄杆放落地下
唔記得係唔係代表主人外出, 好快回來, 你再過 1至2小時才回來

當三條欄杆放晒落地
表示你可以進入呢個屋企

(haha ~ 因為太耐補追日記, 所以唔係記得咁清楚 . . .
只是記得呢幾個訊息, 但是忘記了邊條欄杆代表哪一個訊息)

民俗村還有一個阿豬媽講介古時在濟洲生活的民化
原來阿豬媽企緊的位置係古時濟洲人的洗手間
嘩 ~ 好簡陋的洗手間呀 ~

阿媽話古時濟洲的男人每次去洗手間都會帶這條樹枝
去廁所都要用樹枝幫助解決需要

haha ~

梗係唔係啦 . . .

因為濟洲島好多山豬
若男人小便的話, 若没有這條樹枝, 哪些山豬就會仆上個男人, 並咬他們的 . . . xd ~
所以呢條樹枝係幫呢d 男人趕走山豬用的

其實都幾麻煩, 去廁所仲要拿多一枝樹枝, 真係拿得邊樣呀 ~

haha ~

越講越色添, wahaha ~

呢個阿豬媽超爆笑, 叫其中一名男團友示範一下古時男人上廁所

在這個民俗村, 看幾種古時濟洲人的生活用具
之後阿豬媽就帶我地入一間房

入房後, 阿豬媽就沖了蜂蜜水, 五味子茶給我地喝
佢還示範這裡賣的蜂蜜的超神奇事件給我地睇

阿豬媽首先放一匙蜂蜜在白色的碗上
之後佢叫其中一個團友不停轉個碗
轉左一陣
d 蜂蜜竟然在碗上呈現一個個六角形狀的圖案, 超神奇
阿豬媽話好的蜂蜜先可以做到咁的效果
阿豬媽話若我地唔相信的話, 可以返屋企拿一些 cheap cheap 的蜂蜜試下

蜂蜜除左皮膚好外
還可以幫助成日便秘的朋友

haha ~ 我也買了一樽
不過這一樽蜂蜜很貴, 要 HKD300 幾元
若喝完對皮膚好, 也很不錯
因為我成日皮膚敏感
我諗飲下蜂蜜水姿潤下也不錯

之後還試了五味子茶
這個五味子的功效是護眼的
我覺得味道也不錯

買完東西後, 係到

影左一陣相