星之菓子

原本打算今日放工早D 去紅館門口買五月天的紀念品

公司太多嘢做, 6 p.m. 才放工, 就去 sherman 公司拿相機

拿完相機, 就立即趕去紅館門口, 差不多 6:45 p.m. 到了紅館

猶豫左好耐, 好唔好買 cap 帽, 最後 alice 黎到

佢覺得d quality 唔太好, 最後我都無買到

隔左陣, edmond, 阿宗和阿昌到黎到紅磡, 我地就去左都會食 dinner

食完 dinner, edmond 就去排隊買演唱會限量版 t-shirt

我陪 alice 去買營光棒

入去紅館前, 影返張合照先, 三個五月天的瘋狂 fans

今晚令我地最興奮最興奮莫過於我們買到等三行的位

yeah ~ 勁開心, 未試過坐過咁前的位置架 ~

完來坐 680元的位, 氣氛係咁正, 當你坐在下面, 望返山頂上面, 感覺超正 ~

我們今天坐側面台的第三行, 而且坐得好近個台

好近距離望到五月天, 勁勁勁開心 ar ~

很喜歡阿信這套衣服, 超型 ar ~

石頭彈彈下 high 到跳上警車上

他們的演唱會真的超棒

唱左幾首歌後, 他們就拋一些膠帶到台下, 全場 fans 勁 high

唱完幾首歌後, 突然出現好多人在台上

大家一齊跳, 一齊唱, 氣氛推到很 high

阿信指著手, 望過黎我呢邊, 勁勁勁開心 ~ 他真的帥呆啦 ~

石頭行入fans 群表演彈吉他, 他就在我面前經過

他們唱完歌後, 每人都會站在台上講出自己的感受

而其他他側在後面等待

怪獸和石頭等候期間, 可能怪獸條褲太貼身, 黏著腳, 所以被我影到這張相

haha ~ 好攪笑哦 ~

當冠佑發表完感受, 阿信就坐上鼓手位, 將主音交給冠佑

令我最最最興奮的是鼓手個位, 正正在我面前, 超近的

這樣我就可以近近的望多阿信幾眼 & 影很多大頭的照片, 呵呵 ~

阿信坐在鼓手位時, 我地呢邊的fans 勁尖叫 ~ 因為真的很開心

有一點要值得一提的, 阿信他超勁, 佢咩樂器都識玩, 而且仲識作歌作詞

他表演打鼓的時候, 我的目光完全没有離開過他的

他們令我產生學打鼓的念頭

當首歌完結後, 阿信還舉起 v 手勢, yeah ~ 俾我影到這一幕, 而且還拍得很清楚

他們表演完後, 五月天: 陪你們來看我們演唱會的是不是你最要好的好朋友呢？

五月天 fans: 是的

五月天: 請把手拖著你最要好的朋友

. . . . . . .

. . .

. . . . . .

全場的 fans 是拖著手的

有一點值得一提, 就是五月天演唱會, 每一場所有fans 都會由開場企到完場

睇過幾個歌手的演唱會, but 只有五月天的演唱會才會這樣

所以五月天演唱會的氣氛真的超好, 每一個 fans 都超 high 的

也是我這麼愛看五月天演唱會的其中一個原因, haha ~

石頭一個人 solo 彈吉他 ~

之後他們還和管弦樂團的人一齊合奏

之後還俾我影了一張很爆笑的相片

阿信的表情真的好好笑, 當我睇到呢張相的時候, 真的忍唔住了笑左出黎 ~

阿信還走到觀眾席和 fans 近距離接觸

but 阿信的表情好似好痛的樣子哦 ~ 好心痛ar ~

今場的演唱會, 我真係睇到勁勁勁開心

因為可以坐得咁前, 而且還可以咁近距離見到佢地

從未試過在演唱會上, 可以清楚影到歌手在台上流汗的樣子

此刻的心情, 真的難以形容

這張相好清楚影到阿信流汗的樣子

除了藍海外, 五月天還叫 fans 們拿手提電話按著燈

整個黑暗的環境下, 除了藍海外, 還有一片閃閃的星星照亮紅館 ~

除了石頭 solo 彈吉他外, 怪獸也有 solo 的部份哦 ~

差不多 11點多, 完場la . . . 但我地一班 fans 都唔肯捨得走

我地係咁叫 end call, 等了一陣, 他們又再出黎

他們猜拳輸了, 就要自己獨唱一首歌

今次猜拳輸了的是怪獸

他表演完後, 五月天又再齊人出黎表演

阿信: 今天晚上我想唱我想唱的歌

團員: 哪是什麼歌？

阿信: 我想唱周杰倫的 <千里之外>, haha

. . . . . .

最後没有唱到 <千里之外>, 因為五月天都有好多好歌, haha

之後阿信走過黎我地個邊唱歌

他笑了

之後他還行入fans 群, 而我和他就這樣擦身而過 . . .

阿信每當唱一首新歌前, 他都會抺一抺汗

有一幕俾我們呢邊的 fans 睇到, 在黑暗的燈光下, 他竟然在台上抺身

我和 alice 看到後, 忍不住笑了出黎

因為佢抺身的情境也實在太爆笑了

今晚真的太太太開心

開心到連訓覺都會笑了出黎

我和 alice 係笑住走出紅館的, 大家睇完五月天演唱會都勁勁勁開心

多謝五月天 ~ 你們帶俾我地咁精采的一晚

_____________________________________________________

P.S. 估唔到今晚自己影左咁多張相, 好多張都好大頭哦 ~

仲要鳴謝 ZOIE 借她的相機給我, 我才可以影到這麼多大頭的照片哦

奇待五月天的演唱會終於來臨了

原本打算今年睇晒咁多場, but 可惜買唔到咁多場的飛

最後睇 5月28號

5月31號 2場演唱會

今次不惜重本睇 480元和680元的門票

好好彩 680元的門票買到第三行的門票, 從未試過坐咁前架 ~ 勁開心

放工 5:40p.m. 就立即坐火車去紅磡 join alice

之後我地就慢慢行去尖東元氣 join 埋 alice 另外 2 個朋友

尖東的元氣等位耐, waiter 俾左 order 台我地, 點知等食物都好耐

我地食到 7:45p.m., 我地就趕去 7 仔買水, 之後再跑去紅館門外買精品

我地4個女仔一齊買左同一款的演唱會的 t-shirt

諗住一齊著演唱會的 t-shirt 入場睇演唱會

我地買完 t-shirt, 差不多 8 p.m., 我地跑去 poly toilet 換衫

變身後的我地, but 可惜唔記得係變身前影返張相

我地完衫就快快跑回紅館, 而 alice 兩個朋友就順便買埋營光棒才入場

我地今場睇 480元的飛, 坐 25 行, 剛好對正台的中間

yeah ~ 開場la . . .

舞台上面有一架警車

還有可愛的熊仔添 ~

我最愛的主音 - 阿信

五月天拖著手叫全場 fans 說: 陪你們來看演唱會的, 是不是你們最好的朋友？

fans: 是的

五月天: 請拖著你們最要好的朋友的手,
如果你身旁最要好的朋友不開心的時候, 你們會不會關心他們,
如果你身旁最要好的朋友需要幫助的時候, 你們會不會幫助他們,
如果你身旁最要好的朋友缺錢的時候, 你們會不會借給他們

fans: 會 ~ 會 ~ 會

(特別註明 - 所有 fans 都係由開場企到完場的, 而全場的 fans 都係企起身拖著身邊朋友的手, 氣氛真係超好)

真係無花無假架 ~ 全場 fans 都拖著身邊朋友的手架 ~

冠佑好型ar ~ 攪到我都好想學打鼓添, haha ~

還有管弦樂團幫五月天演奏添 ~

到歌手在台上感謝主辨單位的時候, 阿信話要多謝的單位和機構實在太多

佢仲俾我地睇要多謝的名單有幾長 ~

最後佢多謝左幾個後, 就話太多la . . .所以一次過感謝晒所有機構

仲問我地係唔好好多謝呢d 機構, 超爆笑 ~

之後佢地就把握時間唱歌了 ~

謝幕時間又到, 表示演唱會又快完結啦

完場la . . . 全場 fans 都唔捨得走

大會播埋離場指示, 但我地都唔理, 繼續叫 end call

希望五月天再出黎

最後五月天被我地的熱情感動, 佢地在台上猜包剪石頭

輸的人就首先自唱一首歌

最後冠佑輸了, 佢唱了一首超人

開頭以為佢唱完呢首歌, 就會完場, 點知五月天所有團員一齊出黎

yeah . . . 佢地唱多左 5-6首歌

阿信再一次走向觀眾席

一班很瘋狂的 fans ar . . .

最後唱了一首台語歌 <憨人>, 就完場la . . .

可能因為 5月31號看多一場尾場, 所有没有不捨

haha . . . 可能看 5月31號個場, 到完場個時, 實唔捨得走

之後 alice 和佢兩個朋友去旺角唱k

而我就回家了

昨天在 LOG ON 買的 Mini 3D Crystal Puzzle。今晚放工, 回到家開黎玩 ~

原本這個 puzzle 附送一條電話繩, but 我就變做一條頸錬。因為屋企没有一條銀色長的頸錬, 所以只好找一條黑色的長頸錬頂住先, 之後再出旺角買一條銀色長頸錬更換先 ~

首次 DIY 頸錬, 很喜歡 DIY 的感覺, 也很喜歡這條頸錬哦 ~

今日下午我和 sherman 去了 sogo 逛, 現在 sogo 做緊十週年特價, 所以去看看執唔執到平嘢。

我逛逛下, 就睇中了一件三點式泳衣, 我覺得好靚哦 . . . 但是没有得試身, 所以我只好再考慮下吧!!!之後再繼續逛, 逛多一會兒, 我真是好想買哪件三點式泳衣, 所以再和 sherman 折返回去買。個 sales 話如果返屋企試過唔啱身的話, 就可以係 6月1-14日期間拿返黎換, 於是我就成功買左我人生的第一件三點式泳衣了。

其實上星期, 我係 sogo 試過另一件 billabong 的三點式泳衣, 這件泳衣可以兩面著的, but 我嫌佢塊布太細, 最後没有買到。當試身個時, 覺得件泳衣影得個人很瘦, 之前D 同事講如果肥的女生, 想買泳衣, 最好買三點式, 因為越少布會影得個人瘦D, hehe ~ 她們講的很有道理耶 . . . 望著鏡中的自己, 哈 ~ 感覺瘦了, 於是就促使我去買一件三點式泳衣回來。

我覺得人係唔同的階段有唔同的想法, 以前細過個時, 我係唔夠膽著三點式, 連著衣服的顏色都係黑白灰, 但現在人大了, 覺得咩都要試下, 如果唔係老左, 想試都没有這個機會和勇氣去試了。就正如五月天的新歌 <放肆>一樣, 讓自己放肆, 不然到將來會覺得後悔哦 ~

hehe ~ 哪件三點式泳衣就留待下年和朋友十週年之旅才著吧!!!真是要的起心肝開始減下肥了, 不然到時會有一隻肥肥的豬著住三點式出現沙灘上, 引人犯罪 (俾人圍打) 就不好啦 . . . 

今晚睇了滔滔介紹星加坡的美食, 最吸引我的就是哪些榴槤和甜品, 超正, 攪到人地都好想飛去食添 ~ hehe . . . 呢頭話要減肥, 呢頭又話要食嘢, 唉 . . . 肥 wing 真是無得救了

今日係去五月天演唱會的大日子, 因為 alice 的關係, 令我開始聽五月天的歌, 我由五月天 <為愛而生> 這張專輯開始聽起, 接著就是近期的 <後青春期的詩> 這張專輯, 所以我對這兩張專輯的歌比較熟, 加上之前聽好多朋友講五月天演唱會超捧, 不看會後悔的, 所以今次我叫 alice預埋我一份。

放工, 我就準時閃, 即刻搭港鐵去紅磡, 途中都見很多 fans 著住 stay real or DNA 演唱會的紀念 T-SHIRT, 個刻令我覺得五月天的 fans 很團結, 著晒呢兩款 t-shirt 來捧他們的場, 令我對佢的演唱會更加奇待。

大約 7:15分黎到火車站, 火車站及附近好多人都著了 stay real or DNA 演唱會的紀念 T-SHIRT, 這點令我相信這就是五月天的魅力吧!!!之前看過幾個歌星的演唱會, 他們的 fans 都不會像今天這樣, 大家好似著晒團服黎挺偶像。好彩 alice 早放, 所以一早去了火車站的 m 記找位, 我們食完晚餐, 去完洗手間, 就去買藍色瑩光棒。我們襯臨開場前, 去看看售賣紀念品的地方看看 ~

很多人就是著了以下的 stay real 的 t-shirt 來支持五月天的, 我很喜歡黃色格仔 printing 的頸巾 + 機師眼罩白色 t-shirt, 但一件要 HKD 280, 太貴了, 當然我没有買到啦 ~

還有 cap 帽添

其實我還睇中另一件 DNA 演唱會紀念版的 T-shirt, 這件要 HKD 180, 都有諗過買, 但因為實在太多人在排隊買紀念品, 如果買得黎的話, 實趕唔切入去看演唱會的, 還是放棄這件 T-shirt 吧!!!

8:15 p.m. 大瑩幕開始播五月天的 mv, d fans 就跟著唱直到開場個一刻, 五月天還未出場, fans 一齊大合唱, 己經超 high 的 ~

當開場個刻, 全場的 fans 都著了藍色瑩光棒, 當你身處在現場的時候, 你會俾呢種壯觀的場面所吸引, 因為真的美呆, 整片藍海帶就好像帶你進入五月天的世界裡。

個舞台很靚呀!!!有半架車身突左出黎

五月天唱出 <軋車> 就掀起序幕, 全場的 fans 就開始站起來, 揮動著瑩光棒, 跟住阿信一齊唱歌, 全場都被帶到一個很 high 的情緒 ~

接著就唱了<最重要的小事>, <一顆蘋果>, <孫悟空>, <春天的吶喊>, , <叫我第一名>, <突然想起你>, <生存以上生活以下>, <雌雄同體>, <你不是真正的快樂>, <約翰藍儂>, <夜訪吸血鬼>, <笑忘歌>, <離開地球表面>, <知足>, <温柔>, <如煙>, <瘋狂世界>, <爆肝> . . . . .

當他們唱 <瘋狂世界>時, 後面個景好 matching 佢地首歌

這個地球會升起來 . . .

之後就又冠佑 solo 部份, 阿信就去頂佢個位 (打鼓), 阿信打鼓真的超型, alice 話阿信樣樣樂器都識玩, 哇 ~ 超棒的

冠佑唱完首歌後, 阿信就走出黎話 <其實冠佑等在紅館開演唱會很久了, 所以我們要還他一個心願, 就是俾個機會他站在紅館唱歌> . . . wahaha ~ 超攪笑的 . . . 我覺得冠佑唱歌很好聽, 好像他們每一個成員表演每一樣嘢都是一樣咁棒 ~

當他們唱 <你不是真正的快樂>的時候, 阿信話希望我們今日不要像這首歌一樣, 帶著不快樂的心情離開紅館, 希望大家聽完五月天的演唱會, 都是快快樂樂的離開紅館的 (hehe ~ 我們黎得睇演唱會, 又點會又不快樂的離開, 哈哈, 見到你咩都開心晒啦 . . . )

阿信唱完歌,
阿信: 今天坐在你旁邊, 陪你來的朋友, 是不是你最好最好的朋友呢？
全場的 fans大叫: 是的
阿信: 當你不開心的時候, 你是不是會想到對方?
全場的 fans大叫: 是的
(當時 alice 攬著我, 一邊答道)
阿信: 如果你身邊最好最好的朋友很缺錢, 但是不會還錢給你, 你還會借錢給他嗎？
全場的 fans大叫, 每人的答案都不一樣哦 ~

之後由阿信的帶領, 全場手牽著手, 個場面令我很感動 ~ 帶領全場的氣氛進入高漲點, 我地就一邊唱一邊製造人海, 超超超正 ~

五月天和我們一樣都是手牽著手唱著歌

哇, 好大個阿信 (瑩光幕哪個)

仲俾我影到阿信古怪的表情, 你想扮馬騮嗎？仲咩個嘴整到咁, 超攪笑的

hehe ~ 又熊仔伴著佢地跳舞耶

隻熊仔還擺出害羞的表情, 超可愛的 ~

還有獅子公仔添 ~

由於全場都好 high, 不停尖叫, 所以阿信就做了這個 post 叫大家靜下來

阿信好似要嘢落台下, 我和 alice 都估哪是什麼來的, 原來是一條很長很長的繩, 他們五個人每人都拋了一條落觀眾席, 在上面的我們, 都不知道有什麼作用？佢又唔係拉個觀眾上台, 真的不知道他們要幹麼？

接著阿信又好童真, 佢拿起獅子條尾, 扮續格續格幫佢上鏈中 ~

當五月天唱 <戀愛 ing> 的時候, 歌詞唱到 L-O-V-E 中, 我地係咁不停唱 L-O-V-E, 長左好耐, 五月天D 音樂都無停過, 唱到我地都快要斷氣了, 最後全唱的 fans 都放棄繼續唱下去 ( alice 話五月天每個演唱會都會玩嘢), 跟住五月天見我地唱成咁, 嫌我地唱得細聲, 同埋熊仔 + 獅子 (石尊) 地, 係地下了地, 扮唔開心, 令我諗起 msn d icon 公仔

之後佢地終於企起身, 佢地五個人分開黎企, 就指揮佢面前該區的觀眾, 發 L-O-V-E 的音和擺出 L-O-V-E 的動作, 瑪莎和怪獸就指揮綠區的觀眾發 L 和擺出 L POST, 當瑪莎和怪獸舉起雙手, D 觀眾就要發大聲D L 音和擺 L POST, 佢地兩個人隻手此起彼落, 個區D 觀眾就跟住佢地指揮去做。冠佑負責個區就發 O 音和擺 O POST。阿信負責個區就發 V 音 + 擺 V POST。石頭就負責我個區, 我地要發 E 音 + E POST。當練習了幾次後, 全場的觀眾明顯唱 L-O-V-E 真的大聲了很多, 這個就是五月天的魔法了。

唱唱下, 阿信可能聽到耳機入面廣播話小齊黎左, 於是就請左佢上台。

小齊上台後, 小齊: 五月天係最我鐘意的一隊 BAND
阿信: 小齊亦都是我最欣賞的男歌星, 因為他說的說話最中肯 (wahaha ~ 笑死我地, 表面係讚人, 其實暗地讚緊自己, 笑死我地 ~ 佢地的對答簡直正爆)
小齊問五月天: 我要借你地d fans 用一用, 這樣會不會不好呢？
五月天: 没有關係, 你隨便吧!!!
小齊: 我們一齊唱 <對面的女孩看過來>, 當唱到 <左看> 的時候, 請你們的瑩光棒向左搖擺, 當唱到 <右眼> 的時候, 請你們的瑩光棒想右搖擺, 當唱到 <上看> 的時候, 請把瑩光棒揮上上面, 當唱到 <下看> 的時候, 請你把瑩光棒向下擺, 但不要打到前面的觀眾哦 . . .

當奏起<對面的女孩看過來>, 接著我地就跟著之前小齊教的指示去做, 五月天也和小齊一齊合唱對面的女孩看過來, 唱唱下, 又轉左唱五月天的 <戀愛 ing>, 唱唱下又會轉返唱 <對面的女孩看過來>, 感覺蠻好玩的 ~ 得知小齊的出現後, 真的令我感到很驚喜

大瑩影住五月天回後台時, 觀眾席的 fans 依然還是站著的

當安歌時, 五月天唱了兩首新歌 和 <放肆>, 舞台邊也爆出很多紙碎, 整個畫面美呆了 ~

五月天要謝幕了, 這次演唱會終於到尾聲了, 好唔捨得呀!!!點解咁快就完了, 我還想繼續看下去耶 ~

五月天回後台了, 現場著晒燈, 開始廣播離場的廣播, 但是我地一班 FANS 就唱歌去遮蓋呢段廣播, 全場的 fans 的大聲唱歌下, 真的很奏效, 我地成功遮蓋了大會廣播離場的廣播。我地叫了很久, 終於五月天又俾我地感動, 走出來了 ~ 當時己經係 11:45 分, 佢地出黎, 真的要俾紅館罰款, 但他們依然出來了, 紅館開晒燈, 光猛猛的情況下, 佢地唱了最後一首 <憨人>, 這首是台語歌來的, 我唔識唱, 我只有再旁跟著旋律啦 ~ 啦 ~ 啦 . . . . 到尾聲, 五月天都停下來, 望住我地觀眾繼續唱這首歌, 他們大概企了一會兒, 佢地就回後台。這次真的完結了。但我地一班 fans 還是賴死唔走, 繼續大聲唱 <憨人>, 希望五月天真的會再出來, 但這次我們唱了很久, 等了很久, 他們還是不出來, 我想他們是不會再出來, 接著d 觀眾都知機會渺茫, 陸陸續續開始離開會場。

我真的真的很唔捨得, 好想明天再來看多最後一場演唱會哦 ~

今次的演唱會, 我好似中了他們的魔法一樣, 深深地愛上了他們。由於我只是個初級 fans, 對佢所有的歌不是很熟悉, 希望下次的演唱會, 我會變為佢地個資深 fans, 能不用看歌詞就熟悉的唱佢地的歌

離開會場後, 差不多 12:15分, 我地就去了買飲品來喝, 當飲一口落肚的時候, 喉嚨超痛的, 己經唔想再講嘢了 ~

之後我們就行去紅隧個邊搭巴士回家了, 今天真的很累, 但太多太多難忘的回憶, 我會好好記得這一晚的, 是你帶俾我們難忘的一晚。

呢幾日D天氣簡直熱 C 人啦 . . . 以前我出街都不會搽防曬的, 但見宜家每日都咁猛太陽, 係時候做返D防曬措施啦 ~ 唔可以再俾自己咁懶, 如果再唔KEEP, 真是好易老的

之前聽 Sherman 講 ORBIS 的防曬都不錯, 所以最近都買了一枝試試。由於我D 皮膚很易敏感, 之前用 FANCL 的防曬, 搽到塊臉紅起來, 所以最後俾我打入冷宮。宜家用左 ORBIS 兩日, touch wood 都没有敏感情況發生, 而且覺得這枝防曬很不錯, 搽完上臉後, 不會覺得很笠, 而且感覺很清爽, 唔多似搽左防曬咁, 而且枝嘢細細枝, 好快用晒, 又唔駛驚好快過期唔用得。最重要最重要就係呢次防曬貼近面色, 唔會好似其他防曬液咁搽到塊臉白白的。

昨天同事話我知apm 開左一間 LOG-ON, 所以今日 lunch 同 babe 和 peggy 去了 LOG-ON 逛, 裡面有很多東西賣, 有美容, 精品, 生活用品, 零食, 袋, 雨傘, 好多好多得意的東西 . . . 最後 peggy 買了一些化妝品, 而我和 babe 就没有買東西, 逛到 2:15 p.m. 才回公司

飛輪海的演唱會, 之前恆生信用咭有得在網上優先訂飛, 原本打算和 Zoie & Sherman 一齊去睇演唱會。點知網上訂飛, 係由電腦派位, 而我們三個人驚要分開坐, 經過一輪考慮後, 由 180元轉到睇 200-300元飛, 但最後又話唔睇。

在演唱會前幾天, 家慧通知我, 佢拿到飛輪海演唱會d 飛, 佢找不到人陪她看, 所以問我要不要跟她一起去, yeah . . . 超開心的, 由打算同d fd 一齊買飛睇 到 決定唔睇他們的演唱會 到 現在又有飛去睇, 個刻的心情實在太難形容啦 . . . . 真是好開心, 我終於可以睇到佢個演唱會, 亦好多謝家慧俾左張飛我, 令我無錯過他們的演唱會, 他們的演唱會真的很棒很好看呀！仲有看見他們真的有進步耶 . . .

今次係我第一次去亞洲國際博覽館看演唱會, 我覺得這個場d座位好似想做到紅館d 座位一樣, 但是我同家慧覺得個場唔係好掂, d 椅會搖搖下, 唔得實正, 而d 行人道太窄, d 音響太大聲, 振到我坐個d 位都振, 總之個場唔好, hehe ~ 但這一切都不影響飛飛個演唱會

Let's our concert . . .

很喜歡他們的飛機做型 . . .

Calvin 的金毛造型好可愛, 卡娃依呢 ~ 他表演的 beat-box 真的超勁, 很厲害耶 ~ 看完他的個人 solo 部份, 簡直令我另眼相看 ~ 加油哦 - Calvin ~

開頭大營幕綠色 blackground 影住一個男仔在彈琴 (即是影子表演, 只見到個影, 而看不到真人個樣個d)。接著另一個藍色 blackground 影住另一個男仔在打鼓, 接著就係紅色 blackground 影住一個男仔在彈吉他, 我己經猜想到是他們, 我和家慧在猜阿布應該彈琴, 而大東應該彈吉他, 咁打鼓的哪個人到底是誰呢？開頭家慧估 Calvin 係打鼓, 咁尊尊表演 d 咩呢？

最後

最後 . . .

最後 . . . . . .

家慧猜錯了 . . . . . .

答案是:
阿布彈琴, 大東彈吉他, 阿尊打鼓, Calvin 再表演 beat-box, 他們合奏一曲, 表演超精采的 . . .

他們的合奏完畢後, 大東用吉他彈出 <超喜歡你>這首歌, 當時個場俾佢攪到勁 rock, 好想跳起來一齊唱呢首歌, 但阻於行人道上太窄, 不過宜做這個動作, 所以只好乖乖坐在座位上, 跟著唱和揮著營光棒吧!!!but 全場的氣氛被大東帶到超 high 的

唱完歌後, 他們就留低阿布 solo, 阿布彈彈下琴, 就邀請他的師妹劉力楊合唱 Ti amo, 唔知係唔係因為得返阿布一個人, 没有其他三個成員, 所以佢唱到有d 失準, 我想可能佢有d 緊張啦 . . . 他們唱完這首歌, 就由劉力楊一個人表演, 她唱了幾首歌後, 又到返飛飛出場啦 . . .

接著他們就出黎唱d 懷舊歌, 他們唱了些英文歌 (updown girl, . . . ) & 廣東話歌 (張學友的 <暗戀你>), 他們唱英文歌唱得很好。當他們唱廣東話歌, 我覺得他們唱得幾準, haha ~ 到最後聽到阿布唱到呢句 (人心內 . . . <佢就唱左人參內 . . . >), 跟住我同家慧一齊係到笑, but 覺得佢地唱廣東話歌己經唱得好好啦 . . . 加油哦!!!

我覺得他們這次演唱會真的能夠帶動氣氛, 完全没有悶場位。他們還在現場賣廣告的, 他們播了前天幫迪迪尼拍的黑色世界的廣告給我們看, 他們在廣告中是講廣東話的。

接著大東講最近香港多了一個 <炒飯>, 想到佢想講佢拍的哪套蛋炒飯。佢話佢整親隻腳, 加上又要拍劇, 好彩有我們的支持, 他才可以繼續這個演唱會, 還不忙宣傳他的蛋炒飯劇集。

阿尊即刻話佢都整親隻腳, 因為前個排拍舞俠梁祝個時整親, 要我們記得去看他的電影。

阿布又話佢整親隻腳, 跟住大東就幫佢講埋, 叫大家要留意阿布拍的霹靂 MVP。

到阿尊個人 solo 部份, 他表演耍劍。接著他們就一齊唱了 <雙截桿>, <不死傳說>等

之後到 Encore 的環節, 只得 Calvin 一個人出黎, 他表演 <捽碟>, 接著又跳起勁舞來, 他的個人表演, 看得出他真的下了很大苦功, 因為表演 beat-box 真的很難, 而且還表演得超精采。他們初出道時, 大東, 阿尊和阿布都話 Calvin 跳舞呢 part 好差, 他跳到完全似一個機械人在跳舞一樣, 但他今晚的表演真的進步不少, 他表演跳舞個 part, 我己經唔覺得佢跳得似機械人一樣, 他的進步了很多, Calvin ~ 你要加油哦 . . .

Calvin 表演完, 其他三人也換好衫出來, 很喜歡他們哪 part 的衣服, 完全俾我一種很 young 和 很有活力的感覺。他們哪張相的 post 好好笑

我很喜歡大東這件外套, 最後還俾家慧取笑, 演唱會後, 要不要快d 去買返一件, 哈

阿尊抬到隻腳好高哦 . . .

阿尊送飛吻, 接實啦 . . .

收到未呀？

四個人一齊送飛吻啦 . . . 接實未呀!!! . . . 陶醉和冧死當中 . . . 

大東手上多左隻 stitch 呀!!!

超羡慕 d dancer 可以同飛飛跳舞呀!!!

落幕啦 . . . 好唔捨得你們哦!!!點解咁快完嫁 . . . .

最後有個 fans 送了好大隻的 stitch 俾大東, 唔知大東係唔係鍾意 stitch 呢？咁多人送 stitch 俾佢的

臨 ending 個時, 他們唱了 she 的 <美麗新世界> 和 <新窩> 作落幕, 我和家慧都覺得他們配錯歌, 因為可能我和家慧都不太鍾意 <新窩>呢一首歌吧!!!因為他們將這一首歌放在最後一首歌中, 我覺得如果佢將 <超喜歡你> 放在最後一首歌到, 個效果仲更加好!!!

演唱會後的感想:
很開心没有錯過他們的演唱會, 他們的演唱會很棒, 很好看, 最重要最重要就係要多謝家慧俾張飛我, 否則我都不能欣賞到一場咁好看的演唱會。

我在現場看到阿布, 覺得阿布隻手都幾大隻, 因為之前睇佢地上台灣節目, 覺得阿布好瘦, 所以現場看到佢, 完全不一樣耶。

Calvin 今晚個人 solo 的部份超精采, 我很鍾意 beat-box 個一 part, 你要加油哦

大東今晚用半鹹半淡的廣東話講嘢, 很攪笑, 而且當佢唱完歌後, 我們尖叫, 他就會講一句好攪笑的說話 <唔駛客氣 . . .>, haha, 超攪笑的 ~

如果四個人站在台上, 而我們又坐得遠, 所以攪不清楚哪個是哪個, but 阿尊係最易認, 只要揾到手上的紋身, 就知道邊個係佢, haha . . .

我同家慧都覺得他們唱現場係好好聽, hehe ~ 家慧還話他們唱現場好聽過佢地d cd


P.S. 我同家慧都一致話 <如果飛飛再黎香港開演唱會, 我們一定要再去看哦 >