韓國濟洲 releax 之旅 - Day 3 @ 星之菓子

由於呢間酒店實在太靚啦 . . .

所以打算和媽媽早些起身落酒店公園影相

我地真係勁勁勁早起身架 ~ 我地在當地時間 5:15分就梳洗完畢, 就落去公園影相了

這個是酒店大堂和餐廳

影完相, 我地就回房拿埋行李到集地點

今朝食早餐的地方也是第一天來到濟洲食 LUNCH 的餐廳

今朝早食鮑魚粥, D 鮑魚呢 . . . haha ~ 真係細到你睇佢唔到 ~

食完早餐, 襯陽光普照, 和媽媽到餐廳的堤駁再影下相

食完早餐, 我地就出發去機場了

好唔捨得離開這個這麼美麗的濟洲島

濟洲島再見了 ~

希望下次還有機會再來啦 . . . 因為這裡真的很美很美, 我己經深深愛上這裡了

我地 8:14a.m. 己經來到機場, 我地坐 10:25a.m. 的機回首爾

足足有成1個鐘俾我地自由活動, 我地就周圍逛下

回到首爾金浦機場, 隨團的攝影師 (haha ~ 因為事隔太耐, 唔記得佢叫咩名) 來接我地機

這位隨團攝影師没有跟我們去濟洲玩, 所以回到首爾佢再join 返我地玩

落機後, 我地就去韓燒

韓燒餐廳還做埋售賣紀念品的生意, 真係認真識做生意耶 ~

我睇中左一個好韓國風的長型銀包, 大約HKD50左右

sophia 話之後回首爾市區的一間餐廳會平d, 而呢間餐廳我地都會去食飯

所以佢叫我地留待那時才賣

(最後個日去 sophia 講嗰間餐廳, 點知個款銀包己經買晒 >____<
好後悔當時在韓燒的餐廳没有買到哪個銀包)

食完飯, 我地就去 Everland 玩囉 ~

兩年前來這個主題公園, 旅遊巴可以停在樂園門口的停車場

兩年後再踏足這個遊樂場, 旅遊巴只可以泊在山下, 我地要再轉樂園的巴士才去到樂園門口

感覺没有兩年前的哪麼方便

由於撞正韓國學生春遊, 所以未踏足樂園, 己經見到一大班一大班的學生在門口影班相

入到園內, 都係好多學生

覺得韓國的學生春遊去主題樂園玩好幸福耶 ~ 我讀書年代的旅行, 全都是什麼什麼郊野公園

學校不會舉辦到主題樂園旅行的

入到樂園, 原本 sophia 想帶我們去山下影團體相, 跟團指定的動作 (大合照)

點知行行下, d 團友失散晒

集體相也影唔成, 而攝影師也未開齋, 真可憐耶 ~

之後就解散, 媽媽話想睇動物, 所以我地坐巴士近距離接觸動物

獅虎

隻雄企起身好高耶 ~

我很喜歡這張照片

睇完動物, 媽媽就話要買扭紋條 (兩年前 jerry 介紹好好味) 食, 所以今次媽媽話要再回味一下

之後我地就去睇馬騮

馬騮館入面有好多品種的馬騮

我地行行下, 望一下左邊的玻璃窗, 見到一大舊黑色物體, 開頭我地都唔為意是咩???

點知原來一隻大猩猩坐在係到, 而且仲望住我地, 我地都嚇左一嚇

恭喜你嚇人成功, haha ~

佢係望住我地囉 ~ 媽媽話佢好攪笑, 媽媽睇到唔捨得走

睇完馬騮, 我地就去四季花園影相

影完相, 我地就回商店大街, 打算看一看精品, 之後就要離開這個樂園了

2年前在樂園門口 (未出閘前) 買過一件雪榚三文治, 當時同d 團友都覺得好好味

打算離開前, 再買黎食, 點知間舖頭無左 lu ~

之後媽媽就買了爆谷來食

離開樂園後, 我地就去了東大門逛

去到東大門後, 落著雨, sophia 只俾了40分鐘俾我們逛這個東大門

太少時間, 所以我和媽媽就選了 hello!apm 這個商場來逛

最後買了一件長袖 t-shirt, 其實價錢都幾貴, 不過香港没有這款 t-shirt, 所以貴少少也買了回來

下一站逛 coex mall 商場

這個 shopping mall 都是買一些較貴的東西, 所以也只是買了一些護膚品

一比一人型的金賢重紙牌公仔, 我要同佢影相, haha ~ 媽媽話我傻架 ~ 同個紙牌公仔影相

我當然唔可以錯失呢個機會啦 . . . 同靚仔影相喎 . . .

sophia 之前也有幫過金賢重做過翻譯, 佢話金賢重無架子, 好 nice, 所以sophia 也很喜歡佢

逛完 coex mall, 我地就去食晚餐了

今晚的晚餐真讓人奇待 - 人蔘雞湯

一個石頭鍋裝著一隻雞, 另外再配面線 + 蔘酒落雞湯

切開雞後, 還發現有一大條人蔘在入面架

我覺得呢間的人蔘雞湯好好味, 媽媽更特別 like 佢的配菜

食完, 我地同班團友拿拿臨去車仔檔買士多啤梨, 因為車仔檔個阿婆開始收檔了

其實有一個團友諗住買, 諗住問阿婆幾錢???

但阿婆好似聽唔明

於是我用我緊有的韓文問阿婆幾錢???幸好阿婆聽得明我講咩 . . .

之後我話俾一班團友聽一盒士多啤梨幾錢, 之後阿婆的士多啤梨都俾我地一班團友買晒

sophia 話個阿婆好感激我地, 因為我地幫佢買晒d 士多啤梨

之後就回酒店, 今晚入住的酒店是位於明洞

沖完涼, 我地就食士多啤梨

d 士多啤梨真係好正 ~