韓國之旅 - Day 3 (下)－星之菓子

續上 . . .

從小木屋出發去下一站 - Everland, 去 Everland 前, 我們首先去食lunch 先, 今次導遊帶我們去食韓式任燒鐵板燒, 呢間餐廳有好多肉俾我地任燒, 食到我地飽飽就入 Everland 啦 . . .

等我為大家介紹下 Everland 先, Everland 係韓國大型刺激的機動遊樂場黎, 入面有木製過山車 + 2個都好刺激的過山車, 仲有轉到頭暈兼嘔的洗衣機, 滑浪飛船, 摩天輪, 旋轉木馬 . . .

Everland 係由 samsung 出錢而建的, 這個遊樂場原本只是 samsung 提供俾員工及員工家人假日的好去處, 遊樂場起初不對外開放。這個遊樂場起初係一個動物園黎, 後尾漸漸發展, 增添左好多大型刺激的機動遊戲, 加上 samsung 為左想賺多d 多d 錢, 所以最後呢個遊樂場開放給所有人入內遊玩, 所以就成為今日的 Everland 啦 . . .

入去前, Jerry 話會帶我地成團人一齊玩呢個樂園, 佢話如果想自己玩, 可以不跟佢。好少導遊會帶一班團友一齊玩一個樂園, 所以覺得佢都唔錯, 而且佢仲話會帶我地成團人玩d 佢認為最值得玩的東西, 所以最後我們成團人都跟住佢玩。我覺得今次跟呢個團很不錯, 遇到好領隊 + 導遊 + 韓國攝影師叔叔 + 一班好團友, 令我呢個旅程真是玩得好開心呀!!!

入到樂園, 首先由 rambo 幫我地影返張大合照, 之後我們就展開我地的樂園之旅啦 . . .

影完相, Jerry 就帶我們一團人坐纜車到山下面的樂園玩。

我們第一站首先到四季花園。四季花園入面d佈置很靚, 充滿聖誕氣氛, 身處在這個白色的花園入面, 覺得自己又回到小木屋哪兒一樣, 真是令人很開心呀!!!之後jerry 就帶我們坐一架小型火車, 這架火車會圍繞四季花園轉一周, 咁樣我地就好快可以睇晒四季花園每一角的靚景啦 . . .

園內入面一個大型的蛋榚, 我要影低佢送給 12月份生日的好朋友 . . .

坐完火車, jerry 俾30 分鐘的時間給我們在這兒影下相, 之後佢就會帶我地去玩另一樣嘢 . . .

由於同jerry and 阿珊玩熟左, 所以拉埋佢地一齊影相, haha . . . 媽媽拿住jerry 個枝手手棒作勢打jerry 塊臉, 而我同阿珊就傾好, 要擺一個cool cool 的post . . .

影完相, jerry 就帶我們去玩旋轉木馬, 佢話呢個旋轉木馬係世界最大的一個, 信不信由你啦 . . . 阿珊坐係我隔離, 不停係咁同佢一齊影相, 一齊玩, 一齊癲 . . .

玩完旋轉木馬, jerry 就帶我們去睇海獅表演。途經溜冰場, 見到d 小朋友咁樣溜冰, 好得意, 所以就影佢地相。佢地坐係一塊有 look 的板上, 之後就依靠個兩枝棒令自己架車向前行, 其實都幾辛苦同埋晒力, 但是我諗佢地有得玩, 就開心啦 . . .

行行下, 途經一些小食店, jerry 介紹樂園內一種佢認為好味的小食 - 玉桂子給我們, 我們一班團友都很好奇, 所以大家一齊買來試下, 味道還不錯, 甜甜的。

jerry 話呢個樂園訓練海獅的方法同香港海洋公園個d 唔一樣, 而且呢度的海獅表演係勁過同埋好睇過香港的海洋公園嫁, 所以叫我們好好欣賞牠們的表演。我入到海獅表演場, 己經覺得佢個佈景好靚, d 木屋仔上面有塊跳板, 我己經係度諗一陣個d 海獅唔知會唔會走上去跳落黎俾我地睇呢？點知一開場, 個職員就叫隻海獅爬上屋仔上面的跳板, 之後隻海獅真是跳左落黎 . . . 第一個表演環節己經深深吸引左我, 之後我就好奇待之後的表演環節啦!!!因為我好鐘意大海, 所以亦都好鐘意睇海洋動物的表演, 每次都海洋公園, 我都要入海洋劇場館睇海豚表演的 . . .

之後職員擺左一d 公仔咭係d海獅的前面, 之後職員問一些問題, d 海獅就要搶答, 行到d 咭面前, 選返個答案出黎, 牠們真是好醒, 竟然識選返d 正確答案出黎, 由於我都識聽聽地d 韓文, 所以大約估到佢地講咩, d 職員好大聲問場入面d 小朋友 <海獅選的答案啱唔啱？> d 小朋友就好大聲咁講啱, 我覺得呢度d 海獅係識聽韓文, 佢地真是俾到反應同埋動作出黎, 覺得牠們很厲害耶 ~

之後海獅又表演打鼓和拋藍球入樽, jerry 真是無介紹錯這個海獅表演, 這個表演真的很好看, 而且還要比海洋公園入面海獅表演好看得多了 . . . 10個讚

睇完海獅表演, jerry 就帶我們去睇另一種特意的動物, 就是 <獅虎>, 即是獅子 mix 老虎, 大家都知道呢兩種動物無可能交配, 但點解會出到 <獅虎> 出黎的？這個動物園牢住獅子和老虎, 而定時定刻都會餵食物給牠們, 所以漸漸令佢地的獸性下降, 失去左佢地原本應有覓食和自我保護的自然本能和反應, 由兇猛的獅子變為一隻善良的獅子, 再慢慢由寂寞演變對老虎發生感情, 之後就有左 <獅虎>出來 . . . 呢件事令我諗到一句說話 <咩嘢都會有可能發生和成真> . . . haha, 等我在介紹返呢隻獅虎先啦 . . . 佢擁有獅子個頭 & 老虎的身, 呢d獅虎唔可以續續生下一代。我又係到諗, 如果狗 mix 貓, 咁個隻動物唔知會係點樣呢？哈哈 . . . 我份人比較鐘意聯想, haha, 我諗如果狗 mix 貓的話, 個隻動物一定會很怪 . . .

除左獅虎之外, 還有好大隻熊出現添 ~ 呢隻熊好勁, 識企起身行路, 而且佢企起身同人差唔多高, 好彩係坐係車入面, 如果唔係都幾驚 . . .

睇完動物, jerry 就俾我地自由活動, 玩自己想玩的機動遊戲啦 . . . 而我就走左去逛我至愛的精品店。估唔到呢個樂園有好多唔同種類的公仔帽, 於是我又續頂續頂黎試, 玩個夠本。我對呢頂帽簡直愛不釋手, 呢頂帽好特意好可愛呀!!!我記得尊尊都帶過佢黎影相嫁 . . .

上次去日本 disneyland 都好後悔没有買到哪頂紅色波點 minnie 帽, 到底好唔好買呢頂帽呢？而且這頂帽比日本 disneyland 個頂帽便宜多了, 到底要不要買？考慮左好耐好耐, 我最後都決定買這頂帽, 因為我唔想好似上次咁, 返到去香港先後悔無買個頂帽, 所以見到鐘意就要買 . . . hehe ~ 如果冬天去香港迪迪尼都可以帶去玩下 . . .

由於時間無多, 所以最後我們没有還任何機動遊戲, 雖然蝕左, 但是我逛精品店都好開心, 哈哈 . . . 留返個籍口俾自己下次再黎韓國玩返夠本。覺得後面個台好靚, 影返張相先 . . .

見到樂園入面d 職員著個d 制服好攪笑, 一棵識溜冰的聖誕樹在掃地, 所以要捉住佢地影返張相。

由於差唔多到集合時間, 但我死都唔肯出去, 要逛多一陣精品店, 所以爸爸媽媽和細佬己經出左樂園, 而我就繼續自己逛精品店, 逛到最後一秒, 我先行返出樂園內, 點知係門口見到團友表姐 + 表妹, 於是同佢地傾開, 大家都想試下呢個小食 (哈哈 . . .其實大家一樣好餵食) , 於是我地冒住遲到都要買到為止的宗旨, 最後仲拉咩團友李小姐一齊買, 我地每人都各自買了一個來食, 我選了雜咁味道, 這個小食很好味呀!!!如果你們有機會的話, 要試下這款小食哦 . . .

黎個近鏡先 . . .一個烘左個麵包包著一粒粒雪榚, yummy ~ yummy!!!!

玩完樂園, 我們就要出返市區啦 . . .我地首先去食晚餐, 今晚的晚餐係之前 <大長金>入面都出現過, 就是硫磺鴨 . . . 味道不錯, 個湯很好味耶 ~

食完晚餐, 就去輪到我去血拼的地方 - 東大門, 這裡係售賣年青服飾的集中地, 韓國好多的年青人都會黎呢到買衫。

首先我在街邊檔買了一頂冷帽, 之後就逛 Hallo!!!APM, 呢個商場買的東西比較 young 同埋d 衫比較便宜, 我在這個商場買了 3 件 t-shirt, 每件t-shirt 的價錢都不超過 100元, 最平過件都係 55元左右。其實在這裡還睇中d 褸, 但我見價錢同香港差唔多, 加上我都有褸, 所以放棄買哪件褸。

之後就逛隔離的 Good Morning, 在這裡看見一頂帽好靚, 最後忍唔到手, 買多帽, 因為頂帽先為港幣50元左右, 都唔算貴, 所以買多頂都不算過份 . . . haha, 在這個商場買不到衫, 但媽媽反而買左兩件衫 . . .

由於時間無多, 我們要起程回集合地點, 途經一些路邊攤檔, 所以我們便看看, 我和媽媽total 買左 5 條頸錬, 最平個條錬都只不過係 hkd15.00, 真是抵到爛 . . .

我們10點回到酒店, 見時間有早, 於是我們自己走左出去逛 & 食宵夜, 原本想去漢江影下相, 因為漢江就係酒店附近, 但點知媽媽話驚行左過去, 唔識點行返過黎, 所以最後都没有去到。唯有係酒店影下漢江啦 . . .

韓國分左江南同埋江北, 江南係有錢人住的地方 (即是好似香港個d毫宅山頂區), 而江北係窮人區 (即是好似香港深水埗區咁), 而我地個間酒店就住於江南區, 哈哈 . . . 所以我都做左兩日有錢人哦 . . .