韓國之旅 - Day 3 (上)
今朝一起身, 在洗手間梳洗中個時, 媽媽大叫, 於是我就問
發生什麼事？佢叫我快D 出黎露台睇下
原來昨天晚上落雪, 落到整個地方到被
白雪包圍, 好靚好靚, 我同佢都覺得好 magic 咁, 因為昨天晚上原本四周都係草地一遍, 現在一夜間變色白色一遍, 個種神奇同埋驚喜, 簡直好難形容, 我地係
開心到爆。於是我就快d 梳洗完, 就同媽媽出左去外面影相。出到去, 己經見到團友 (三個妹妹) and rambo 係到影緊相, rambo 見到我地出黎, 佢又用我地部機幫我地影下大合照, 而且很少用佢自己部機, 佢真是
好好人, 因為佢今個團的收入, 就係要靠佢幫我地影的相賺取收入, 但佢竟然大部份都用我地d 相機, 好少出動佢d 相機, 所以覺得佢好好人, 爸爸仲讚佢老實添 ~ 這裡的雪景真的美呆了 . . . 咁大個女第一次處身係咁多雪之中, 真是好興奮呀!!!
這兒就是我們住的小木村區, 一排排小木屋, 加上舖了一層厚厚的雪, 更添冬日的氣氛。以前只有在旅遊節目中才看到這些風景, 當時看電視己經覺得雪景真是美呆了, hehe
~ 估唔到我今日終於能夠處身雪景當中, 欣賞真真正正的雪景, 哪種感受還要比睇電視或睇照片來得震撼, 因為當你真真正正處身係雪景中, 你看到的雪景係要比係你係電視中見到的雪景還要美, 個種感覺真的很幸福, 好似去左一個世外桃源咁, 我真是真是好開心 . . . 可能你們會覺得這些照片, 拍出來的雪景好美, 但當你置身過於現場, 你就會發現這些照片都不夠美
rambo 真的很
厲害, 他為了幫我拍出靚靚的雪景照片, 他幫我營造一個落雪的效果, 就是他將一d 雪灑在我的頭上, 身上(hehe ~ 
不是所有的雪都可以灑在身上哦, 因為由於是昨天晚上11點幾下的雪, 所以今朝早的雪好幼細和乾淨, 才可以把雪灑在身上哦 . . . um ~ 如果大家又好想學我咁, 曬d 雪上身上, 
要先看看哪些雪是否乾淨才好灑哦 . . . )拍出來的照片就好似d 雪由天空上落下來咁, 我覺得佢好識製造一個好靚的效果, 幫我地去影一張好靚的照片, 他還會教我們擺 post, 真是覺得佢超好人這張照片, 就是他灑了一些雪上我身上, 但因為 upload 左上黎之後, 張照片太細張, 所以見唔到哪個效果。而後面個間木屋, 就是我昨天晚上住個間黎嫁啦 . . . 我間屋係唔係好靚呢？如果
間木屋係我的話就好了, 真是好鍾意呢度哦 . . . 
之後我們就係小木屋周圍逛, 影下相 . . .
行行下, 見到我個團的司機, 於是媽媽就拉埋佢一齊影相
你地睇下連架車都舖滿厚厚的雪, 真的很凍哦 ~
之後 rambo 就過黎叫我們食左早餐先再影相, 因為佢驚我地影過龍, 無時間食早餐。好啦 . . . 我地就乖乖地食完早餐先影相啦 . . .
食完早餐, 首先一個團友 (表妹) 就揾雪砌雪人, rambo 見到我地砌雪人, 於是就幫她忙, 砌了一個
迷你版的雪人, 我地一班團友都爭住同呢個迷你雪人影相哦 ~ 由於時間緊迫的關係, 我們没有時間幫材料幫牠加眼和鼻, 所以只好屈就這個雪人了 ~ 但這個迷你版的雪人都好受歡迎哦 ~ 
影上面個張相個時, 我唔知原來 rambo 係另一邊影緊我, 呢張相係 rambo 用佢自己部相機幫我影。到離開韓國個日, 佢晒返晒所有d 相俾我地選購, jerry 和 阿珊見到呢張相後, 話覺得呢張相影得好自然, hehe ~
仲俾佢地同埋其他團友笑呢張相好似 <向世界出發> 咁 ~
食完早餐, jerry俾左一些時間我們執行李。食完早餐, 我們用左些時間砌雪人和影相, 所以時間無幾俾我地執行李, 於是我立即回房快速收執行李後, 希望仲有些時間俾我地出去影下相啦 . . . yeah
~ 我都好偑服自己執行李的速度, 好快就執完, 而且仲有時間俾我出去玩同埋影相, 實在太開心啦 . . . 我要爭取每分每秒影多d 雪景相回來
很喜歡呢張相, 後面個景好靚哦 ~
呢張相個post 係
rambo 教我地擺嫁 ~ 呢張相另外想起某人, 哈哈 . . . 想起當年發生的趣事
突然好想黎返張跳跳相, 因為我覺得雪地俾人的感覺係凍冰冰和很
浪漫的, 所以如果係雪地影跳跳相, 更能為雪地增添一種活力的感覺 . . . 哈哈, 想太多啦, but 媽媽話好鐘意我呢張跳跳相
我們真的係時候要離開這兒, 我真的很
不捨得這兒哦 . . . 
我們影左一輪相後, 就回房間拿行李到旅行車上。由小木屋區行去停車場中, 見到 rambo 同其他團友砌更另一個大d 的雪人, 但拿住行李的我又唔方便玩, 所以只好拿左行李到旅遊車上, 之後自己再折返同埋佢地一齊玩。
係玩的途中, 由於團友 (李生) 一直都未出黎 (個陣時己經係過左原本集合時間), 由於佢未出黎, 我, 阿珊, 團友表姐, 團友表妹, rambo 一齊去砌未完成的雪人, rambo 仲幫呢個雪人加返d 眼, 鼻和口, 最後 rambo 更脫下埋我帶緊個耳罩落雪人到, 我地幾個女仔
一齊尖叫起來, 個個爭住同呢個雪人公仔影相, 真是好多謝 rambo 幫我地砌左一個大大的雪人公仔出黎。當我們睇緊 rambo 砌雪人的途中, 我們覺得佢很厲害, 因為佢將d 雪左碌右碌, 好快就砌左個雪人的下半身出黎, jerry 話韓國人砌雪人更係厲害啦, 因為佢地由細細過己經開始砌, 所以他們懂得砌雪人的技巧。hehe ~ 我更同團友表姐講笑, 將同雪人影的相 post 上 face book,
之後將個雪人公仔 tap 返 rambo 個名上去
, 哈哈~ 我地好衰哦 . . . 
同雪人影完相後, 突然 jerry 黎到黏著團友表妹, 於是佢地兩個就開始玩起雪戰, 哈哈 . . . 於是我就幫團友表妹一齊夾攻 jerry。我砌好一個圓型的雪球後, 諗住拋向 jerry 腳下面, 點知 jerry 一另轉面,
oh my god!!!個雪球中正佢個菇菇, 我唔係有心嫁, 跟住一班團友一齊尖叫起來, 我就 =_=lll團友表妹話我做得好,
團友表姐話中得好,
而阿珊就話你小心d 呀!!!因住jerry 揾你報復 . . .
跟住我見到jerry 個樣變得
好兇和好狠, 佢話你小心 d 呀!!! (真是有d 驚添 ~ ) 我同你玩起上黎, 我拋雪球的命中率很高哦 . . . (死啦 ~ 
睇黎我真是激嬲左佢添!!!吓 . . . 咁你同得人玩, 就要玩得起啦 . . . 宜家俾人拋中左, 個樣就變得好狠咁, 咁即是玩唔起啦, 如果玩唔起, 就唔好同人玩雪戰嘛 . . .)於是佢一手拿起雪球, 向我個方向拋過來, 團友表妹和表姐叫我快d 閃, 我就好快閃左去樹後, 佢向我拋雪球個下動作都好狠嫁 ~ 好彩我走得快, 閃到, 打唔中, 接二連三佢都向我拋過幾次, 但幾次都唔中, 而且我好順利走出小木屋區, 順利到達停車場, 最後團友表妹係遠處叫我快d 上車, 因為 jerry 正企係某個地方, 拋雪球下來擊向我, 好彩我走得快, 拋唔中我, 之後團友李生到出到黎, 我地就上車離開呢個小木屋區囉 ~
好彩上到車, Jerry 個樣都無咩嘢, 咁都好d, 於是我地就繼續行程
真是
好唔捨得呢度, 咁快就走 lu . . . 離開小木屋區, 向住下一站進發中的時候, 係車上見到四周都被白雪包圍, 而且山中間還出現一層薄霧, 連沿途的風景都這樣美麗, 所以忍不住拍了下來 . . .
_________________________________________________________
由於返到黎香港很累, 當我補追回韓國第一日和第二日的行程時, 花了我很多時間寫和 upload d 相上來, 加上我真的真的很累而且還生病中, 所以没有精神上黎補追韓國第三日的行程, 所以寫到韓國第二日行程後, 這個 blog 就一直掉空中很久, 没有時間再上來追回第三日的行程, 最近休息多左, 所以我會好努力補追返之後韓國的旅程哦 ~
韓國之後 - DAY 3 (下) 待續 . . . 下一站就展開我血拼之旅囉 ~
文章標籤
全站熱搜
留言列表
