星之菓子

我們朝早約埋一齊去餐廳

食早餐, 由於食完早餐, 就去浮潛, 所以都唔夠膽食咁飽。

Redang island ~ good morning ~

我的爆笑語錄二：
我地早餐在討論 d 魚鍾意食麵飽 or 麵飽皮

haha . . . 可能呢幾日唔夠訓的關係
我想講麵飽皮個條邊, 最後簡省了幾隻字, 變了 <麵飽皮邊>
佢地聽到就大笑起來
toffee 話如果麵飽鞁邊 (令人聯想起SM 個D 鞁邊哦) 應該好易斷, haha ~

其實我講個時覺得無咩嘢, 但聽返佢地講返, 又覺得幾好笑,

haha . . .

 

今朝第一場的浮潛將在早上 9a.m. 開始, 食完早餐, 就去聽 briefing。職員講解今朝早的浮潛較少人, 我地將會坐船到海中間, 之後就跳落水浮潛, 到時亦會有職員幫我地影海照 ~

我地大約坐了 20多分鐘的船, 就來到今次的浮潛地點 ~ 落船前,

影返張相先 ~

之後大家開始落船, 見到大海好多著晒紅色救生衣的人,

感覺好似鐵達尼的生還者, 等待別人來拯救, haha ~

由於

我太耐無去游水, 加上我的泳術太差, 落水後勁驚

, v 話鬼叫, 勁樣衰, 雖然著左救生衣, 但都係

好驚, haha ~

我覺得著了救生衣唔係好慣, 因為著左之後, 佢會令你個人係咁反轉, 即是好似一條香腸係個轉轉爐一樣, 係咁轉 ~

當慢慢適應後, 無咁驚, 就開始望落海底, 睇魚魚, but 今日太大浪, d 魚唔多, 不過海底下面的

珊瑚真的好靚, 吸引我去靜心觀看, 而且一邊游一邊睇海底的珊瑚, 個時個心勁清靜, 好 enjoy 個一刻, 感覺自己好似一條魚一樣, haha ~

小巴潛到很落, 幫我們影相 ~

小巴還潛落海底拿海參上黎給我們影相 ~ 阿大拿著的就是海參了 ~

由於我地游到好遠, 當夠鐘上船的時候, d 職員係咁吹 bb, 我己經好努力游返去, 但距離隻船仲係好遠, 游游下己覺得超累 . . .

好多謝三妹一邊

拖著我, 一邊游, 因為好驚佢地個個游得好快, 得返我一個慢慢游。

最後小巴看到我地游得咁辛苦, 所以三妹就叫佢拖我回去,

自己實在太無用了。

小巴 ~ 辛苦晒你了 . . . 之後小巴見到 toffee, 我地又夾埋 toffee 一齊返船。

之後小巴還託佢的朋友拖埋阿五和阿大返船。

上到船, 己經超累, 幸好趕得切上船。小巴辛苦你了 ~

之後我地坐船回到島上。我地就回房沖涼, 沖完涼, toffee 和阿三過了我地房吹水, 休息左陣, 我地就去食 lunch 了。

食完飯, 見有時間, 就影下相先 ~

影完相, 我們就回房換回泳衣, 又準備去玩第二次浮潛。

我地又去返浮潛的集合地點聽 briefing先。職員講解今次的浮潛會去到 marine park, 船會停在條橋上面, 我地落左船後, 就可以由沙灘行入大海浮潛, 而職員會在深水區幫遊客影海底相。

由於唔想拿住件救生衣, 所以著左上身先再上船。

大約坐了 10幾分鐘船, 我們就落船了 ~

我地就是在

這個漂亮的沙灘玩浮潛了 ~

我們落船後, 首先找職員幫我地影海底相先 ~

我地續個續個去深水區影海底相, 而小巴負責睇住每一個人, 佢仲幫職員手, 禁我地落水影相, 小巴 ~

又辛苦你了 . . . 今次的旅程, 麻煩了小巴很多, 超不好意思耶 ~

當我落去影海底相的時候, 第一次落到深水的地方, 見到身邊圍了很多很多魚, 超開心,

咁大個人未試過俾魚圍, haha ~

其實落到水底都幾忙, 一黎又要影相, 二黎又要諗擺咩 post, 但一落到水底的我, 掛住望住 d 魚, 無留意個鏡頭, 因為海底真係勁多魚, 同埋當你落到水底, 見到咁靚的嘢, 就會忍唔住望多幾眼,

而忘記落黎海底係要影相, haha ~ 

個海底真係勁勁勁多魚架 ~

你地好似 kiss得好辛苦咁喎!!!

影完海底相後, 我地就行返沙灘揾阿六。由於擔心阿六會好悶, 所以我地拿了一袋麵飽, 一齊去淺水區餵魚。

淺水區也很多魚哦 ~ but 淺水區的海水無深水區咁清, 但仍然可以看到好多好多的魚 ~

玩左好耐, 跟住職員又吹雞, 我地又係時候要走人囉 ~

好唔捨得

離開呢個咁靚的沙灘 ~

回到水船, 阿大和阿五話要扮生還者 ~

阿五爆笑語錄二：

回到島上, 當我和阿五傾緊計, 阿大係我地前面, 阿大寧轉頭搭傘, 阿五跟住傻笑

, 大家都唔知發生咩事????

原來阿五近視無帶眼鏡的關係, 所以佢將阿大當左 <路人甲>。

阿大好可憐, 2次俾阿五當作 <路人甲>, 真係可憐哦 ~

之後我和阿大回房沖身, 我地兩個又走左出泳池游水, 游左幾個堂後, 我地又玩另一樣嘢 ~

就是落池底影相,

haha ~ 其實我地唔識點樣先可以 keep 住長時間逗留在池底, 我地係咁試, 終於有少少成功la ~

之後小巴教我地點樣係池底逗留得耐d, 我, 阿大, 阿三, 蕭欣, 小邱 & 阿發係咁試, 佢地個個都得, but 我同阿大就一時時得 ~

我地阿大都玩都累, 於是我地先回房沖涼, 隔左陣, 我地就出去食晚飯了 ~

在島上每一次食飯, 都是這班同枱的朋友仔, 而其他朋友仔分開坐另一枱 ~

晚上食完飯, 我地就去睇相 (職員幫我地在海底影的相)

d 職員好勁, 可以將一批批的朋友影的海底相分 file。

阿三和小巴負責和職員傾價錢。

最後我地當然要晒所有職員幫我地影的海底相啦 ~ 每一張相片為 RB5 (港幣 11元左右) . . . 我地選好的相片, 職員會銷碟給我們。

在等銷碟的途中, 職員還俾我地睇其他遊客的海底相, 有D 遊客的海底相

勁攪笑, 有D 扮貞子, 有D 就光脫脫影海底相, 有D 就露 PAT PAT 影相, 超爆笑 ~ 除了這些, 職員還俾我地睇佢係海底見到的珍貴海洋生物相 ~

選完相, 小巴就帶我地去睇藍沙, 當去嗰個沙灘的時候, 己經開始落微微細雨, 好幸運我地終於找到藍沙了 ~

雨越落越大, 我地個個淋著雨跑回房間。沖完涼, 我地就訓覺覺豬囉 ~

食完 lunch, 小巴問我地要不要玩 3 p.m. 個場浮潛, 但我地因為有秘密任務在身, 所以我地一大班人決定唔去玩浮潛。

這個 redang island 真的很美, 讓人很 relax . . . 當你一黎到這個沙灘, 你就會

愛上這個沙灘, 因為真的太美了, 藍天與白雲 + 陽光與海灘 ~

這個 redang island 就是拍夏日麼麼茶的地方, 來到這個島上, 酒店會 24小時播放著夏日麼麼茶的電影 ~ 整天都會聽到任大哥唱的

浪花一朵朵 ~

我們食完 lunch, 就回房換泳衣, 再出黎沙灘玩 ~

換完泳衣, 我們首先去了麼麼茶的舖頭逛和影相 ~

阿五的爆笑語錄一:
著泳衣 = 無著衫

所以佢覺得

佢係無著衫去沙灘游水架 ~ wahaha

~ 估唔到佢咁 open, 唔著衫去游水, haha

由於得返 1個多小時時間俾我地玩, 所以我地就趕緊落水玩 ~

我們除了玩沙灘波外, 仲有玩水戰, 跳浪 + 跳跳相 ~

小巴很攪笑, 扮了一個遇溺的表情, 估唔到阿三的男朋友咁 funny ~ haha

玩到差不多 5p.m. 幾, 我們就要開始我地的秘密任務

yau + 發的求婚作戰大計劃

我地同小邱講想回房沖涼, 之後就準備去食晚飯, 而小邱和蕭欣想在沙灘坐多陣, 所以我地全部人回房間準備。

當我沖涼沖到一半的時候, 佢地話現在出去求婚, 叫我們快d 準備好, 於是拿拿臨以 9秒9的時間沖完涼, 換埋衫, 就出去

幫手 ~

阿五 + 阿六 + jacky 拍 movie,
我 + 阿三 + toffee 就負責

影相

蕭欣開頭幫小邱在沙灘拍照, 之後就交了一張由阿發寫的心意咭交給小邱, 小邱收過咭片後, 專心睇咭片, 而蕭欣就示意

我們可以叫阿發出場, 阿發從遠處拿著一朿太陽花走出黎 ~

之後阿發還跪下向小邱求婚 ~ 阿發還講了一段深情的說話, 令在場的人士都忍唔住

哭了起來 ~

求婚成功 . . .

yeah ~

求婚成功後的大合照 ~

之後各人各自回房間, 阿大就去沖涼, 而我因為太累, 所以在房間訓了一陣, 訓到差不多 7點, 阿三就叫我們一齊去食 dinner ~

晚上的 redang island 也很靚

由於餐廳没有 12人枱, 所以我地要分開兩張枱坐

食完晚飯, 小巴就帶我們逛沙灘, 一大班人一齊圍島逛一周, 之後就去阿六房開 party。由於有些人沖完涼先過黎, 所以我地就係阿六房吹水 ~

我的爆笑語錄一：
我: 我地買左邊幾隻酒入黎ar . . .
阿三: 香檳 x 2枝, 芝華士
阿大: 阿二我地唔飲得酒
全部人問: 點解的

阿大: 因為我地食緊藥 ~
(個時我唔知原來食左藥唔可以飲酒,

haha . . . )
阿三指著我: 咩你都緊藥咩

我: 係ar . . .
阿三好奇問: 你食個d 藥係 for 咩架 ~
我唔記得個時個腦諗緊d 咩: 鼻 . . . (跟住聽到阿五的笑聲, 我心諗我都未講完有咩咁好笑) 塞藥 ~

跟住引發一輪笑聲, 唉 . . .我都知我講嘢慢, 所以引發呢個笑話出黎 ~

事後得知阿五聽到個<鼻>, 佢以為係呢個 <被>, 佢就諗緊有呢隻藥的咩 ~

咁人地旅行前個晚勁流鼻水, 個鼻又塞左, 咁醫生緊係開鼻塞藥俾我食架啦 . . . 又咩咁好笑喎 ~

當我講鼻 . . . 塞藥的時候, 我唔覺得好笑, but 之後聽到佢地講返我知, 又覺得幾爆笑

, xd ~

佢地仲話我的鼻塞藥和阿大食的被塞藥是不同的,

haha, 大家的功效不一樣哦 ~

由於其他人未黎到, 所以我地玩住 pictionary 等住先 ~

差不多零晨 12點多, 人到齊,

let's our party ~

我地邊飲酒

, 邊玩 pictionary ~

大家好專心畫緊圖畫俾另一個 partner 估 ~

當我抽中一張牌, 一邊是要畫 <豎琴>, 另一邊就是要畫 <大湯匙>, 最後我選擇畫 <大湯匙> 並告訴其他畫圖畫的朋友。

jacky 第一個舉手, 他估到答案, 當佢講出答案後, 所有畫圖畫的朋友齊聲否決佢的答案, 引發一輪

爆笑聲 . . . 蕭欣好明顯畫了一個湯匙的圖畫, 但 jacky 卻估 <衞生巾>, 笑爆咀, 點解 <一個湯匙> 會變左 <衞生巾> 架 ~ 大家聽到

<衞生巾> 呢個答案, 都笑過不停 ~ 如果呢個湯匙真係衞生巾就慘囉, 因為佢無冀, 好唔安全, 而且仲會割大脾添,

xd ~ 宜家諗返起呢個答案都忍唔住笑

玩到咁上下, 我地就開玫瑰香檳, 由於我和阿大食緊藥, 唔可以飲酒,

嗚 ~

玩到零晨 1點幾, 我們就散 brand, 各自回房訓覺 ~

大家都很奇待聽日 2 次的浮潛之旅 ~

大家約了早上 5:50 a.m. 係 lobby check out, 早上 6點出發到 KL 內陸機場。

由於昨天晚上遇到一架 7 人的士, 所以揾了佢今朝早接我地去 KL 內陸機場。當大家齊齊在大堂集合, 發現少了阿五和 Dino, 原來佢地唔知醒, 所以我們一部份人先坐的士

去機場, 而阿五 + dino + 阿大 + 阿三就跟小巴車去機場。

我地去到機場, 太陽伯伯才起身 ~

昨天大家都買定今日的早餐, 但由於我和阿大想訓多一陣, 最後我地買的杯麵無食到,

好多謝阿五和 dino 分一個麵飽俾我地。

食完早餐, 大家就去辨理 check in 手續 ~ haha . . . 我地又飛 la . . .

當我地寄晒所有行李後, 才發現我地 hand carry 的酒

+ 綠茶唔知可否帶上機

小巴話酒我們是在機場 duty free 買, 所以一定可以 hand carry 帶上機, but 枝綠茶 . . .

, 有人提議大家一齊飲晒兩大枝綠茶, 還有人提議放棄這兩大枝綠茶, 最後阿五提議將枝綠茶放落佢個背包, 之後再寄倉 ~

謝謝阿五的大大幫助, 我們才買兩大枝綠茶運到熱浪島 ~

之後我們就入候機室等上機。今日我地坐早上 8:40a.m. 的飛機去丁加奴

上到飛機, 飛機的座位也是五顏六色, but 飛機很細,

我們 12 人 total 佔了兩行座位。當我+ 阿五 + dino 自拍影相個時, d 空中少爺好好人, 主動提出幫我地三個影相, 之後

仲叫佢幫我地影大合照。

haha ~ 未試過坐飛機, 一班好朋友可以霸晒兩行的座位, 呢d 咪叫型囉 ~ wahaha . . .

大約坐了 45分鐘的機程, 我們很快就黎到丁加奴

我們拿完行李, 就去 7仔買d 飲品, 就坐酒店的旅遊巴士到丁加奴碼頭。由機場到丁加奴的碼頭, 大約要坐 1 小時的車程。

這裡就是碼頭, 我們要在這裡坐船入酒店 ~

小巴叫我們首先在碼頭寄存行李先, 寄完行李後, 職員會俾一個號碼牌俾你, 到時入到酒店 check in, 只要拿返個號碼牌俾職員, 職員就會俾返件行李俾你, 呢個 service 真係值得

一讚, 唔駛我地搬住d 咁重的行李上船和落船, 而且還有專人幫你搬上船至酒店,

good ~ good ~ good ~

辨理完寄倉存行李後, 大家就四周影相 . . . 呢個旅行,

五姐妹的第一張合照 ~ 

大家影完相後, 有些就坐在碼頭休息, 有些就去了市集逛 ~

由於我們要係碼頭等成 2 個幾鐘, 真係幾悶下 ~ 之後阿大想買頂草帽, 於是陪佢去市集逛, 最後佢買了一頂斜布的帽 ~

中午12點幾, 見到有一隻船泊岸, 但是小巴和阿三去了市集, 諗緊好唔好叫佢地回來

, 點知咁啱佢地剛回來, 我們就立即上船, 向熱浪島出發, gogogo ~

由於我地係較後一批上船, 所以坐唔到係船尾開揚位置, 最後要迫住坐又焗又熱的船倉位置。開船的時候, 船倉個冷氣係有d 涼, 當架船行左 10幾分鐘後, 冷氣自動關了, 熱到不得了, 而且船倉没有可以開得的窗, 有些人焗到嘔了出來, 有些人焗到抖唔到氣, 要到出面抖氣, 但d 職員見太多人出船倉, 就關門, 唔俾我地出去, 有一點

過份耶 ~

坐了很久很久, 我 + 阿大 + 阿三都頂唔順, 最後

閃出船倉, 俾個職員老點上左司機駕船倉, 點知個度仲熱過船倉, 我地最後坐在係船尾的地下上,

感覺有少少偷渡的感覺, haha ~

坐多 20幾分鐘, 我們就到了熱浪島了,

yeah ~

終於來到島上的碼頭了 ~ 可惜這張相少了阿三 ~

我們終於來到 redang island 了, 大家都超興奮 ~ 阿三叫我們快d 入去酒店聽職員講介島上的設施

這個職員講嘢好姣, 小巴話佢係基佬來的, haha ~ 一班男仕要小心d 哦 ~ 職員講解點樣開房門, 每日幾點開始浮潛活動 . . .

職員講解完後, 就有一架小型火車, 車我地到酒店 lobby check in 和拿行李 ~

這裡就是酒店大堂的 lobby 入口 ~

入到酒店 lobby, 酒店的職員會向我地遞上一杯 welcome drink ~ 飲第一口的 welcome drink 的時候,

鹹鹹的, 之後越飲越涼, 我覺得杯 welcome drink 有降温的作用哦 ~

之後辨理完 check in 手續 和拿回各人的行李, 我們就返房。今次的旅程辛苦晒阿三和小巴了 ~

這間酒店係島上的五星級酒店, 亦是島上最大型的酒店, 有很多座房間, 而每一座有兩層房間提供給客人選擇。

這間就是我和阿大的房間, 而我們和阿六 + toffee 的房間係

connecting room, 我們兩間房可以互通的 ~ 一間房間有一張勁大的雙人床 + 兩張單人床, 一間雙人房, 卻有咁多張床,

hehe . . . 我地覺得一間房可以訓到 5 個人之多

我地放低行李後, 就去酒店的餐廳

食 lunch 了。我們 book 這間酒店是訂 package 形式的, 我們訂了 3日2夜的 package, package 包酒店住宿 + 3日2夜的早午晚三餐 + 3次浮潛活動, total 成個 package 都係 HKD1,623, 這個價錢真係

很便宜耶 ~

酒店包的三餐, 以buffet 形式為主, 你可以選自己喜歡食的東西來食。

食完 lunch, 我們就在餐廳的露台

影相

在餐廳內還可以看見松鼠的出没, 無試過咁近距離親親佢地, 佢地

超得意耶 ~

請待續 Day 2 (下)行程 ~

預告將會與陽光和海灘玩遊戲

KL Trip Day 1 續上 ~

食飽飽後, 我們就有半小時的 shopping

時間。由於我們明天早上 6a.m. 要離開酒店, 再去 KL 的內陸機場轉機入丁加奴, 所以我們要買定聽朝的早餐先得 ~

我 + 阿大 + sherman + Toffee + 蕭欣 + jacky + 小邱 + 阿發去了吉之島

買早餐。由於阿大和 sherman 之前食過

味極

的杯面, 佢地話好好味, 所以就買了來做早餐。

我們仲買定 d 乾糧, 因為 sherman 話聽日入 redang island 的三餐都唔太好食, 買定以備不時之需。

逛完超市後, 我們得返 15分鐘時間, 阿大想去 vincci 的鞋店逛, 於是陪佢好快轉了一個圈, but 我和佢都無睇中, 最後我們就回酒店放低d 嘢。

我們 8p.m. 在酒店 lobby 集合, 原本小巴有一個朋友 (小豬) 會過來車我們一齊去 china town, 小豬黎酒店路程塞車中, 所以最後 zoie + sherman + toffee 坐小巴車, 而其他人就坐的士去 china town。

一出門口, 我和 dino 看見一架 7人的士, 而的士上面是無人, dino 就試截的士, 點知個的士司機向我們招手, 最後司機得知我們有8個人, 司機話坐唔落, 於是我地又回的士站 . . . 隔左陣, 司機又向 dino 招手, 司機話裝我地 8個人去 china town, 不過要我們俾多少少費用, 我們當然没有問題la . . . 8個人就迫上一架 7人車上。

haha . . .其實我地都鐘意坐 7人的士, 因為咁樣唔怕再次搭的士蕩失路嘛 . . .

wahaha ~

我地係 china town 的對面落車, 行上條橋, 再去附近的 m 記等 zoie 佢地。

我們身後就是 china town 了 . . .

之後小巴就帶我們去到一間食葡萄牙燒魚的餐廳食晚飯

。我地點的菜, 全部都係用碩紙包住的, 咁做可能令d 食物入味 d ~ 今晚還食了

魔鬼魚添 . . . 魔鬼魚好好味, 而其他的菜

也很不錯, 大部份都是辣辣的, yummy yummy ~

坐在主席位的哪個就是馬來西亞的小豬了 ~

食完晚飯, 差不多晚上 10p.m.。我地就過雙子塔影

夜景, zoie + sherman + toffee 坐小巴車, 而我 + 阿大 + 阿五 + dino 坐小豬車, 蕭欣 + jacky + 小邱 + 阿發坐的士。

我地差不多 10:30 p.m. 到了雙子塔。我地就在雙子塔下面影相

齊 12 粒人仔的大合照 ~

影到差不多 11:20 p.m., 我地就返酒店, 我地原班人馬坐返原本架車回來。

小豬架車一直跟著小巴架車駛回酒店 . . . 隔左陣, 小巴開得快左

, 己經唔見左踪影, 我地今日第三次的迷路記又開始展開 . . . . . .

當小豬差不多駛到我們酒店附近, 因為佢行錯路, 變左一直向 high way 公路出發。其實第一次坐小豬架車, 我地己經開始勁聊佢傾計, 所以展開第三次的迷路記, 我地同小豬聊天的時開多左,

haha ~ 都唔知佢係唔係突登迷路, 想同我地傾耐d (哈哈 . . .開玩笑的la) . . . . 我地今晚迷路的車程真係去了好多地方, 首先經過 mid valley ---> sunway lagoon ---> time square ---> 酒吧街 ---> 小豬工作的地方 ---> 小豬的屋企 . . . .

第三次迷路記, 與小豬聊了很多, 也知道佢與小巴的相識經過與及其他 . . . 其實第三次迷路, 我們己習慣了, 因為今日經過多次的迷路記, 阿五還開玩笑, 我 + 阿五 + dino 係

三人美碌組合, 只要有我們三個, 就會有美碌的出現。

其實我地第三次迷路, 令我地對小豬超唔好意思

, 因為我地的關係, 阻住佢回家, 因為聽日佢仲要返工, 為左車我地回酒店, 攪到佢遲遲都未歸到家, 我地真係超唔好意思, 而且我地行 high way, 每過一個關, 就要俾一次錢, 我地真係勁唔好意思耶 ~

其實佢駛到某一個景點, 佢都會向我們介紹, 例如駛到酒吧街, 佢就會向我地講解這裡的酒吧街, 逢星期三和四女仕入場和飲嘢 free, 所以星期三和四會好多人黎 ~

駛到 time square, 佢就話好適合香港的女生黎 shopping, 因為好多 shopping malll ~

駛到小豬工作地方, 佢還介紹附近有咩好食, 同埋一間飲夜茶的地方 ~

haha ~ 我地覺得我地上了一架導遊車, 因為小豬每到一個地方都會介紹一下的。

我地同小豬都幾好傾, 我地仲交換埋 msn 添 ~

當我人差唔多駛到回酒店附近, 小豬係佢屋企附近兜了好幾個圈, 直至佢 sure 個條路正確, 才駛去。

當我地知道我地今次真真正正可以返到酒店, 卻遇上塞車, 我們足足塞了半小時有多。我地連對塞車的睇法唔同左, 如果係香港遇上塞車的情況, 我地會諗幾時架車先會郁得, 但可能因為黎旅行, 所以心態唔同左, 我地遇上塞車的情況,

會留意隔離架車d 人會做d 咩,

haha ~ 我地真係超無聊的 ~

在 KL 遇上塞車情況, 大排長龍中 . . .

最後回到酒店己經差不多 2 a.m., 我們足足坐了 2小時的車回酒店, 事後聽小巴講, 其實由雙子塔回酒店的車程只需要 15分鐘 . . .

落車時, 我地覺得唔好意思, 所以 dino 俾返行 high way 的過路費給小豬, but 小豬佢唔收 ~ 咁小豬下次黎香港, 我們就請你食飯吧

回到酒店, 首先讓阿大沖涼先, 隔左陣, 我諗起可以問 sherman 借個洗手間黎

沖涼, 之後去了 sherman 房, 還發現佢地的秘密任務 ~

急急沖完涼, 就回自己房, 驚阻住佢地的秘密任務進行 ~

回到房, 阿大都仲未沖完涼, 我吹完頭, 就訓先囉 ~ 因為明天要 5:30a.m. 起身哦~

今日出發去旅行,超興奮, yeah ~ 等左好耐的旅行, 終於黎到出發的第一天了。

sherman 約了我們早上 7 a.m. 在機場等

早上5:25a.m. 起身, 洗完臉, 就立即打電話俾阿大, 打左好多次, 阿大電話都無人聽

, 我估她應該仲未起身吧!!!唔理咁多, 坐 5:50a.m. 的巴士落樂富先。上了巴士, 我都一直找阿大, 還是找不到, 最後打俾 sherman 求救, 因為我約了阿大一齊坐巴士入機場, 現在又揾唔到佢, 點算好

隔左陣, sherman 終於揾到阿大, 同時亦有機場巴士到站, 最後唔理咁多, 上了巴士先。

上到車, 阿大才打電話俾我, 原來佢唔知醒, 剛剛起身, 所以佢叫我入機場先。

好彩我早一點打俾 sherman 求救, 不然我們去到機場才打電話給阿大,我諗佢還在訓覺中。

6:45 a.m. 到達機場, 之後 join 埋今次的團友。

首先介紹下今次個旅程先。今次的旅程是為慶祝我地一班姐妹

相識十周年而攪的

原本由幾粒人仔的旅程演變為一打人仔旅行團, 但我們

唔係跟團哦 ~ 我們係自遊行哦 ~

今次旅行的目的地: 吉隆坡 KL + 熱浪島 Redang island
領隊: zoie (阿三)          
導遊: 小巴
團友: 阿大, 我, 阿五, dino, sherman (阿六), toffee
       蕭欣, jacky, 小邱, 阿發

領隊 + 導遊 + 團友 total 12人

當齊了大部份人後, 我們正打算先 check in。由於 jacky 未到, 所以蕭欣在機場打俾佢, 佢還在家, 剛剛才醒, 到底佢趕唔趕得切黎呢

大家正在辨理 check in 中 . . .

阿大差不多 7:30 才黎到機場, zoie 和蕭欣陪阿大 check in, 而其他人就去美心揾位食早餐,等了一陣就有位了。

食完早餐, jacky 也剛剛抵達機場。他 check in 完, 我們就一齊入閘了

上機前, 影返張大合照先 ~

一上到架飛機,

好大浸香料味 ~ 而架飛機的坐位很 colorful, 五顏六色的 ~

由於我們太多人, 所以分開3批人坐, 而坐我隔離當然是我的  好同伴阿大, 但佢和我一樣生病中, 可憐的兩個病人在機上食藥中 . . .

我和阿大點了雞肉麵的飛機餐 ~ 味道不錯

差不多 1:30 p.m.  我們抵達了 KL 了。在機場裡面, 我們在 duty free 買了三枝酒打算帶去熱浪島飲的。由於我們逗留在 duty free 太耐, 我地D 行李亦由傳送帶被搬到地面。

 請大家認返自己的行李哦 ~

之後一出機場, 己經見到小巴 zoie 的男友 機場等我們。

由於我地錯過左一班 KL Express 的時間, 所以小巴就帶我們坐旅遊巴回酒店, 等 lift 途中, 我們連

影相的機會都不放過。

這張照片好似買緊行李喼,haha ~

zoie, 阿大, sherman 和 toffee 坐小巴架車, 而其他團友我, 阿五 + dino, 蕭欣 & jacky, 小邱 + 阿發一齊坐旅遊巴回酒店。

上車前, 我問了小巴係邊到落車

小巴話這架旅遊巴只得一個站, 所以就好安心咁上車。小巴亦擔心我們中途會遇到什麼特別狀況, 所以他給了蕭欣

一張電話咭, 以便聯絡。

由於大家都唔夠訓的關係, 所以大家在旅遊巴小睡一會,點知就出事啦 . . . 當旅遊巴駛到市區的時候, 司機好大聲大叫了幾次, 但坐係最後排的我地聽唔明佢講咩, 而且小巴話這個旅遊巴只得一個站, 即係上車坐到總站就對, 所以我地

没有理會司機, 就繼續訓。隔了一會兒, 蕭欣覺得唔對路, 於是打俾小巴, 小巴話我地 missing 左剛剛司機叫落車嗰個站

, 所以我地就走向司機, 叫佢可唔可以停車俾我地落。

我地7個人急急落車後, 就在一個充滿臭草味和巴士站旁邊有一個勁 dirty 的水 tum 旁等巴士。我地 7 個人仲在巴士站自娛起來, 影下我們落泊的相片。

等左陣, 小巴架車駛到我們對面, 他示意我們過對面線, 我們 7個人就拉著喼急忙過馬路, 而在小巴車上的朋友就影下我們迷路的樣子, 而我和阿五唔知咩事笑得很開心。

我們過到對面線揾小巴, 小巴順勢幫我們截了兩架的士。我 + 阿五 + Dino 坐一架的士, 而蕭欣 + jacky + 小邱 + 阿發坐另一架的士。

我 + 阿五 + dino 先上了的士, 的士就開車了。上車後, 就知o賴嘢

. . . 司機問我地去邊, 我們三個人的表情 . . .

, o賴晒嘢, 我地唔知今晚入住個間酒店名, 我地亦没有 print 我們的行程表 (最衰都係我地自己, hehe ~ 連d 咁重要的嘢都唔 print 定黎), 好彩 dino 話記得小巴剛才提過酒店名, dino 就跟司機講左酒店名後, 個司機係咁同我地講馬拉文

, 大佬我地唔識聽馬拉文喎個司機好似有叫過我地落車, 我地扮聽唔明, 最後靠身體語言, 終於 get 到個司機唔識去, 我地就用簡單英文教個司機酒店附近的位置 . . .突然我記得 zoie 提過我們酒店附近有個 shopping mall, 司機問係唔係有吉之島, 我都唔知有無, 答個司機有 ~ 隔左陣, 司機停在一個商場, 叫我們下車,omg ~ 點解會咁架 . . . 呢到d 司機竟然唔識路,

放我地在一個 shopping mall 落車。今日連續2次的迷路, 己令我地的行程增加無限的體驗。我們企在 shopping mall 門後, 等了一會兒, 我們看見小巴架車

從大馬路駛過, 佢架車就漸漸離我們而去。我們就

無奈企在原地, 阿五決定打長途電話給 zoie, 告知 zoie 我地又再一次迷路, 而 dino 就走入商場問職員點去酒店

dino 從商場走出黎, 佢話我們可以經商場行返酒店。於是我地三個人就拉著喼, 從商場揾路回酒店。

最令我意想不到的係 . . . 由機場回酒店的車程中, 2次的車程, 我們都蕩失, 是我們黑仔嗎

but 我地没有不開心, 我們仲好好心情開玩笑中, 可能有過第一次迷路的經歷, 第二次對我們黎講, 只是小 case la . . .

我們從商場行回酒店大約 15分鐘, 見到小巴在酒店門口等我們, 我們終於跟大隊會合啦 . . . zoie 辨理完 check in, 我們就上房休息一會。

我們 5p.m. 在走廊集合, 之後就去左隔離個商場食 lunch ~

最後我們選了 nando's, 這間餐廳全食雞, d 嘢食大部份以辣為主, 由於部份團友唔食辣, 所以我們再選擇了另一間餐廳, 但小巴話另一間餐廳d 嘢無呢間咁好食, 最後還是去返 nando's

食 lunch ~

我們一行 12 人, 霸佔一張長枱, 黎返張大合照先。

我們叫同一款雞脾餐 x 2, 小食拼盤 x 2 . . . 我們不能食得太飽, 因為今晚我們要去 china town 食晚飯。

請待續 KL - Day 1 行程下 . . .

今日要和老闆一齊坐早上11點的船返順德見客

最驚同老闆兩個人出差, 因為驚坐船坐車唔知講咩好

上船後, 老闆就一直拉著我傾計, 好彩談話的內容都 ok

到達順德差不多下午 1:30, 老闆約了客人下午 1:30在酒店等

好彩今朝食定個早餐打底, 不然會餓死

跟老闆見客別車望會食到 lunch

在酒店接了客人後, 我們在 coffee shop sell 我地公司d product

下午 2:45分, 工廠的老闆終於來到酒店, 車我們去他的工廠

坐了大約 30分鐘車程, 來到工廠

之後我們就去 show room 開會, 我呢個秘書當然要 mark 底所有嘢

估唔到以前讀書學到的嘢, 今日會用到

下午 6 點幾, 終於開完會, 老闆, 我, 客人 和工廠老闆去西餐廳用餐

因為鬼佬黎左大陸個幾星期成日都食中菜, 食到佢地怕怕

老闆就打他們去食牛排和飲紅酒等

食完飯, 我們送客人會酒店

之後工廠老闆就車我們出市區坐大巴回深圳

點知最後一班大巴己開出

我們最後迫於無奈俾 RMB700 坐的士回深圳

足足坐了 2個半多小時才回到深圳

過完關, 老闆叫了架的士車我們回家

首先我要先送老闆回家, 之後的士坐車我回家

差不多 11點幾才回到家

回到家後, 兩邊膊頭感到超累, 因為幫老闆拿了很多東西, 累死耶 ~

覺得成個人好似無左個靈魂一樣, 只得個驅殼一樣

好彩明天下午請了假, 出發前休息一下

不然我真的會累死 ~

今日要起程回香港了

我們今日坐下午 4點的飛機回香港

中午 12點多的時候, 老闆就叫我們準備離開會場

拖到 1點幾, 我們還未走, edna 開始黑面

當我去完 toilet 回來時, 看見他們正在執行李中

於是我就急步回去, 原本打算在會場換回波鞋, 而波鞋放在手提袋中

當我拿了波鞋出來的時候, stephanie 話 edna 黑面, 還阻止我換波鞋

stephaine 一手將我對波鞋放回手提袋, 還拿走我個手提袋離開攤位

原本我答應阿龍幫佢裝一枝紅酒回香港, 但她拿走我的手提袋

行李喼的鎖匙在手提袋, 也没有辨法幫他代紅酒

當阿龍出黎的時候, 他問我放左枝紅酒回行李喼未

我回答還未, 並悄悄告知因為某人不俾我開喼

阿龍就開始發脾氣, 一手搶走我手中的行李喼

他狠狠地將我個喼大力地拋下, 我被佢的行為

嚇親

我很心痛我的喼

, 好彩我個喼唔係新喼黎啫

佢當時發脾氣個樣真係好恐佈, 你發你的脾氣,

仲咩拋我個喼落地

他很大聲叫我拿行李喼的鎖匙俾佢

驚慌過度的我, 急忙從手提袋找出鎖匙給他

他就將給酒塞落我個喼到

出發去機場前, 阿頭叫我一定要揾佢, 因為佢有份嘢想我幫佢帶回來香港先

點知佢唔知去左邊?打了電話給他, 他聽到我說話的聲調驚慌過度

他叫我先回香港, 他會自己帶回來

我們一邊趕出會場, jenny 找了一輛車車我們到機場

但架車坐唔晒咁多人, 於是阿文和阿龍另外在截的士去機場

一片混亂中, 到達機場後

就上機回香港了

在不愉快的回程途中, 俾我在飛機上看見了彩虹

所有不愉快的經歷都忘卻了

這片彩虹真係出現得合時, 我的心情很快就

好了超來

覺得在天空上看見彩虹真的很 lucky 耶 ~

今朝早8 a.m. 落樓下食早餐

食完早餐, 又坐的士去會場

不算很多人

到下午2點幾的時候, 還未食 lunch

之後得知我地的杯麵己經食完, 所以我只食了幾塊餅乾

頂肚

差不多下午 5p.m., 我和 stephanie 都無咩嘢跟, 而客人亦不多

所以她問我有無興趣和她逛一逛四周的攤位

最後我和她兩個人四周逛逛, 她想找一個攤位, 但找了很久都找不到

逛到差不多 5:15p.m., 我就吹她回去

因為今晚老闆請所有員工和一些客人食日本菜

擔心我們太晏回到去, 他們走了

點知回到我地個攤位, 全部人都企係到等我們

stephanie 阿姐黑臉, 而我阿頭就問我地去左邊

. . . . . .

stephanie 被人責備了一頓

最後我們一大班 16 個人, 跳上一架可容納 10人的 van 仔到

勁似人地歡樂滿東華, 一大班人迫入一架車籌款, haha

去到餐廳門口, 小肥羊 (工廠老闆) 話有些事要去處理, 不來食飯

而其他人就入餐廳打點一切

今晚公司包了一層宴請所有員工和客人食飯

襯客人未黎前, 一班同事影相

左手邊係我們美國的同事, 他好 funny

, 成日講笑, 佢份人亦都好攪笑

今晚有兩個餐給我們選擇, 一個係全生餐, 另一個係全熟餐

最後我選了全生餐, 個餐有很多嘢食, 除了 sushi 外, 還有打邊爐

but 我覺得 d sushi 麻麻地, d 蟹肉

太鹹

我覺得最好味的就是他們的烏冬和咖啡味雪榚

咖啡味的雪榚真的太好味, 我和阿文都 end call ~

食完飯, 差不多 10點, 老闆叫我們回酒店先

回到酒店, 我和阿鳯沖完涼, 又吹陣水, 就訓覺 lu ~

今朝早 7:30 a.m. 起身

我和阿鳯梳洗完後, 就落酒店西餐部食早餐 buffet

係西餐廳門口撞到 jenny 和 tina, 所以我們安排坐埋一齊

隔了一會兒, jeremy 也一個人落到黎, 佢也和我們一齊坐

食到 8:30a.m., 我們就在酒店 lobby 集合, 一行10幾人,  分了幾部的士去會場

點知我和同事上了一錯的士, 一個上海的士司機竟然唔識去會場, 咪反啦 . . .

最後打電話俾 jeremy 求救, 最後司機都識車我地去會場

今日係展覽的第一天開幕, 一定會很多人

去到會場後, 最後衝刺執返好個攤位

9 a.m. 開幕

今日忙過不停, 好多人

還好下午還有時間食了一個杯麵作 lunch

下午5:30 p.m. 展覽結束, 結束前, 老闆約我地一班同事食晚飯

oh . . . 仲諗住今日完展後, 同阿鳯兩個人到外灘走走添

現在只好跟大隊去食飯

這個是會場外一個很特別的建築物, 一個個洞做底處, 真的好靚和好特別 ~

原本我, jenny, tina 和阿鳯離開會場先

jenny 問我mind 唔 mind 坐地鐵返酒店

. . . 我當然

唔 mind la . . .

點知出到門口, 撞到 edna, edna 唔想坐地鐵回酒店

所以我們就決定截的士回酒店, 但完館這段時間很難截的士

我們等了很久, 都截唔到車, 最後 jenny 就 call 昨天晚上車我們會酒店的小巴司機

點知小巴司機車上有乘客, 所以黎唔到接我們

jenny 好攪笑同司機講 <我地係佢俾你的車資上加多 RMB20 俾你, 你叫車上的乘客落車>

司機竟然答應我們的要求, 叫乘客落車

隔了一會兒, jeremy 打電話俾我地, 他找到車回酒店, 叫我們坐埋佢架車回酒店

點知原來 jenny 剛才找的哪個小巴司機, 就是 jeremy 和老闆坐個架車

超爆笑, 也太巧合吧

原來我們剛剛係騎劫老闆坐嗰架小巴

, xd ~

想像個場面都幾攪笑, 我地加多 RMB20 叫老闆落車, 叫佢再截車

我地都算幾夠膽, 當然我們也不知道原來我們騎劫個架小巴, 車上的乘客原來是我們老闆

諗起都超爆笑 ~

回到酒店, 老闆俾半小時我們, 之後在酒店 lobby 集合

今晚我們食飯的晚餐是在酒店附近的

老克勤上海菜

yeah . . . 超開心, 想黎上海, 一直很想找機會去試一試小籠飽, 今晚終於有機會

今晚 total 12位同事, 老闆就叫 jenny 發板點菜, budget 為 RMB1500

jenny 點了很多餸, total 只是 RMB 1200

jenny 點了兩碟海蜇頭, 一碟上海素分, 紅燒扣肉, 雞, 甜酸魚,

鱔餬, 蝦, 兩碟菜, 一碟素菜, 紅燒排骨, 12個湯飽 + 12個小籠飽

最後 edna 想食酒釀圓子, 老闆就讓我們點飯後甜品

有些人點了酒釀圓子, 木瓜雪耳, 芒果布丁

今晚有幸食到湯飽, 真係覺得好幸福, 因為這個湯飽真的

好好味

食完飯, 差不多 8:30p.m., 我就聊阿鳯去外灘

點知阿鳯擔心兩個女仔晚上去外灘好危險, 佢想有個男同事陪埋我們一齊去會安全 d

於是我就問阿龍有無興趣 join 埋我地一齊去, 佢都 ok

yeah . . .懷著興奮的心情 gogogo, but 首先要陪阿龍去 supermarket 買咖啡粉

晚上突然下大雨, 我們没有帶雨傘, 只好淋著雨回酒店

回到酒店, 放下咖啡粉, 我們 8:45 p.m. 就在酒店門口等的士

等了將近半小時, 酒店 bellboy 問我地想去邊

我們回答外灘 . . .

點知 bellboy 話外灘現在變成空地一遍

因為為了世博, 所以外灘重新裝修

bellboy 話我們去到外灘也沒有東西看, 他提議我們去新天地走走

我是很想去, 即使去唔到外灘, 也想四周圍逛逛

但阿鳯和阿龍唔想去新天地, 因為新天地是酒吧街來

哭 . . .但我真係唔想回酒店訓覺, 不然很浪費這個旅程哦 ~

於是我就提議到附近的96商場逛逛

這個商場大部份都是餐廳, 有一間 H&M, 屈申士 . . .

我們四周逛逛, 邊逛邊影相

逛到 10 p.m., 所有商店都關燈, 點解一個繁華的上海, 間間商店都 10p.m. 關門

好無癮ar . . .

之後就回酒店訓覺覺豬囉 ~

呢兩晚我和阿鳯臨訓前係咁聊天, 咩都聊, 感覺很好

好似和一個很要好的朋友去旅行一樣, 完全不似來上海工作似的

昨天晚上唔知仲咩鬼, 零晨2:30a.m. 都未訓得著

約了阿龍早上 6:15a.m. 在我屋企留下等

點知佢 5:50 a.m. 打俾我, 話的士10分鐘後到我屋企留下

好彩今朝早早左起身, 之後6:15a.m. 到左 edna 留下, 她差不多 6:30才落到樓下

接完edna, 我們再接埋stephanie 就去機場了

差不多 7:15 a.m. 到達機場, 我們就趕著去櫃枱 check in 和寄行李

排了很耐隊, 還遇見無線d 咖喱啡 (haha . . .唔知佢叫咩名)

原本打算辨完登機手續去食早餐, 點知寄完行李都 7:40a.m.

7:50a.m. 開始登機, 攪到無時間食早餐, 就直接去登機等候區等候

原本諗住飛機餐的早餐實好難食, 出奇地好味

10:45a.m. 我們到達上海浦東機場

出左機場, 我們就立即坐的士去 <紫金山大飯店>

係酒店 check in 完, 我們上房放低行李

去了隔離商場的 burger king 食 lunch

食完 lunch 就買了 6個套餐去會場俾其他同事

去到會場, 見到個攤位的裝修都未完成

等到差不多 3p.m. 油漆乾晒, 於是我就可以開始我的工作

指點兩個工人邊d窗簾需要裝係哪到

d 工人不滿我點佢做嘢, 對我很不滿

我見佢地做左咁耐, 於是放佢地一陣 break, 俾佢地去飲水和洗手間

而我就繼續整理其他的東西

見一區區的窗簾都掛滿晒, 好有滿足感

亦比我預期中快完成安裝工作

差不多晚上 10p.m., 個攤位大部份的嘢都完成

場館在晚上 8點的時候己關了大部份燈, 好多攤位好早己經完成好

只是我們個攤位唔夠人做嘢, 所以攪到晚上 10點都仲未走得

臨走前, 等我四周圍影下我們佈置後的攤位

之後我們就離開會場, 今晚很凍, 好彩有帶羽絨上來, 不然會凍死

出到會場後, 有小巴司機聊我們上車

於是我們一行 11人上了小巴, 打算回酒店附近的餐廳食晚飯

點知間餐廳己經關左門, 聽同事講上海浦東區屬新發展區

大部份的商店和餐廳都在晚上 10p.m. 關門

最後我們決定回酒店碰碰運氣, 希望酒店的餐廳還開

點知上到酒店的中菜廳, 餐廳職員話己經關門

omg ~

點解酒店的中菜餐廳都咁早關門架 ~

於是我們去酒店的西餐廳, 好彩還未關門

由於西餐廳d 嘢食好貴, 同事限我們叫d 最平的食物

<牛肉拉麵> 或 <星洲炒米>

由 8位同事點了牛肉拉麵, 3位就點了星洲炒米

食完飯, jeremy 打電話俾老闆, 問佢房號,

打算我們一齊上房交返d 美金俾佢 (因為老闆託每一位同事帶美金上來)

點知老闆唔等我地回履, 就直接殺落黎西餐廳揾我地

好多同事唔想佢落黎, 因為驚佢落左黎, 我地唔知幾時有得返房休息

差不多12點, 我們才上房, 終於可以沖涼休息

今晚差不多 1點才去訓, 真係累到甩碌