星之菓子

2009年我, Carmen 和阿馨去了深圳華橋城玩

相隔一年, 原本打算 2010年又來返一個 2N1D 的旅行

一直改期, 改到

終於出發啦 ~

由於我地幾個唔知去邊好, 所以今次諗住 JOIN

美食之旅

旅行團返順德玩

臨出發前, 阿馨話左一個很不幸的消息我知, 最後我們找了 Alice 的男友 (Bryan) 頂上

今朝早約了 alice 和 bryan 6:15a.m. 在留下 m 記食早餐

佢地 6:30a.m. 先黎到 m 記,

haha ~ 我己經食住等佢地

食完早餐, 我地就去九龍塘 mtr join 埋 Carmen, 之後就出發上深圳了

8a.m. 我們到了深圳, 勁多旅行團的導遊在關口接團友

我地找到導遊後, 之後就在附近吹水, 直到 8:30a.m. 導遊就帶我地到停車場上旅遊巴

第一站 - 黃媽媽私房菜

黃媽媽私房菜亦都係今團的主菜, 連蔡蘭的節目也曾介紹過這裡

聽導遊講當地人也很難訂位, 要等好耐才訂到位, 睇黎呢間黃媽媽私房菜一定

好好味

黃媽媽私房菜位於一個很徧僻的地方, 它四周都係一些很簡陋的民房

而黃媽媽私房菜的建築物很豪華, 與簡陋的民房有好明顯的對比 (導遊講當地人很眼紅黃媽媽)

一入黃媽媽屋, 嘩 ~ 好大的庭園, 而且還有游泳池添 ~

我地一入門口己經見到黃媽媽真身, 佢化了厚厚的妝

當我地坐低後,

黃媽媽還走上來同我們敬酒, 咩事呀 ~

咁攪笑 . . .

今次導遊安排我地同另外 6個年青人坐一枱, 成班都後生仔女, 導遊真係醒

上菜囉 ~

第一道 - 魚湯 (是該店的鎮店之寶, 導遊都勁力推薦)

魚湯味道鮮甜,

勁好飲, 雖然我唔太好魚, 但是我

好鐘意佢呢個魚湯

之後就上陸續上菜, 有雞, 硯紙包排骨, 西柚皮, 芋頭扣肉, 菜心, 魚型的凌魚肉, 蓮藕

蕃薯蓉, 叉燒飽

樣樣都好好味, 實在

太讚啦 . . .

連 carmen 唔食魚, 佢都有食魚, 仲要讚好味道, 可想言知, 真係勁好味 ~

食完飯, 我地就四周影下相

之後就跟導遊一齊逛附近的勒流

我覺得這裡有點似上海周莊, 不過這裡當然没有像周莊商業化啦 . . .

由於我地四個係咁影相, 當然没有跟上成團人的步伐啦 . . .

越行就發現景色越美, 當然我地就不停係咁

影相

bryan 勁攪笑, 企上石頭, 當自己

玩緊衝浪, 很偑服你的聯想力, 呵呵 ~

這裡似周莊嗎

最後我地己經落後很多, 於是我地就跑回前面跟大隊

第二站 - 紫雲閣

係一些寺廟, 我地 4 個人沒有跟導遊一齊行

我地4個人又四周圍

影相

係到玩

等到差唔多時間, 我們就上旅遊巴

第三站 - 花卉大觀園

導遊俾了 40分鐘我們在這裡參觀, 我們係咁不停

影相

有好多好靚的花和特別的品種

還有好多擺設售賣

仲有好特意的公仔擺設

最後仲俾我地見到有幾盤心型的葉, 好靚呀 ~

之後我地還發現一個地方, 影相很美

但是影了幾張相後, 發現又夠鐘上旅遊巴了 ~

若我地早少少發現這個地方就好了

我們一定可以拍更多更美的照片, 呵呵 ~

今朝我和 tina 約了第一個客 9點在酒店見面

點知早上 8a.m., tina 打來我房間, 她告訴我客戶

就黎來到酒店

吓 . . .

唔係化???即刻洗臉刷牙

換衫

我和 tina 食唔切早餐, 就直接見客人

我和 tina 見到 11點多, 我地就去酒店附近的

美林閣

食早餐 + lunch

食飯途中還打電話 confirm 給下午要見的客人, 點知客人因為工地出現問題

所以我地没辦法見面

老闆和 denisse 也是一樣, 下午約的客戶突然爽約

老闆叫我食完 lunch 過去另一間酒店揾佢

開頭以為老闆叫我去 coffee shop 坐低傾下, 點知佢叫我食完飯去酒店的

全聚德

揾佢

1p.m. 我和 tina 道別後, 我就去了找老闆

原以為佢地應該食完 lunch

omg ~ 點知一去到全聚德, 我見到我個位內, 飯碗填滿了整碗魚丸

坐了一會兒, 老闆還叫待應可以上得菜, 我當時 . . .

唔係化 . . . 咩你地等埋我過黎先上菜, 我剛剛己經食完lunch

現在又要食多餐,

太 crazy la . . .

老闆點了乾燒伊麵, 鴨心, 烤鴨套餐

老闆話突登等埋我才上菜, 老闆你不用太客氣, 突登等埋我才上菜

唉 . . . 老闆係咁叫

我食烤鴨, 免為其難食了幾舊

未試過一日

食兩餐的 lunch 架 ~

食完lunch 後, 老闆就話去機場

去到機場, 老闆叫我問一問 counter 可否坐早一班機回香港

airline 的職員話下午5p.m. 的飛機 cancel 左, 不過可以幫我地轉坐港龍

老闆第一個反應就問要不要加錢

職員回履不用加錢, yeah ~ 我和 Denisse 超開心, 因為可以由東方航空 upgrade 到港龍

我最開心的是坐港龍由

電視睇

職員之後帶我地去第一航運大樓

我地辦理好手續後, 就坐 5:25p.m. 的飛機會香港

回到香港, denisse 等佢男朋友

我就坐的士回家

由於我地住的酒店只包 2個人的

早餐, 所以老闆和 denisse 就在酒店食

早餐

我和 tina 就去了酒店附近食

早餐

約了 tina 早上 8a.m. 在餐廳等

我地食完早餐後, 就再回酒店拿見客的東西, 再坐的士去見第一個客人

第一個客人見完後, 感覺幾好, 應該都有d 機會,

haha ~

之後我地立即坐的士去見第二個客人

第二個客人的公司在豫園附近

客戶叫我們在豫園地鐵站落車, 佢走過來接我們

原來客人的公司在豫園區的上海舊房子內

好開心

也順道參觀上海舊式房子

見完第二個客人, 中午 12點多, 原本我和 tina 打算食

快餐, 就立即趕去見第三個客人

第二客戶勁力邀請我們一齊食

午餐

開頭以為佢d cheap cheap 地方食, 無諗過這個客戶帶我地去高級商業寫字樓入面的餐廳食飯

這個客戶請我地去食

北京前門店烤鴨

個客仲點了很多菜, 超好客, 害我們都超

不好意思

這裡的烤鴨可以一鴨 4 食, 真係第一次聽

這裡的食物水準

很不錯

食完 lunch 己經 2:10p.m., 跟住我地要去一個好遠地方見客

這個客人叫我地干脆不要見下一個客戶, 因為去見下一個客, 要坐 1個多小時的車程才到

而且我地下午 4點前又要趕回酒店, 與設計展覽公司的人見面, 傾下年上海展覽攤位的設計

最後 tina 打了給客人, 客人話一定要見我地, 無論我地幾遲入去, 佢都要見我地

於是打電話俾老闆, 老闆叫我地去見客, 展覽的事情就留待他跟進

我和 tina 坐了一個多小時的車才來到這個客戶的公司

點知當我地開始 sale 的時候, 客戶唔理

我地講咩, 就自行翻了一遍我地的產品

跟住佢就係咁投訴之前上海個同事做嘢有問題

氣氛勁僵, 我勁

無奈

這個老闆真的不易應付, 最後我地盡力 sale 完就閃人

又坐了一個多小時的車才回到酒店, 在途中老闆多次打電話吹我地趕快回酒店

最後我地回到酒店, 展覽公司的人己經走了

於是老闆就話去食

晚飯

由於 denisse 太累, 所以佢唔去食

晚飯

我, 老闆和tina 就去了酒店附近食粥

因為呢兩日係咁食, 食到勁 full, 要食d 清淡的嘢先得

我地點了一窩粥, 一碟雞 & 炒蓮荷

食完飯, 老闆叫我地兩個去佢房開會, 開到 9點幾, 散會, 終於可以回房休息了

回到房, 我和 denisse 聊了很久

沖完涼, 我地又聊, 真的聊了很多

聊到 12點多, 我地就訓覺了 . . .

大家我又飛啦 . . .

今次係第4次因為工作關係, 又飛去外地工作

今次的 trip 也是來得突然, 出發前兩星期才訂機票, 也經歷突然 cancel 行程

最後還是踏上上海 business trip 之旅

denisse 早上 6:15 a.m. 坐的士來到我家留下

我地 6:30 p.m. 來到機場後, call 老闆, 也順便問老闆要不要在停車場等佢, 幫佢拿行李

因為我和 denisse 個喼前一天放了在老闆的車上, 我地兩個的喼係裝滿公司的 catalogue

老闆叫我地去機場3號停車場等佢

我地去到停車場, 剛巧老闆也來到停車場

我地兩個人拿了 3 個喼, 之後再放少少私人嘢落喼, 我地就 check in 了

7:25 分 boarding time, but 老闆話先去大家樂食個

早餐才上機

我地食完早餐 7:55分, 立即趕往登機閘

趕到登機閘己經係 final call, 架飛機係 8:05a.m. 起飛, 所以我地真係攪到d 時間好閔

由於今日班機唔 full, 仲有好多位, 所以我地三個人一人坐一行

denisse 和老闆訓左一行, 而我就坐在窗口影相

10:35a.m. 我們就抵達上海浦東國際機場

一落機己經 feel 到好凍, 但是我地件羽絨係喼到

我地拿完喼就立即拿返件褸出黎著

之後我地就坐的士去酒店

今次入住的酒店也是老闆 request 的, 其實我不太喜歡這間酒店

我地 11:30a.m. 來到綠地豪生酒店, 我地辦理 check in, 職員話現在 check in 只得吸煙房

職員話多等 15分鐘, 就有非吸煙房, 所以我們當然等非吸煙房

由於只得一間單人房有非吸煙房, 而我和 denisse 的房要等到下午才有非吸煙房

所以我地去左老闆房放下行李

之後tina 也來到老闆房 join 我地, 我地各自分好要見客的東西後

我地就去了酒店附近的 <美林閣>食 lunch

呢餐 lunch 簡直係一個瘋狂的開始, 老闆點了勁多餸, 4 個人點食得晒呀

2 碟燒腩仔, 鹵蛋豆腐, 素雞, 醉雞, 薑汁芥蘭, 咕嚕肉, 辣魷魚, 兩碗

白飯4個人叫了 8碟餸,超誇張的, 老闆仲問侍應夠唔夠餸, 太誇張啦 . . .

老闆又食得少, 係咁迫我地食, 因為老闆唔鐘意浪費食物, 根本係想"嘈"肥我地,

太恐佈啦 . . .

食到 12:45, 我和 tina 就先走, 因為我地兩個約了客人 2p.m.

我和 tina 先回房間拿見客的東西, 之後就坐的士去見客

見完第一個客戶, 俾我的感覺好好, 有d 機會可以做得成生意

見完第一個客人, 我地又趕去見第二個客人

第二個客人, 點知我地要見的經理佢唔係到, 於是佢派了佢的助理與我地 meeting

點知佢個助理咩都唔識, 所以也 sale 唔到d 咩

我地見完第二個客人 5p.m., 見時間有早, 費時太早回酒店, 我就先回 tina 入住間酒店

因為 tina 和我們不是住同一間酒店, 佢入住的酒店較我們便宜多了

我一入到佢房, 即刻 o 晒嘴

, 咩事呀？

一個落地玻璃的浴室, 而且没有浴簾, 而浴室正正在房間的中間

haha. . . 我覺得呢個浴室好似一個金魚缸耶, 之後一輪爆後, 就在她的房間休息一會

直至 denisse 打電話俾我, 她和老闆見完客回到酒店, 問我地什麼時候回到酒店

於是我地就拿拿臨回我入住的酒店 join denisse

回到房間, 我打電話俾老闆報平安, 老闆就叫 tina 單獨去他的房間, 因為老闆想和她單獨開會

我和 denisse 就在房間休息, 我地兩個就傾返今日見客的嘢

傾到 7點, 老闆打電話叫我地即刻落樓, 去食晚飯

我地拿拿臨落樓

都估到今晚老闆一定會去 <蘇浙會>

食晚飯, 因為佢對蘇浙會的魚激讚

去到蘇浙會, 我地等了半小時有多

老闆又發揮佢狂叫精神

拌黃瓜, 燒牛肉粒, 燻魚, 火腿排時疏, 薑汁芥爛, 酸菜雲吞雞 (一大窩)
蟹粉小籠飽, 芧台魚,

白飯

上海紅茦餅

4個人又叫了 9碟餸, 實在

太誇張, 咁食法,

唔肥至奇

我地個個都捧住個肚離開, 實在太辛苦啦 . . .

今晚 denisse 想到外灘走走, 所以我也陪她去外灘走走吧

我首先要回老闆房間拿回我個喼, 之後我地再坐的士到外灘

由酒店坐的士到外灘, total RMB23, 也算便宜

點知抵達外灘後, 兩旁的建築物己經關了燈

我問司機外灘兩旁的建築物是幾點關燈

原來逢星期一至五晚上 9p.m. 就會關燈, 星期六和日就晚上 10p.m. 關燈

我地兩個都

好失望

好彩東方明珠塔都仲著燈, 我地就把握時間去

影相

我地兩個影左一輪相後, 就找旁邊的年青男幫我地

影相

他幫我用我的相機影完相後, 佢d fd 也拿著兩部相機拍我,

嚇 c 人, 發生咩事呀

之後他也想我們幫他們拍合照, 一大班年青男擺一些超爆笑的post

總之我也偷拍他們啦 . . .

wahaha

之後我地一邊逛外灘, 一邊影自拍相

當我地好專睇返之前的自拍相, 突然有一個鬼佬走過黎哄到好埋, 跟住也笑了起來

真係

嚇 C 人

我地即刻彈開

跟住個鬼佬就走開了

我地行左外灘一陣, 之後就慢慢行了去南京路逛

11p.m. 整條街都很寧靜

之後我地逛了很久, 才坐的士回酒店

回到酒店己經 12點多了

沖完涼, 我地聊多一會兒, 就訓覺

  lu ~


p.s.

好開心今次出 trip, 有同事一齊結伴逛街

約了 Carmen 和阿馨一齊返大陸 shopping

11a.m. 去到九龍塘 join 佢地

之後展開我地的shopping 之旅

我地大約 12點幾來到東門

我地三個人今次都各有目標

我的目標: 格仔圖案頸巾, 冷帽, boot, 衫 & 袋

Carmen 的目標: 衫, 褲, boot

阿馨的目標: 衫, 褲, boot

首先 carmen 買了一條牛仔褲 & 一件外套

之後阿馨也買到兩件衫, 而我就未開齋

其實我係有睇中幾件衫, 但是我睇中的衫價錢徧貴, 當然買唔落手啦 . . .

之後我就提議逛精品店, 我地各人都買了數本靚靚的筆記本

行到下午 3p.m. 多, 己經好累了

於是我地就去食下午茶 (我地的 lunch)

carmen 提議去 pizza hut 食下午茶, 睇過 menu, 還是覺得茶餐廳吸引d

於是我地最後去了茶餐廳食下午茶

我地點了雲吞麵, 咕嚕肉和公司三文治

黎返個自拍先 ~

大家食飽飽, 係茶餐廳 hea 左陣, 我地繼續再戰商場

我地逛了幾個商場後, 之後我在某一個商場到看到一個袋很不錯

她們也我睇中的

袋很不錯, 於是我地三個人一齊買了同一款同一隻顏色的

袋

but 可惜個隻顏色只淨返兩個, 於是我和 carmen 要了藍色, 而阿馨就要了啡色

由於我地左好耐, 又無咩點飲水, 所以諗住去仙踪林買杯

飲品和休息下仙踪林的飲品太貴, 所以最後没有坐下來休息

我們去完 toilet 後, 又看見有一間買袋的舖頭做緊特價

我睇中了一個細細的袋, 而袋的顏色較少見, 個袋只是 RMB29, 好抵呀 ~

Carmen 和阿馨也睇中了其他款的袋

最後阿馨擔心個袋的一些問題, 所以佢没有買到, 而我和 carmen 就買了

之後我地就去商場樓下買飲品

我們一邊飲一邊行另一個商場, 在這個商場裡, 阿馨買了一對 boot, carmen 買了兩條褲

大家都收穫豐富, carmen 就找了一個地方試褲

carmen 總共買了4條褲, 其中一條牛仔褲我都覺得好靚, 但因為擔心 size 唔啱, 所以没有買到

這位好朋友借了她的牛仔褲俾我試, 條牛仔褲超好著

最後我地也忍不住回個間舖頭買多一條牛仔褲

逛到 8點幾, 就打俾 desmond

desmond 出黎東門 join 我地後, 我地就坐的士去海鮮街食晚飯

由於我唔太記得上次個間餐廳叫咩名

憑印象找出上次個間餐廳

由於我唔太記得是邊一間餐廳, 所以我們選了最多人個間食飯

我地點了鼓椒炒聖子, 椒鹽瀨尿蝦, 鐵板牛仔骨和鮮百合炒木耳

這個就是我星加坡的表哥 desmond, 他來了深圳工作, 所以順道來和他食飯

全程飯, 我地三個女仔都係講廣東話

事後問返表哥聽唔聽得明我地講咩???原來佢有d 聽得明, 又d 聽唔明

我地講左一個 topic, 表哥好興奮好正經咁講佢的嘢

但是因為佢話佢的普通話不太好, 所以一句普通話入面夾雜著好多英文

他某些英文的發音怪怪, 有d 英文我都聽唔明

我見坐係表哥對面的 carmen 也聽唔明

我和 carmen 相視而

表哥仲問我地點解笑

(表哥個時講緊一d 好正經的嘢)

哈哈 . . . carmen 第一個表示聽得明, 但佢又唔想 hurt 到表哥, 所以表示聽得明

carmen 話如果我地講聽唔明, 佢就會花更多時間解釋俾我地聽

但佢花更多時間解釋俾我地聽, 我地都未必聽得明

所以直截了當, 表示聽得明,

haha ~ 我地好衰呀

之後我地仲教表哥認識一下香港潮語 , 等佢知多d, 下次明我地講咩 . . . 

食到11:15p.m., 我就買單走人

表哥見我俾錢, 佢即刻搶住俾

當然係我成功付全數啦 . . .

之後我地三個女仔坐的士返羅湖, 當我地上到的士後, 正想關門時, 表哥叫停了我

佢放左 RMB200 俾我, 仲幫我關埋車門添 ~

事後佢話因為上次佢黎香港, 成日都係我俾錢食飯 & 買嘢等, 所以今餐佢請 ~

表哥你也太客氣啦 . . .

回到家, 己經係零晨 1點了, 好彩聽日唔駛返工啫 ~



P.S. 今晚表哥還俾了佢公司的咭片俾我, 當我見到個 title 後,

呆左一呆

估唔到佢個 title 咁高級 ~ 失禮, 失禮

開頭我以為佢只是一名小小的員工

連 carmen 和 阿馨接過佢的咭片後, 表示無諗過佢咁高職位


其實覺得自己

今晚有d 衰行街行到咁夜, 之後先揾表哥出黎食晚飯, haha ~ 我都覺自己好過份

只好下次佢黎香港, 再請佢食飯啦 . . .

我 team 的同事 denisse 係美國出完 trip 回來

佢在美國買了一支 Victoria's secret 的 body mist 送俾我

哈哈 ~ 佢話當香水咁噴

呢枝嘢好大浸味, 都幾香

佢還寫了一些字句鼓勵我,

多謝你 ~

希望承你貴言, 下年 4月可以同你一齊

去 las vegas 出 trip

由於昨天行到甩碌, 成個人好攰, 所以決定

訓晏 d

9a.m. 起身梳洗完, 就落樓下

食早餐

haha ~

的早餐

夾雜中西日式

(碟右手面是北京燒賣, 入面原來包著米需米飯, 很特別的燒賣)

食完早餐, 返房執埋行李, 辨理埋 check out 手續

寄存行李

係時候要離開酒店了

原本計劃今朝早去天壇參觀, 但經過

故宮排隊買了 1小時以上, 所以取消了天壇行程

的行程只有一個地方 - 前門

由王府井地鐵站坐地鐵到前門, 見到地鐵站內的大型廣告牌很可愛, 所以忍不住

拍了下來

王府井站 (1號線) 到建國門站轉2號線 --> 前門站

當地鐵抵達崇文門站, 車箱內才宣佈將會

飛站, 不停

前門站, omg ~ 成日都飛站

點算好呢

於是決定在和平門站落車, 再用步行方式去前門

出了地鐵站, 不停詢問警察要點行 . . .

唔知點解

地鐵點解會飛前門站

而前門站附近一帶有很多警察

特種報隊

你地睇警察車都幾部, 佢地真係好大陣張, 全城戒備

黎張自拍先, 我很喜歡後面古色古香的建築物

自拍效果, 後面建築物影到有點細, 不過唔緊要

一直行一直行, 哪座古色古香的建築物越黎越近啦 . . .

因為試相的關係, 想試下

自拍效果會怎樣, 所以這張相

很 cool 耶 ~ haha

沿途有很多遊客, 成條街都係人, 開始習慣成條街堵滿晒人

一直行, 又見到另一座好靚的建築物

我很喜歡

我自己的這一張相

這座建築物正面是這樣

這座建築物對面就是前門大街

中式建築物下的 starbuck coffee, 在這裡飲咖啡一定別有一番風味的

前門大街的水渠蓋也弄得好靚, 印有前門地標的建築物

一直往前門大街行, 之後發現前門大街旁邊有一條小巷

於是打算由小巷開始行起

看見有一間商店門口有好多師奶

爭菠蘿, 於是睇下佢地爭d 咩

原來中國風婆仔鞋 (布質) 做緊清貨, RMB10一對, 咁又幾抵喎

我見到有一雙紅色中國風的婆仔鞋

好靚, BUT 可惜佢無我個碼, 於是我選了另一雙藍色的鞋

見到D 鞋咁平, 於是

買多一對送給媽媽

買完鞋, 就一直往前走, 這條街主要賣紀念品

手信為主, 沿途還見到好多鬼佬

除了紀念品

手信外, 還有好多商店賣北京的懷舊小食

由於這些買相唔吸引, 所以無買黎試

最後我光顧了這檔小食 - 叶耳來巴

一塊葉包著米需米團, 我諗同大澳的茶葉果差不多, 所以買了一個來試試

原來米需米團入面還有黑芝麻饀, d 黑芝麻饀較粗, 整體還可以

一直一直走著, 看見有一條橫巷, 原來是大柵欄

之前網上 search 過有朋友介紹大柵欄賣的東西很便宜, 也很適合買手信

我没有細看每一間商店, 因為每一間商店售賣的東西差不多

價錢我認為不算便宜, 所以也没有買到什麼東西

之後不知不覺走到來北京同仁堂

haha

~ 北京同仁堂也算是一個景點, 來一個

自拍先

除了同仁堂外, 還有著名的狗不理

大柵欄兩旁都是充滿古色古香風味的建築物, 有些建築物外牆也很新

很喜歡

這些懷舊街燈, 我覺得牠很美

不經不覺, 我己經行完大柵欄, 於是過對面馬路再看看有什麼逛吧

過了對面馬路後, 一直往前行, 這裡是觀音寺街

這條街兩旁主要以餐廳為主

兩旁的餐廳大部份以北京的懷舊菜為主 - 炸醬面, 打撈面, 北京餃子, 小菜等

這條街很短, 很快行完, 於是返回大柵欄

回到大柵欄後, 繼續往前行, 打算過前門大街逛逛

前門大街兩旁的建築物好靚, 建築物下售賣的東西也是較昂貴, 如名錶, 名衫等 . . .

由於兩旁售賣的東西不吸引我逛, 所以決定回王府井食 lunch

前門大街兩旁的裝飾物

當離開前門大街的時候, 還看見街道上有輛無線電車

看見前門大街有巴士站, 看看有没有巴士回王府井

剛好看見一架專線 2號巴士回王府井, 於是坐巴士回王府井

回到王府井後, 好想回

麻布十番

試一試

石頭湯飯

於是點了一個泡菜石頭湯飯, but 佢個賣相

好唔得囉 ~

d 蒽係一條條上, 而不是一粒粒, 大大影響了賣相

湯飯的湯唔夠多, 如果多返d 會好d, 整體都可以

食完飯, 就回酒店拿行李出發去機場

之前叫了酒店預先幫我找一架的士去東直門地鐵站

酒店話 d 的士司機因為去咁近, 大部份司機都不肯去, 所以不能幫我安排到的士

酒店的職員

好好人, 幫我拉著行李到酒店外面幫我截的士

我們截了很多架,

都截唔到, 好多的士都係吉添 ~

酒店職員足足幫我截了 25分鐘, 佢公司d 同事用對講機 call 佢

於是我叫酒店職員先回去, 我自己試下再截

酒店職員真係

好好人, 所以不要讓他為難吧

我在街截了好耐, 都截唔到

有一架私架車過來問我去邊

我話我要去東直門地鐵站

司機就開價 RMB50, 他車我去東直門地鐵站

因為我驚

我企好耐都截唔到一架的士, 驚趕唔切去機場,

RMB50 就 RMB50

上到車, 個司機係咁游說我, 佢叫我俾多少少錢, 佢車我去機場

因為佢車我去機場, 開價太高, 所以我堅持坐機鐵回機場

司機最後在東直門站放下我

我就拖著行李落樓梯

落到地鐵站後, 問地鐵職員點樣行去坐機鐵, 因為機鐵和地鐵係分開兩個唔同地方

職員講了一個壞消息我知, 因為整路, 所以地鐵站

不能通過機鐵哪邊, OMG ~

地鐵職員叫我俾 RMB 2 買票, 入來後, 經通道通去機鐵哪邊

由於北京地鐵站

好煩, 入閘前所有行李都要過安檢

由於我件行李好重, 搬上安檢個部機

有點吃力, 幸好男職員見到幫一幫我托上去

之後就係地鐵站內通道通過機鐵站哪邊

去到機鐵站內, 職員拿住大聲公宣佈因為列車服務短暫有問題, 建議乘客用陸路交通到機場

omg ~

點解會咁架

我咁辛苦先落到黎機鐵站, 宜家話俾我聽

無得搭, 又要辛苦搬返行李上地面揾巴士入機場

有一些乘客問職員要等多久才有列車到機場

職員回答若乘搭晚上 7p.m. 以後的飛機, 則可以等列車

若要趕5p.m. 航班的乘客, 則建議乘客坐陸路交通工具到機場

幸好我早出發去機場, 而我又坐 7:30p.m. 的飛機

我選擇了等這架列車, 因為我唔想又搬返咁重的行李上地面

而且即使我上到地面後, 我亦唔知去邊到坐巴士回機場, 所以我選擇了等

我在機鐵站內足足等了 30分鐘以上, yeah ~ 終於有列車到站

5:21p.m. 我抵達了北京首都機場

我就去了港龍 counter 辦理 check in 手續

行李上磅後, 哇 ~ 原來

個喼都有 20.6 公斤重, 但個喼入面唔多嘢, 懷疑個喼本身好重

由於 7:30p.m. 的機, 所以在機場內的餐廳飲杯嘢

6:43 p.m. 就行入登機閘口, 準備返香港 lu ~

在登機閘口俾我發現這架有趣的行李車

機場真係為小朋友設想周到, 連香港機場也没有這些行李車, 真係

值得一讚

yeah ~ 回程終於可以坐窗口位

估唔到回程時, 飛機餐還有 menu 俾每一個客人睇, list 晒有咩選擇, 很不錯的服務耶 ~

由於我唔鐘意食鴨脯, 所以我選了海鮮意大利扁麵

飯後, 當然唔少得 haagen dazs 的雪榚啦 . . .

可惜空姐俾了我最唔鐘意的

雲呢拿味道俾我, 唔理咁多, 照食 ~

我再望一望四周的乘客, 佢地杯雪榚係

朱古力味架 ~

我攤左杯雪榚一陣, 杯雪榚依然好硬,

haha ~ 令我諗起古哥哥的爆笑 video

差不多12點抵達香港機場, 飛機著陸後, 我就打俾的士江司機

原來佢仲未找到的士入黎接我

於是唔理咁多, 拿左行李先, 之後江司機找到人來接我

由於等行李等左好耐, 所以我拿完行李後, 個的士司機己經黎到機場

累爆的我終於回到家了

執完行李, 再同媽媽傾左 1小時, 才去訓覺

北京的旅程就這樣完結了

續上

王府井坐地鐵到北新橋站

出地鐵站後, 不知道向左行還是向右行, 於是問路人

路人叫我向左一直行, 就可以找到鼓樓

一直行一直行, 行了很久, 沿途也不停問路人鼓樓的位置

(出左地鐵站後, 兩旁的街道也很寧靜, 好似一些民宅, 較少人去的地方)

直到走到街角盡頭, 有一個十字路口位, 好驚過呢d 十字路口位

見到旁邊有路人過馬路, 就跟著佢過了對面馬路才算

個了馬路兩旁都是一些特色商舖, 還有日本古著店

其中一間舖頭名叫 

放肆

, 令我

諗起五月天首歌的歌詞

就放肆愛 放肆追 放肆去闖
放肆的大鬧一場
不能原諒 如果很多年后我還是這樣
就放肆愛放肆追 放肆去闖
放肆是我的信仰
再不去闖夢想永遠只會是一個夢想

haha

一直一直走著, 經過一個很多人參觀的橫巷

e ~ 原來係南鑼古巷, 這個景點原本打算去完鼓樓再參觀

haha . . . 宜家經過這個景點, 咁就參觀左呢個景點先 la . . .

一入到去, 見到好多人排隊買黎食

雖然香港都有得賣, haha ~ 但是我

無買過黎食, 咁就等我試試先

嗯 . . . 我覺得無咩等別, 好普通的一個車輪餅

南鑼古巷是一個翻新後的胡同

整條橫巷兩旁都是一些售賣特色用品的商店

每一個杯都印有一些攪笑字句

有些舖頭售賣的商品還是本地創作的

係一條值得花時間慢慢逛的古巷

之前網上看見有很多朋友介紹去南鑼古巷一定要去試文宇奶酪

當我去到文宇奶酪店時, 所有食品都售清

仲有一個男人走過黎對我講: 你黎遲左啦 . . . 最後一杯草霉奶都俾我買左黎飲

哼 ~

好巴閉咩 . . . 等我下次早d 黎再試

其實試唔到真係

有少少失望, 不過唔緊要, 俾多個藉口下次來北京, wahaha ~

於是一直行一直逛周邊的商店

這間店好多海綿寶寶, 之前唔太 like 呢隻公仔

睇完 

下一站, 幸福

梁小樂拿完海綿寶寶後, 覺得隻公仔都

幾可愛

我有少少

鐘意左佢 (請用萬寧小妹妹腔講出這句對白)

不知這些是什麼來的, 又不是貼紙, 又不是八達通貼紙

只是一張雙面印刷的咭

好可愛的公仔, 我鐘意

左手邊綠色和黃色個隻公仔

其實每一間商店售賣的東西都好靚, 但價錢一d 都唔平囉 ~ 所以只有睇, 没有買

其實有時唔一定要買東西, 有時看一看這些東西也可以幫助了解當地的文化和特色

除了特色商舖外, 這條古巷還有很多咖啡店, 每一間都很有特色

這些咖啡店很適合和朋友來聊天, 渡過一個週未的下午

之前聽人講西藏的咖啡很香濃, but 可惜我唔飲咖啡, 如果唔係我真的想試一試這間咖啡店的咖啡

有些咖啡店還有兩層, 感覺和氣氛超好的, 如果今次和

朋友黎旅行, 你話幾咁好呢

小新的店,

令我諗起蠟筆小新, haha ~

一直逛一直逛, 看見一間店俾很多人包圍, 於是過去看看

原來這間店賣法式吐司

出煙的飲品

網上也有朋友介紹這間店的法式吐司很好味,

haha ~ 又等我試一試

法式吐司有很多味道選擇 - 花生醬, 朱未力醬, 草莓醬, 焦糖醬, 藍莓醬 . . .

其實又想試朱古力又想試藍莓

haha ~ 最後我選了

清新的藍莓醬

行左一日, 無咩點坐過, 所以一於唔理, 揾一個地方, 邊坐邊食

我覺得這個法式吐司

很不錯, 如果佢熱返少少會更加好, 因為食個時, 有d 凍冰冰

這間店都底有没有玉米賣呢

間店的主打產品是玉米汁, 佢的招牌

係唔係印錯左呢

haha

因為我好鐘意

食濕米 (粟米), 所以也想試試他們的濕米汁

粟米汁好香的粟米味, 不會好溶不會好希, 我覺得剛剛好

這條古巷俾人的感覺俾人很休閒

還有伯伯在地上足棋

不經不覺在這個古巷逗留2個半小時了, 係時候要離開了

走個時, 見到好大隻鴨係條街到行, 佢仲吸引好多途人圍觀

佢好攪笑, 佢仲有

身份証架 ~

呢張

身份証係唔係真的呢

5:40 p.m. 離開南鑼古巷

没諗過自己會在這條南鑼古巷逗留了咁耐

之後坐地鐵到珠市口站, 幫媽媽買蕃薯乾

她有一個朋友之前來北京, 買了一飽蕃薯乾給她做手信, 她覺得好好味, 所以想我幫她買一包

出了珠市口站, 成條街都

好荒無, 媽媽又無個間商店的地址俾我

於是問了一位大嬸, 佢叫我到新世界百貨公司入面的

超市看看

足足行了 25分鐘以上才來到新世界百貨公司的

超市

間超市超大, 逛了好耐都揾唔到蕃薯乾, 於是問職員有無蕃薯乾賣

職員話賣晒, 要幾日後才有貨

無得賣, 只好睇下有d 咩零食賣, 買d 回酒店食

在這裡俾我看見很多唔同味道的百力滋,

haha ~ 每一隻味道我都各買了一盒

俾完錢, 隻腳己經行到甩碌, 想揾個地方坐下

於是去了商場的 burger's king 食

漢堡飽

食完晚餐, 就坐地鐵回酒店了

這些就是我在北京期間買俾自己的飾物

今日係媽媽正日生日, 無辨法同佢慶祝

媽媽也無怪我這些時間不在香港

之前在西單買了一份禮物送她, 希望佢喜歡啦 . . .

Happy Birthday to my Mum

~

由於昨天去長城行到甩碌, 所以今朝訓到 8:30 a.m. 起身

係酒店食埋

早餐, 可能

遲左落黎,

好好味的茶葉蛋己經無晒

這就是我的

早餐

很擔心

坐地鐵去天安門東站 和 西站, 地鐵會飛站

所以問一問酒店職員, 由酒店行去天安門大約要多久

點樣行去天安門後

就出發起程去天安門和故宮

天氣報導

和明天北京市會

下雨, 好彩出酒店時, 没有

落雨

沿途經過北京飯店, 這間北京飯店入住一晚超貴的, haha ~ 係門口影返張相先

北京飯店旁邊還有其他好靚的酒店, 我諗住

這裡的房租也不便宜

酒店門外還有

薰衣草

這裡就是全國人大召開會議的地方, 也是在電視機經常見到的地方

來北京之前, 問 Zoie 借了腳架, 故宮咁大, 可以 set 腳架影相, haha

揾左一個無咩人的地方, set 好腳架, 試下先 ~

haha

~ 由於第一次 set 腳架影相, 開頭個幾張相, 張相無左個頭頂, haha

呢張相較為成功

當我用腳架影相的時候, 有好多途人都感到很好奇, 佢地都會望下我, 哈哈

當我影緊相的時候, 還有兩個女生就過來搭傘, 她們還幫我看一看相機的屏幕

我企的位置是否 ok

之後她們好奇地與我聊起來, 問我是否一個人來旅遊

她們是湖南人, 來北京讀書,

她們也是來參觀天安門

我問她們會不會順道參觀故宮, 她們話下次才來參觀, 因為

人太多

haha, 仲諗住如果佢地也去故宮, 我地三個

一齊參觀添 ~

與她們道別後, 我就走入天安門

天安門一帶保安深嚴, 有好多警察, 公安和特種報隊等

入到去, 見到這個很漂亮, 也有很多人圍著拍照

由天安門行入故宮, 大約要走 20-25分鐘

當我來到故宮的售票處, 俾咁多人排隊買飛

嚇親, 由於d 人排得太亂, 都唔知道邊條係龍尾

這麼多人真的讓我腳步, 真的有諗過唔入故宮

但唔去故宮, 我又可以去邊呢

即使我去其他地方參觀, 亦都係咁多人

見到 d 鬼佬都係咁排隊, 好 ~ 就一於癲下, 慢慢排啦 . . .

排隊期間, 無聊影下相

這張相原本我是想影故宮

藍天, 點知影左出黎, 下面位人兄變左相中突出的主角,

haha ~

佢好 enjoy 咁食煙

排隊又無嘢好做, 自拍下排隊人多的景況先

突然醒起我袋入面隻哈囉咪咪, 就拿佢出黎影相

足足排了 1小時又多的隊才買到這張門票, 當中還遇插隊的人, 這些人實在

太討厭了

之後就慢慢行入故宮入口

我覺得收得咁貴的門票, 應該每人買票都給予一些故宮地圖俾我地

因為故宮咁大, 有一本故宮地圖小冊子方便很多, 這一點真的有待改善

故宮入面真的好大, 即使人咁多, set 腳架影相都不用擔心

我還可以拍相機 set 到斜角, 拍出斜斜的相片

我很喜歡拍斜斜的相片, 這個就是我的 style 喔,

haha ~

今日亦好大風, 睇我的頭髮就知道

由於没有地圖, 就隨心所欲地走吧

走到邊, 逛到邊吧

逛到這裡, 真的被故宮的宏偉建築與及地方之大, 感到很震撼, 發出讚嘆之聲

附近的人也不停發出驚訝之聲

我也有在這影相, 但因為背光的關係, 所以人變得很黑
(這時旁邊也有一個大嬸也有留意我影相, 在後文會提及這位大嬸的)

影完相, 我就打算去相片中央的建築物參觀

由於地方大, 所以 set 腳架係到狂影相都唔怕驚人撞跌部相機

當我係到係咁用腳架影相的時候

剛剛提及的大嬸, 拉著她老公過來

跟我講: 我剛剛也有留意過你拍的照片, 拍得好美, 不知道可不可以幫我拍一張

哈哈, 超爆笑

. . . 竟然會有人跑過來叫我幫她拍照

起初我以為佢地想揾人幫佢地兩個影相, 點知原來只是得個大嬸影

於是我就順道話幫他們影合照, 他們也很開心, 我就幫他多拍了幾張照片

大叔也好人提出幫我影相, 但佢影得真係麻麻囉 ~

haha . . . 唔怪得知佢老婆要走過黎揾我幫佢影相啦

很喜歡

的藍天與白雲

幸好今天没有

下雨

隨心所欲的走, 走到了皇帝上朝的地方

窗戶還有包邊的花紋計設, 我諗古時, 可能係揾黃金包窗邊吧

haha

由於每一個殿, 都圍起欄杆不准遊人進人

幾經辛苦, 才迫到入去人群之中, 拍下這張照片

皇帝上朝的地方

當離開時, 還被一個小朋友

胸習, 心情

大受影響

@#@*!&$!$!$

心情整頓後, 就再慢慢逛

之後還參觀了妃嬪的房間

行行下, 走到皇帝的御花園來

御花園入面只有幾舊爛石, 無什麼好睇

聽到旁邊的大陸團導遊介紹這棵樹是連理枝來的

他們就好像一對情侶一樣

之後看見一個景拍出來應該很美, 於是拿腳架試下先

這個景真的很不錯, 等我試下自拍先

haha, 自拍失敗

再試多一張自拍,

yeah ~ 成功左

好多謝這個架, 我才可以拍到這麼多的照片

係時候收返個腳架 ~

因為後面就是離場出口

逛到下午 1點幾, 決定離開

原本諗住參觀完故宮後, 過對面景山公園參觀

因為見到景山公園裡面實在太多人, 也擔心花很長時間排隊買飛, 所以也取消了這個景點

之後看看附近有休麼巴士回到王府井

看見有一架專路 2 號線回王府井, 就排隊

打算回王府井食

lunch, 之後再出發去下一個景點

等了好耐巴士, 終於上到車, 回到王府井大街下車, 也很近酒店

於是回酒店放下腳架, 再去食

lunch

王府井真的很方便, 有好多食肆, 我見牡丹樓旁邊有一個美街的箭咀, 於是往著箭咀方向走

來到一個 food court

入面有很多不同地方的食物, 由於太多人, 也難找位

最後我去了一間 

面愛面

  的餐廳

食麵

由於這個咖喱麵很吸引, 所以點了一個

湯底好有咖喱味, 唔算辣, but d 麵煮得太林, 而且麵質唔彈牙

如果麵有返少少彈牙, 成碗面就 prefet la . . .

haha

這碗麵没有餐, 所以没有飲品

食完這碗麵好想飲嘢

打算到地鐵站附近的超市買飲品

行去地鐵站的途中, 見到好多新彊人賣哈密瓜, 也有好多人買黎食

於是諗住試下

哈密瓜 RMB2 一串, 好抵食

哈密瓜串真的

好好味, 哈密瓜好甜, 正呀

食完甜甜多汁的哈密瓜也不用買飲品, 哈哈, 就直接出發下一個景點吧

下一站 . . . 南鑼古巷, 待續 ~

實用資料篇:

故宮
Website: http://www.dpm.org.cn/index16801050.html
門票: RMB60

今朝早6:30a.m. 起身, 7a.m. 係酒店食埋早餐先出發去長城

酒店自助早餐食物種類唔多, 大多以中式為主, 也有小量西式和日式的食物選擇

但 d sushi 只得三款, 實在太少款式啦 . . .

食完早餐, 由王府井坐地鐵到西直門的北京北站買火車票到長城

國慶期間, 北京

超多人, 搭地鐵也不例外

首先由王府井1號線坐到西單站 --> (再轉 2號線) 到西直門站

當我在西單站轉線到西直門站時, 由於剛好有一架列車在月台上

我就忽忽忙忙睇下是否到西直門站???

唔理咁多, 我就跳左上車, 一心以為架車咁好咁少人的,

仲好開心坐底左落黎

當列車宣佈下一站是長椿街站時, omg ~

我坐錯方向列車, 唔怪得知架車咁少人啦 . . .

於是我即刻落車, 轉返啱方向個條線去西直門站

haha ~ 可能今朝早咁早起身, 個人

仲未訓醒, 所以上錯車, 唔緊要, 我多的是時間, 呵呵

8:35a.m. 我就來到西直門站的北京北站

之前上網 check 過, 9:30a.m. 有一班火車到八達嶺, 希望買到 9:30a.m. 的火車飛啦 . . .

詢問火車站職員仲有無 9:30a.m. 火車飛???

職員話無晒, 最快也要 11:52a.m. 才有火車到八達嶺, 而且這班火車無位坐, 只有企位票

之前上網 check 過 d 火車飛有一等座和二等座之分, 而價錢只是相差 RMB5

於是問職員有無一等座的火車飛, 職員回答有一等座火車飛, 梗係買一等座火車飛啦 . . . haha

8:47a.m. 買完火車飛, 大約有 2個多小時, 去邊好呢？

haha . . . 只諗到去西單逛一逛, 而西單也近北京北站

於是坐地鐵到西單逛, 睇下再買唔買到一些飾物

9:17a.m. 來到西單, 西單的明珠廣場和新一代商城也未開, 只好逛胡同裡面的一些商店

西單明珠廣場和新一代商城也是開早上 10a.m.

10a.m. 我就去了新一代商場逛

在有限的時間裡, 買了一條頸錬 & 耳環 (襯返一 set) 送給媽媽, 一個扣針 & 一個髮飾

逛到 11:10a.m, 我就趕回北京北站出發到長城

其實長城分了好幾段給遊客參觀

我今日去的長城個段是較多遊客去, 也是交通較為方便易去到的一段

我上到火車, 原來我坐在窗口位, 旁邊有一個很年輕的男生, 我以為佢係北京人

我坐下後, 前面兩個男生擰轉頭望望我, 之前對我旁邊的男生講了一些說話

原來他們是

韓國人黎, haha ~ 次次一個人去旅行, 旁邊總會

坐著韓國人

坐我前面的男生較帥, wahaha ~ 賺到囉 . . . 好彩今日買了一等坐的火車飛, haha ~

火車車程為一小時

到了八達嶺後

要行一段 15-20分鐘的路, 才可到達市集

來到市集己經 1:30p.m., 所以諗住在市集食埋午餐先去

做好漢

市集哪裡有很多餐廳, 都唔知入邊間好???因為間間個樣都

唔吸引, haha

之前在深圳和石龍食過新彊人的拉面, 覺得好好味

所以諗住蘭州拉面應該都ok, 點知

原來係錯的????

我點了一碗牛肉麵,

難食到爆

牛肉只得數遍, d 麵質還可以, 最最最難頂就係碗麵

有浸怪味, 我諗可能係香料味道掛

成個麵都好清, 總之好難食, 如果無左個浸怪味會好d

這碗麵要 RMB19

成碗麵真係好難食, 但是又唔可以唔食, 因為唔食的話, 一陣又無力做好漢

迫於無奈食了半碗, haha ~ 己經覺得自己好叻, 可以食左半碗咁多

食完 lunch, 就去市集排隊買飛入長城

(建議大家在市集售票處買票, 因為較為有秩序和快)

買完票, 去埋 toilet, 就去做好漢了

由市集行去長城入口, 需要行 10-15分鐘的路程

沿途還有 <不到長城非好漢> 的標語, 好多人都在這裡留倩影

通往入長城的入口處

哇 ~ 咩事呀???

咁多人的

不知道哪些人是排隊買票, 還是排隊入長城呢？

經過一輪爭先擠迫的情況下, 我終於入到長城了

哇, 俾眼前的景象

嚇親 ~

唔係俾長城這座宏偉的建築物嚇親, 而係俾長城每一段路企滿晒人的景象嚇親, 駛唔駛咁誇張呀!!!

人人都想國慶來做好漢

若不是因為出差的關係, 我也不會選國慶來中國旅行, 因為實在

太可怕啦 . . .

唔理咁多, 反正一場黎到, 就慢慢感受這次旅程吧!!!

今日北京氣湯只有 7度, 而長城這裡好大風, 這張相頭髮較為無咁亂的一張了, haha ~

d 人好無公德心, 竟然將長城的牆璧畫花晒, 唔好好保護這座歷史由久的建築物

長城某些段落較為

難行, 有些段落有梯級, 而有些段落没有梯級 (斜住咁行上去)

我間唔中會停在一些較為安全的地方休息一下

你地睇下長城成條路真係

塞滿晒人架 ~

當我休息途中, 突然有一個阿叔

好快跳左上長城的觀景位

阿叔想自殺都唔係咁???

阿叔你咁企法好危險, 快d 落返黎啦 . . .

一場黎到長城,

點可以唔影返張相呢???

開始塞人啦 . . . d 人企晒係到, 郁都無郁過 . . .

到底頂頂的位發生什麼事呢???

無理由 d 人行都唔行, 郁都唔郁咁 . . . 大家無奈地等

好艱辛才走到這個位置, 等我影返下面塞人的情況先

當我行到頂頂時, 有一條分叉路落另一個地方

公安就叫d 人盡量行落去坐滑車落山

由於上斜好難行, 而且人也多, 落斜的話, 更難落, 所以我選擇了坐滑車落山

原來公安叫我地落去個條路, 係可以到達好漢坡

但好漢坡

堆滿晒人, 不易走去影相

呢個人幫人影相, but 佢個 post

好爆笑, 影相影到佢咁, haha ~

之後就排隊買滑車的門票落山

滑車的門票 RMB30

排排下隊, 見到佢個標語 <兩人一架車>

吓 . . . 唔係化, 兩個人一架車, 我超唔想囉 ~

排隊還遇上打占的年輕女生,

超討厭的

yeah ~ 原來係一人一架車, 太好了

話咁快就落返山

落山後, 有很多售賣紀念品的專門店

長城的出口處附近還有一個動物園的地方, 有好多熊給人圍觀

這隻態還擺了 vv post, haha ~

超爆笑, 佢地竟然識擺 vv post

動物園對面有一個巴士站, 可以坐巴士回到北京市區

由於人太多, 排隊的人龍也很長

當我排排下隊的時候, 有一個中年阿叔突然走上前打一個男人,

嚇 c 人咩

事後得知原來被打的人打占, 所以中年阿叔就拉佢出黎打

估唔到呢個阿叔咁正義, 但又有少少激動,

人地打占都唔駛打人的

排了好耐隊, 終於上了巴士

由於今日假期, 長城特別多人, 司機話己經增添了很多班次疏導人潮

我地成架車坐滿晒人, 司機又轉多一圍回巴士站, 希望接多d 企位的乘客回市區

這個司機很健談, 也很風趣

他開了這條路線兩年了, 他還介紹哪一段長城最值得參觀

他介紹了前面建築物個一段的長城是最值得參觀的一段, 很多外國客也來這一些參觀, 不過交通不方便

司機還叫我地經過某一個地方, 向右手邊舉起手摸一摸舊石, 並且誠心許願

之後佢解釋返因為之前有一些人開車經過時, 摸一摸舊石, 並許願, 點知真的願望成真

所以這舊石也多人認知

呢個司機真係好好人, 還講介呢d 俾車上乘客知

好開心 & 好慶幸遇上這位巴士司機

一個人的旅行, 遇到這些事物和人, 也增添了好多不同的感覺 (只有一個人旅行時才體驗到的感覺)

巴士上還有乘客問司機: 回程途中會不會很堵車???因為今天早上來長城, 坐巴士坐了 4到5個小時, 太害怕啦 . . .

司機回答: 應該不會像早上這麼堵車

當我聽到其他乘客 

坐了 4-5小時的巴士, 我好慶幸自己没有選錯坐火車

坐 4-5小時的巴士, 沿途係咁塞車, 真係人

都癲

巴士回到德勝門, 原本我的行程是到斜煙袋街

但我竟然

帶漏了最重要的地圖出黎, 因為由德勝門行過去是可以的

但没有地圖, 我真的不懂怎麼行

當時己經 6p.m., 如果慢慢揾斜煙袋街, 應該會揾到好夜吧!!!

最後決定

放棄這個景點

haha ~ 由於之前行西單都係唔夠明間, 宜家咁早, 西單的商場收 8:30p.m., 我仲有好多時間逛

所以我又坐地鐵到西單站逛

我先逛西單明珠廣場地底層, 成層買韓國衣服

我在這裡買了一件漫畫圖案的長袖外套, 其實香港也有得賣, 價錢是 HKD60, 但這裡被我殺價殺到香港一半的價錢

也買了一件波點長袖 & 長身的外套, 因為在香港不見有, 所以買了回來 (當然價錢也是被我狠狠的殺下來)

之後我繼續逛西單明珠廣場二樓, 原來二樓D 衫仲平, 好多都係 RMB38

之後再逛明珠廣場三樓, 三樓整層買牛仔褲

我之前看見了一些牛仔褲腳翻轉摺有一些圖案, haha,

我也想買返一條

之前在香港花園街很少見到這一類型, 在香港拍賣網見過一次, 好快就買晒

見到有很多不同款式和圖案, 看見一間d 牛仔褲的圖案較為靚和特別, 於是入去問價錢

d sales 叫我先試, 再談價錢

我試了 2 條, 2條著上身都感覺唔靚

看見另一個女生試的另一條也不錯, 不過這一條褲褲腳翻轉没有圖案, 但是我鐘意印在褲上面的公仔

sales 也叫我試一試, 試上身後, 感覺還可以, 其實我只係喜歡褲上的公仔, haha

sales 開價很高, 當然想勁殺價, 點知剛巧有一個人用 RMB150買了我剛試過的另一條牛仔褲

Sales 話呢條褲價錢一定貴過哪一條

因為我原本諗住殺價到 RMB110 (Sales 一開價 RMB298)

我聽完價錢貴過 RMB150, 於是我話唔要 & 唔買, 因為太貴啦 . . .

最後佢問我最多可以俾幾多???我最多俾 RMB150 (最衰之前嗰個人用 RMB150買左條褲)

其實呢條褲 RMB150 我都覺好貴, 但我又好鐘意牛仔褲上的公仔

最後 SALES 拉返我轉頭, 佢話見我試左咁耐, 佢和我亦都好攰, 今次破例 RMB150賣俾我
(其實我覺得仲有得殺價, 算啦 . . . )

買完牛仔褲己經好累, 無心機再行落去, 於是坐地鐵回王府井

返到王府井, 雙腳好似甩左落黎咁, 雙腳完全好似唔係自己咁

好彩王府井地鐵上來有一個商場, 商場入面有一個美食廣場, 去看看有咩食先

見其中一間餐廳的 MENU 有韓國石頭飯, 好想試下

於是入了麻十番坐低

叫了一個石頭泡菜芝士燒牛肉飯

這個飯很好味, 總算無入錯餐廳, haha ~

食完飯, 逛了一陣 supermaket, 買了一枝果汁就回酒店了

實用資料篇:

八達嶺長城
交通較為方便去到的一段長城

要往八達嶺長城方法有三種:

(1) 坐火車
搭地鐵到西直門站, 一出站旁邊就是北京北站
火車門票: 一等座位 RMB17, 二等座位 RMB12
車程時間為 1 小時

(2) 坐 919號巴士
搭地鐵到積水潭站, A 出口直走
到達德勝門, 坐 919 公車 (注意: 919 快車, 總站延慶)
因為德勝門有很多 919 公車, 到不同地方
所以千萬不要上錯車
車程時間要事乎當天塞車情況而定, 一般為 2 小時

(3) Join 一日旅行團
到北京旅遊集散地 join 一日團
一日團除了去長城, 還有另一個景點
在長城觀光時間少, 而且跟團會帶你去購物地方光顧
一日團大約 RMB 100 - RMB150 不等