星之菓子

今日早上 6:30 a.m. (香港時間 5:30 a.m.) 就起左身, 洗下頭, 梳洗下, 就落去食早餐, 點知落到餐廳, 一個團友都無, 諗住入去坐低食住等啦, 點知個 waiter 話我地book 左 8:30 a.m. 食早餐 . . . 吓, 唔係掛, 唔好反啦, 原來媽媽昨天攪錯左, 以為 7:30食早餐, 其實係 7:30 先 morning call, 咁早咁我地做咩好呀？於是我們就出左去酒店餐廳外面影相

好凍 ~ 好凍 ~ 好凍呀!!!

得 1度渣, 真是好鬼凍呀!!!

影左一陣相, 我見時間有早, 於是我就上房執下行李先, 而其他人就繼續去影相。

8:30a.m. 又落返酒店餐廳食早餐, 早餐 set 好晒, 每人一份。食完早餐, 就起程去下一個地方 - 旌善鐵路腳踏車 (Rail bike)。Jerry 話如果踏完 Rail bike 先食 lunch 的話, 就會好晏, 所以安排我們食完 lunch 先去踏。剛剛食完早餐, 宜家又話要食埋 lunch, 覺得今日好似食 ~ 食 ~ 食!!!

lunch 又係食韓式火鍋 ~ 黎到韓國己經食左兩餐韓式火鍋了, 再咁食落去, 真是會爆瘡哦 . . .

食完飯, 坐左一陣車, 終於到踏 rail bike 個地方, 呢個係行程紙上最吸引我的其中一個地方, 因為我覺得係路軌上面踏單車, 加上沿途的風景, 實會好浪漫, 同埋難忘的。

後面個架就係我架車啦 . . . 今次我地就係踏住呢架車又越過山洞又越過谷啦 . . . 好興奮呀!!!

點知一上車, 就開始下起雨來, 天氣就更加凍, 但這些都絲毫無損我們的心情, 準備出發啦 . . . go ~ go ~ go!!!

我和爸爸一架車, 而媽媽就同細佬一架車。我地開車啦 . . .

呢條路好靚呀!!!我諗如果兩邊都係紅葉的話, 實靚爆呀!!!我好鍾意呢條路, 好有 feel 呀!!!

準備入山洞啦 . . . 你地見唔見到個山洞係邊呀!!!

途經菜田

仲有人住添嫁, 我諗呢家人的生活一定好休栽又栽的, 實好 relax, 每一刻都感受到大自然的氣息, 住係呢到的人, 身體一定好健康的, 我都好想過著呢d 生活哦 . . .

只要再踏前D, 前面就有個中途休息站嫁啦 . . . 加油 ~ 加油 ~ flighting!!!

終於到左中途站啦 . . .

中途站有洗手間, 賣小食的地方, 等我們可以保充體力。hehe ~ 但是我唔覺得累同埋肚餓, 所以只係落車行下。

呢個就是我個團的韓國攝影師 rambo

之後再踏左一程路, 我們又開始行程, 再踏去終點站。這裡就是終點站, 這個 rail bike 真是好好玩呀!!!仲想繼續踏落去, 真是好似d 小朋友咁, 玩到唔捨得走人

踏完 rail bike, 我們就要向下一個地方進發 - 大關嶺牧羊場。我們係香港好少接觸到這些地方, 最多都係去海洋公園睇下d 動物, 估唔到今次出國旅行, 有機會去到呢d 地方, 親親大自然, 我覺得也不錯耶 ~ 這些地方都係令人 relax 的地方, 同埋增添童真的地方耶 ~

呢隻羊好熱情咁歡迎我地,
羊話: welcome ~ 好多謝你地黎探我呀!!!有無嘢食啫, 我好肚餓呀!!!

你睇下隻羊鬼咁 enjoy . . .

唔知點解我個樣咁愕然, 其實我個時好驚隻羊食埋我隻手指嫁 . . .
因為一路餵佢食, 媽媽就叫我望鏡頭 . . . .
但我覺得好難, 因為佢地食嘢食得好快, 好驚佢食左我隻手指呀!!!呼 ~ 呼 ~

餵完羊, 我們就去睇隻狗點樣去趕返d 羊返黎, 但隻狗今日的心情唔多好, 唔係好聽牧羊人枝笛, 所以趕左一半, d 羊又跑返入山囉 ~

睇完羊, 我們就坐車返小木屋。jerry 話由於今晚住的地方附近無 supermarket, 所以司機車左我們去 family mart 買嘢食。jerry 話今晚個餐韓式 bbq 實唔夠我地食, 所以叫我們一團人最好買定d 杯面去小木屋食。jerry 仲帶埋我們入 family mart 講解一下邊d 飲品值得一試, 有邊d 食物好食。我就買了兩包薯片, 三包鳥冬, 一個杯面, 一枝 17茶, 一樽草莓奶。最後 jerry 介紹我們食一條蜜瓜雪條, 這條雪條真的真的超好味, 如果你地有機會去韓國, 一定要買來試哦 . . .

就是這條蜜瓜味雪條啦 . . . 大家要認住佢呀!!!條雪條蜜瓜味超濃, 俾 10個讚!!!!

之後就入到去小木屋, 拿左房, 放低左d 行李之後, 還有半小時才到食飯, 於是又係房內影影影

呢張就是我們今晚訓個張床啦 . . . .

仲有煮食爐具添, 真是一應俱全

幾時先賺到我人生的第一個 738,000 元呢？
係到買一枝飲品, 都要驅驅使 1,500 won,
哈哈 . . . 係呢個地方駛錢好似好毫咁 ~ 爽
我係呢度買衫, 買一件衫都萬萬聲咁上,
哈哈 . . . 都未試過買一件咁貴的衫, wahahah ~

你睇下幾多錢, hehe ~ 我變左一個小富婆呀!!!

休息左一陣, 睇下韓國 d 電視, 最緊要就係睇下 d 韓星啦 . . . hehe ~ 我覺得韓國d 電視節目都幾好睇, 佢地有 MV 台, SPORT 台, 電影台, 新聞台, BUT 我第一日黎到己經睇左 MV 台, 所以我今次選左 SBS 台睇黎, 仲見到靚仔添, 哈哈 . . . 賺晒

之後就去今晚食飯的地方, 哪個地方係小木屋附近, 只需要行過去就可以了。今晚的晚餐就是 BBQ, 同香港差不多, 有係有個燒烤爐, 但不同之處就是他們會放一個網, D 嘢食就會放係個網上面燒, 直至燒熟為止。我始終都係鍾意香港 BBQ 的方法, 每人拿住枝燒烤叉, 自己燒自己鍾意的食物, 呢一種其實係一個樂趣來的。

BBQ D 份量真是得好少呀!!!好彩有聽 Jerry 講買個杯面, 今晚就唔駛驚肚餓啦 . . .

食完飯, 就返房沖涼囉 ~ 好鍾意這間小木屋, 小木屋個地板暖暖的, 因為地板下面有個發熱爐, 所以不用著鞋, 雙腳都 keep 住暖暖, 連浴室個地板下面都有發熱爐, 沖涼都唔驚凍呀!!!good ~ good ~ good!!!

呢個就是我個宵夜來的, 有鳥冬杯面和草莓奶。我覺得韓國d 杯面, d 面質好彈牙, 好食過香港d 杯面多多聲呀!!!去到韓國, 另一個記得要食的就是韓國當地的杯面啦 . . . .

食完面, 睇下電視, 今晚播緊一個綜藝攪笑節目, 最緊要最緊要有我至鍾意的阿 rain, 好開心呀!!!

到晚上 11點左右, 就開始下起雪來, 好靚哦!!!

唔是相機的鏡頭有一點點哦, 而是天空上面落下來的雪

好靚, 好靚, 真是好靚呀!!!十萬個讚

今日原本諗住下午 4點幾提早離開公司, 去看西醫, 點知發生左一些唔開心的事, 係到唔想再講發生左d 咩事啦, 最後 6 點先走人, 返到屋企己經6:30。

去到屋企樓下診所, 護士要我探熱, 竟然有d 燒, 我自己都唔覺, 於是叫醫生幫我打枝針, 醫生還吩咐我現在要食粒退燒藥, 否則上唔到機就麻煩了。

回到家沖完涼, 再執下d 嘢, 之後就去左深水埗食埋晚飯, 就出發去機場了。

大約 9:20 p.m. 左右到了機場, 離集合時間還要好耐, 於是我們係機場四周影下相。宜家機場四周都佈置很多聖誕樹和飾物, 充滿聖誕節氣氛。

9:50 p.m. 我們就行返去離境大堂 A 區等領隊 (阿珊), 今次個領隊係女仔黎, 而我們個團只是得 13名團友, 真是好少人, but 少人都有少人的好處。

寄埋行李, 再行一陣, 我們就入閘了。等左好耐, 終於等到 12:20 a.m., yeah ~ 終於可以上機啦 . . . .我們今次坐國泰機, 飛機上還有很多吉位。

坐左 2個多小時, 係 3:22 a.m. 終於到達韓國

而韓國係快香港 1 小時, 所以過埋關拿埋行李, 到差不多 5:30p.m., 而導遊 (Jerry) 俾我地係機場食埋個早餐, 6:30 a.m.先出發。差不多有1個小時俾我地, 而機場d 餐廳大部份都未開, 認真悶, 我們只好逛 family mart 打發時間。

所有旅行團都會有一個韓國旅遊局派出的韓國跟團攝影師, 當我見到我個團的攝影師 (rambo), 只好蓋嘆點解我個團的攝影師咁老嫁, 我見其他團個d 攝影師, 大部份都好年輕, main point 有幾個都幾靚仔嫁, 點解我個團哪個攝影師又老又薯咁的 ~ 唉!!!

我們第一站就出發去韓國的江原樂園渡假村, 由機場出發去江原樂園渡假村, 大約要坐 4個多小時的車程, 中途有個休息站俾我們去下洗手間, 一落車就好鬼凍, 而休息站有 supermarket, food court, 同埋一些攤檔。

由於我忘記帶 9 分褲去, 媽媽驚我病得更嚴重, 於是係攤檔買一條 9 分褲俾我打底, 但我好猶豫買唔買的時候, 攤檔的阿豬媽就話天氣好凍, 明天會落雪, 猛咁叫我買, 最後都買左一條打底。哪個阿豬媽真的很厲害, 她會識講普通話的, 所以我們都溝通到。

終於去到郊區, 我們首先去食飯先。今餐係我們第一餐的韓國餐 - 韓國火鍋。味道 OK, 而且哪些泡菜, 同我係香港梨花園食到哪些泡菜差唔多。

食完飯, Jerry 話我地今晚住個度附近無 supermarket, 所以俾左d 時間我地去買零食和飲品。爸爸見到一架賣生果的貨車, 爸爸想食 apple, 而阿豬士 (大叔) 分好晒一袋袋 apple, 我就全程用韓文同阿豬士溝通, 問袋 apple 幾錢？最後幫阿豬士買左一大袋 apple, 阿豬士亦都好好人, 送左幾個柿給我們食。

之後 Jerry 還請我們一團人食雪榚, 很少導遊會咁好, 請成團人食嘢。

食完雪榚, 凍上加凍, 之後就坐車去下一個地方 - 冒險皇宮樂園, 哪裡有一些機動遊戲設施, 之前看哪些宣傳單張, 還以為這些機動遊戲好好玩, 當入到去之後, 簡直覺得這些機動遊戲設施白痴加低能, 係 for 5歲以下的小朋友玩, 真是有一種讓人傻眼的感覺, 完全俾哪張宣傳單張欺騙了。

Jerry 帶我們玩了一些佢認為好玩的機動遊戲 (包括 4D 立體影院, 外星人歷險), 哪個 4D 立體影院, 簡直不知所謂, 只是得張椅震左幾下, 無故事內容, 呢個 4D 認真超悶, 香港迪迪尼的 3D 影院, 好睇過佢多多聲。

最後我同細佬去左玩哪個模擬賽車, 這個 GAME 我覺得好難控制, 我成日都撞左埋欄。玩完呢個GAME, 爸爸同細佬走去玩左個最刺激的機動遊戲 (卡車狂奔), 佢地要入去一個密室車箱內, 跟住就不停係咁作出 360度轉, 我係出面都望到頭暈。爸爸玩完都話有少少暈, BUT 都OK。

之後我們就走左出去影相, 因為出面的景好靚, 真是影相仲好鬼過玩佢D 機動遊戲, 我們在這裡影左好多張合照哦 . . . 

連韓劇 <食客> 都係係呢間酒店拍嫁 . . . . (你地睇下幾大張 POSTER 掛在係到)

影左一大輪相, 又夠鐘集合, 首先返酒店放返底D 行李先。一到逹酒店, 點解我覺得有種似層相識的感覺的 . . . .

. . . . . . . . . . . .

. . . . . . . .

. . . . . .

. . .

我醒起啦 . . . . . . . . .

. . . . . . . . . . .

. . . . . . . .

. . . . .

呢到就係 . . . . . . <茶煲阿四> 阿四擁有的哪間酒店

我同車上面D 團友講, 大家跟住就開始起哄, 而 Jerry 見我地咁精神, 叫我地冷靜d 先, 之後拿左鎖匙返房, 放底左d 行李, 又落返大堂 join 返d 團友。

接著下一個行程 - 江原道滑雪場, 這個行程是行程紙上没有的, 唔理咁多, 有得去梗係去啦 . . . 我地坐大約 15分鐘的 cable car, 係 cable car 上面望落去的風景好靚, 首先見到 golf 場, 接著就開始見到地面有雪

再入D 就見到好多人在滑緊雪, 我都好想落去滑埋一份呀!!!

落左 cable car 之後, 眼前的景色, 該我發癲, 一大片白色的地下, 軟眠眠的白雪, 四周都係拿住滑雪板和滑雪用具的人, 真的好靚好靚, 望到咁靚的景, 真是讓人超開心, 所有不愉快都忘記得一乾二淨, 好想沖落去摸下d 雪。

仲有雪車 . . . 快D 坐上去影返張相先得

仲有少不了, 就係一家人的合照啦

山上面還有這個擺設, 真的真的好靚哦, 如果有男朋友的話, 同佢係呢度一齊影返張相, 實好浪漫的。

好靚好靚的風景, 真是唔捨得起呀!!!

雖然唔夠時間滑雪, 只好拿夠雪玩下啦 . . .

由於 Cable car 4:30就會關, 所以我們要襯住佢關前, 坐返 cable car 落去, 否則就真是要自己滑返落山。我見d 人滑落去, 個條斜路都幾斜, 所以如果真是叫我自己滑落去, 我真是唔夠膽。

臨走前, 我對自己講 , 因為有得睇, 無得玩的時候, 見到四周的人都好型, 在這裡更俾我見到一d 靚仔和型人, 我真是好鍾意呢度, 我唔捨得走呀!!!

之後返到酒店, Jerry 俾左個半小時給我們整頓下d 行李同埋休息, 而我和媽媽就係酒店附近周圍影下相。

影完相, 我們就上篇沖涼, 同埋訓下覺先, 因為真的很累, 坐零晨機, 落機又要坐左 4 個多小時, 才入到黎這裡, total 26個多小時没有訓過覺, 仲要病緊, 真是超辛苦。

6:30 p.m. 我們就坐車去食飯, 今晚食飯個度, 其實係今日下午遊樂場個度黎, 其實呢度係一個渡假村黎, 東面有賭場 + 遊樂場, 而我們住的酒店 + 滑雪場就係西面。但意想不到的就是, 今晚個餐飯, 佢竟然帶我們去 food court 食吉烈豬排飯。其實坐車去食飯的途中, 我 feel 都自己個身好興, 同埋個人覺得暈暈地, 我知我又開始發緊高燒了, 於是食完飯, 我就立即食退燒藥。

食晚個吉烈豬排飯, 我覺得塊豬排好難食, 可能我病緊, 又要食炸嘢, 所以覺得唔好食。

食完飯, 我們就去睹場入面附送的一個節目 - 俄羅斯舞蹈表演, 這個節目真的讓我有點傻眼, 一開始就有班著三點式的鬼妹係到跳舞, 心想佢地唔凍的咩？之後就輪到一班中國玩雜技的小朋友表演, 接著又輪到一個魔術師將佢的助手困在一個木箱入面, 表演分割術, 呢三班人, 係咁輪住表演, 表演左好幾個項目, 由於我食左藥, 好眼訓, 所以睇睇下都訓著左, 因為我覺得呢個表演真的有些不知所謂, 哈哈 . . . .而且d 坐位又好舒服, 所以就訓著了。

終於完場啦 ~ yeah ~ 我可以返酒店再訓過啦 . . .

由於我晚上 10:45 p.m. 要食多一次藥, 所以 10點我就沖了一個杯面食, 個杯面好好味呀!!!我覺得去到韓國一定要食韓國的杯面, 因為韓國的杯面真是好好味嫁 . . . 

P.S.

Jerry 一落機, 就問我地班團友點解選呢段時間黎韓國？因為紅葉又無得睇, 雪又未有, 咁黎韓國想睇咩呢？好彩 jerry 話今年韓國早左凍, 所以江原道個邊己經有雪, 而且佢前個排己經去左滑雪。佢建議我們去滑雪, 因為一黎宜家去滑雪平, 而且無咁多人。

佢解釋點解 12月去滑雪, 香港 d 團費會貴咁的多？原因係因為住個d 渡假村問題, 因為韓國人會買個d 渡假村的 apartment, 如果平時佢地會租俾d 旅行團, 但當佢地放假, 佢地就唔會租俾人, 留返自己住, 所以旅行團好難係 12月 book 到渡假村, 所以我地 12月報滑雪團咁貴, 就係呢個原因。

jerry 叫我們襯住我地宜家黎個時個團費咁平, 就可以滑到雪, 佢問我地有無人要去滑雪, 但是成團人都無反應。佢仲話佢可以教我們滑雪, 我真是好想去滑雪, 但無理由得我自己一個滑, 自己一個滑都唔係問題, main point 係大部份人唔去, 佢都唔會俾我一個人自己去滑雪。

今日感冒嚴重左, D感冒好似發晒出黎咁, 勁流鼻水, 又頭亦, 好辛苦呀!!!點解臨去旅行前先黎病, 仲有兩日就到我去旅行的大日子, 我要快點好起來呀!!!我唔要病呀!!!前幾天, 旅行社開茶會, 細佬有去到, 佢話旅行社的職員話韓國郊區只得零下 3-4 度, 吓 . . . 咁大鑊, 有D 擔心添, 我只得一件羽絨背心渣, 點算好?!

今朝早, 爸爸媽媽和我開始執行李, 俾阿爸笑死, 佢放左 3條褲 + 1條睡褲 + 2件大褸 + 幾件衫落喼到, 我同媽媽話佢不用帶咁多褲去嫁, 帶兩條替換的褲己經好足夠, 一個喼都俾佢執滿晒, 佢話個邊凍, 驚唔夠衫褲, 帶多好過帶少, 我同媽媽笑佢好似搬屋咁，而我的行李都執得七七八八啦 . . . 好奇待我今次的旅行, 為一令我有少少失望的就係坐唔到韓國機, 唔知點解呢幾次去旅行, 都係坐國泰機, 只好安慰自己坐國泰機有電影睇, 而韓國機就只得聽音樂同埋電台 (没有電影睇)。

下午就睇 CANNON 本說明書, 發現原來有D FUCTION 都幾好, 佢可以一次拍 26張相, 而部相機可以將這 26 張相連埋一張過, 即是如果想影一個好長好長的景的時候, 呢個 FUCTION 就用得著。當睇左D FUCTION 的時候, 想拿部機出黎實習下, 點知揾唔到, 平時用完都會放係某一個櫃桶, 唔知係唔係細佬唔想俾我用, 所以收埋左, 揾唔到, 於是只好去訓晏覺吧!!!

晚上等細佬放左工, 就問佢部 DC 機放左係邊？點知佢話放左係防潮箱, 頂 ~ 咁即是唔想俾我平時拿黎用啦 . . . 因為防潮箱係要鎖匙才開到, 而個條鎖匙只得佢有, 心諗 DC 駛鬼放落防潮箱, 真是多鬼魚 ~ 俾佢激c, 睇黎我遲D都要買返部 DC, 自己擁有一部 DC, 用起黎的感覺都唔同 D, 真是要努力 D 儲錢先得 ~

就黎去韓國, 我的心情真是好興奮, 識得我的朋友, 都知我對韓文好有興趣, 之前教過大家一些韓文, 再加上之前睇碟學的, 好想係到再同大家分享下：

以下的讀音都係廣東拼音來的：
早晨 = un梁 ha 瀉yo
再見 = un 梁 hehe 茄瀉 yo
謝謝 = 拱 ba哇
對不起 = bi 亞呢
没關係 = 拱差拿
你好嗎？ = 顏娘哈些 yo
請問 = yu 波瀉 yu
幾多錢 = 蛾 ma 耶 yo
好貴 = pizza yo
平d = 沙茄 yo x 2 (請嗲d 讀出, 店主減價的機會都會太 d, haha)
靚女 = 阿街市衣波 yo
靚仔 = 摸切所 yo
知道了 = 亞 (才逹)所 yo
點解 = where yo
炒辣年榚 = 得波 gi

朋友們 ~ 我要去旅行囉!!!

今日早上回到公司同 Connie 講我要請假去旅行的事, 佢話 ok 無問題!!!佢叫我等太子爺心情好, 才好遞假紙俾佢, 咁樣成功請到假的機會亦大左。

見到 raymond 返到公司, 等左一陣之後才遞假紙, yeah ~ 批左!!!我可以去旅行了!!!raymond 問我: 你可以去看雪景!!! (心諗邊有咁快落雪) , 於是我只好回答: 我去看紅葉呀!!!

之後將假紙交左俾 peggy, 佢都登我開心, 可以去旅行了 ~

hehe ~ 單眼皮的男生, i'm coming ~ waiting for me . . .  haha

下午, peggy 問我: 你估今年有無得食聖誕 buffet 呀？

我話: 應該無啦 . . .

於是差不多 5p.m. 幾的時候, 收到 peggy 的 email 問全公司的員工想去哪兒食 buffet？叫我們俾 suggestion, 之後再 search d 價錢同埋安排訂位 . . . yeah ~ 估唔到今年有聖誕buffet 食。我就提議左紅磡都薈海逸食 buffet, 而 baby 就提議去紅磡都薈海逸 or 九龍酒店。

今日所發生的事都係好事, 所以心情特別愉快哦 . . . 希望每一天都好似今天這樣吧!!!

我和 Sherman 今日遭受同一命運, 遭人甩底, 所以我們就一齊去行街街去shopping。唔知點解, 今日好屈悶, 好想出下街, 行下咁, 好彩最後到揾到佢陪我。

我們首先去 <大家樂>嘆返個下午茶先, 之後就去花園街逛, 而 sherman 係花園街買了很多件衣服, 真是大豐收, 而我都唔差, hehe ~ 買了一件我的至愛 - 格仔紅色恤衫。

行完花園街, 就去左行旺中同埋新之城, sherman 又買到衣服, 但我今日覺得佢買的衫好似為迎接新年旅行去添衫咁, haha ~ 而我好忍到手, 無買到任何嘢。

之後 sherman 行到好累, 於是我們決定去食飯先, 我們去了<香港仔魚蛋粉> 個度食。食完又繼續我們的 shopping, 見到 ebase 做緊半價, 於是入去睇睇, 我見到有件長袖 t-shirt 很特別, 件 t-shirt 印有 bo 呔, 開頭以為佢件 t-shirt 出面另外配多件背心, 哈哈. . .點知原來件背心係連住件 t-shirt, 所以決定試下。最後都買了件 t-shirt, 因為覺得佢件衫幾特別, haha ~ 我發覺我自己好鍾意 printing 的衫, 繼大相機 + 頸巾的 t-shirt 後, 又一件特別的 t-shirt。sherman 也買了一件恤衫。

下一站就係兆萬, 我只是買了一對耳環, 接著就行埋潮特。我們一上到去, 見到海獅龜龜兔兔個間店做緊全店 50元, 所以行完成個潮特最後先返來看。我們都買了一條頸錬, 我亦買了一隻介子, 今日真是買了很多東西。

最後返去海獅個間店, 見到兔兔 & 龜龜長攬怎都是 50元, 真是好抵 ~ 我真是好想買 d 嘢, 最後都買了兔兔長攬怎一個, 好 kawaii 呢!!!

hi . . . 大家好, 我係變身後的士多啤梨兔兔, 請大家多多指教!!!

今日angel 終於返公司上班, 她還帶了很多歐洲手信給我們, 她送了一個係英國買的袋俾我, 真是好有英國代表性, 我亦都好鐘意呀!!!真是好多謝佢呀！而每一個同事的手信都不一樣哦, baby 收到一條 belt, 而 peggy 就收到鎖匙扣 + 迷你酒杯, 小英就收到枝筆 . . . 除此之外還有好多朱古力的手信哦 . . .

lunch 個時, 我們一班同事一齊叫了外賣在show room 食, 聽返 iris 講返佢和太子爺出 trip 去歐洲的嘢, 聽到我們到傻了眼 =_=lll, 原來跟太子爺出trip 係一件苦差黎的。

之後食完飯, 太子爺將他們出trip影的相, 銷左落隻碟俾返一齊出trip 的同事, 而且隻碟制作精美, 每一隻 cd 面都印有哪位同事的獨照, G.M 隻碟的 cover 係 <尋找他鄉的故事>, iris 隻碟的 cover 係 <同歌星出碟的 cd cover 一樣>, 而 lion 隻碟的 cover 好普通, G.M. 隻碟仲俾我地笑 <佢揾到佢條根未呢？> wahaha . . .

於是我地一班同事都好想睇佢地出trip 的相, 於是就係我個位一路睇, 一齊笑, 哈哈. . . 佢地真是影左好多張相, 張張相都好靚, 果然用大機影的相係唔同d 嫁 . . .

放工後, 約了 Zoie, Sherman 和蕭欣去旺角女人街的 <龜井鐵板燒>食 lunch, 我點了一個雞肉定食, 這間餐廳的食物很不錯。

大約 4p.m. 阿大 join 埋我地後, 就出發去迪迪尼囉 ~

終於黎到欣澳站啦 ~ 準備向迪迪尼出發, go~go~go . . . .

係欣澳站影下相, 玩下 . . . 臨上迪迪尼列車時, oh ~ 發現我們未買水, 如果去到迪迪尼門口, 好似無水買。所以我們只好搭返 mtr 去返東涌的 mtr station 買返枝水。買完水, 今次真是向迪迪尼出發啦 ~ 係等待迪迪尼列車個時, 蕭欣話見到我個 fd (Kora), 望清楚真是佢耶, 於是過去跟她打聲招呼, 原來她也是今天去迪迪尼。

係門口又撞到 kora, 難得咁有緣, 跟係要影返張相啦 ~

迪迪尼d 門票 ~

我, zoie, sherman, 蕭欣 和 toffee 没有約定著同一隻顏色的衫黎迪迪尼, haha ~ 點知今日一出黎, 先知原來我地不約而同著晒白色衫出黎, 實在太啱啦 ~ 好彩我們都有著白色衫黎迪迪尼, 才有以下這個效果 (夜光) ~ 超正 ~ i like it ~

入到迪迪尼, 我們首先進攻其中一間鬼屋 <森魔詭域>, 這間鬼屋, 我們大約排了半小時以上。打頭陣的係 蕭欣 + toffee, 中間的係 阿大 + zoie, 最後就係 我 + sherman。由於我和 sherman 行最尾, 所有鬼都己經係蕭欣和 zoie 個時彈出, 所以我和 sherman個位係完全無驚喜 + 一d 都唔驚。but 我地係後面睇佢地個驚樣, 就好攪笑

玩完鬼屋, 我們就跑去明日世界個邊睇花車巡遊囉, 好彩都趕得切

好多disneyland的卡通人物, 高飛, 大鼻, 鋼牙 ~

好大頭的 mickey mouse ~

黎迪迪尼之前, 我們講好一定要入小小世界玩, 但最後我們没有入去玩, 只有係門口影相, 但晚上的小小世界都很漂亮哦 ~

之後我們打算出返大街小鎮揾D 特色卡通人物影相, 點知都没有, 所以只好入去D精品店逛和影相

我地俾三眼仔吸住個頭, 好努力整走佢呀!!!haha . . .我同阿大咩都玩一餐

係精品店玩完一輪, 晚上 9 點我們就去睇煙花, mickey 問我地有無興趣係煙花底下影相 (即是我地都入埋鏡, 而不是只拍煙花)?由於之前係城堡前面睇過煙花, 所以我們決定同煙花一齊影相。於是 mickey 帶左我們去旋轉木馬附近影相。

後面D煙花好澎湃, 爆 ~ 爆 ~ 爆 !!!!

呢個煙花好似天上的星星咁, 包圍著我們, 好靚哦

你地睇下d 煙花係我們頭頂出現呀!!!好似去左維園睇煙花咁 ~

睇完煙花, 我們就去食晚飯。去餐廳途中, 撞到以前 KTVTC 的同學 (梁惠珍和葉晶莉), 實在太啱啦 ~

由於又有另一場花車巡遊, 所以蕭欣, zoie, toffee 和 mickey 係明日世界個邊擺位, 而我, sherman 和阿大就去 <火箭餐廳>幫大家買漢堡包。買完飽之後, 我們就返去明日世界個邊會合她們。襯花車巡遊未開始, 我們快d 開餐啦 ~

睇完花車巡遊, 我們打算去玩巴斯光年的射槍 game, 點知太多人, 所以我們只好拿另一部即影即有的相機出黎玩。

我要同巴斯光年影相 ~

total 影左咁多張即影即有的合照, 張張都好靚哦 ~

晚上 10點幾, 我們玩埋另一間鬼屋, 這間鬼屋的主題係酒店, 我們排了很久, 才輪到我們。今次我和 sherman 打頭陣, 中間亦都是 zoie 和 阿大, 而最尾就係蕭欣 + mickey + toffee。這間鬼屋, d 職員係分批放 d 人入去玩, 臨入去前, 我們前面的兩個女仔話驚行頭, 所以想同我地調。我們當然很樂意啦 ~ 跟住我和 sherman 就率領大家入這間鬼屋。由於d 鬼趕住收工, 所以一d 驚嚇度都無, 好快就玩完囉 ~

迪迪尼入面己經播了很多次叫d 客人盡快離開樂園, 但是d 人都唔理, 我們幾個依然係樂園入面係咁影相, 我地越影越 high, 玩到唔捨得走添 ~

最後黎返張跳跳照先, hehe ~ 連張相都玩嘢, 我地變左透明人。yeah . . . 今次試跳成功。

最後玩到差 d 趕唔切搭最後一班尾班車添 ~ 唔好玩啦 . . . 快d 走啦, 如果唔係真是無車返屋企囉  ~

P.S. 今日真是辛苦晒我地的攝影師蕭欣和 ZOIE, 好多謝佢地幫我地影左好多好靚的靚相。蕭欣為左幫我地影靚相, 佢都好少出鏡, 害我們都不好意思, 真是辛苦晒啦 . . . 

勞苦功高的攝影師 (左手面: 蕭欣, 右手面: ZOIE)

英文堂己經差不多接近尾聲了, 而最後個幾堂英文課, Miss 主要以 oral 為主, 而我和 Sherman 没有報考 oral, 所以打算不上之後的 oral 課。

Miss 知道我和 Sherman 不來之後的 oral 課, 所以 Miss 就趕緊進度, 講埋 d gammer 和 對卷。我和 Zoie份英文 paper, 都是拿相同分數, Miss 話我地姐妹同病相憐與及同一命運。唉 . . . 差 3 分我地就可以拿到 A 嫁啦 . . . 希望考公開試個時, 份 paper 易 d 啦 . . .

hehe ~ 今日 Sherman 帶左部相機返學校, 諗住落堂同 miss 影返張相。我見 miss 差唔多離開班房, 就捉住 miss 影埋相先走。

最後, 清潔阿姐黎班房清潔, 我們叫了她幫我們影大合照, but 由於 jess 好早就走左, 所以張大合照還欠她啦 . . .

飛輪海的演唱會, 之前恆生信用咭有得在網上優先訂飛, 原本打算和 Zoie & Sherman 一齊去睇演唱會。點知網上訂飛, 係由電腦派位, 而我們三個人驚要分開坐, 經過一輪考慮後, 由 180元轉到睇 200-300元飛, 但最後又話唔睇。

在演唱會前幾天, 家慧通知我, 佢拿到飛輪海演唱會d 飛, 佢找不到人陪她看, 所以問我要不要跟她一起去, yeah . . . 超開心的, 由打算同d fd 一齊買飛睇 到 決定唔睇他們的演唱會 到 現在又有飛去睇, 個刻的心情實在太難形容啦 . . . . 真是好開心, 我終於可以睇到佢個演唱會, 亦好多謝家慧俾左張飛我, 令我無錯過他們的演唱會, 他們的演唱會真的很棒很好看呀！仲有看見他們真的有進步耶 . . .

今次係我第一次去亞洲國際博覽館看演唱會, 我覺得這個場d座位好似想做到紅館d 座位一樣, 但是我同家慧覺得個場唔係好掂, d 椅會搖搖下, 唔得實正, 而d 行人道太窄, d 音響太大聲, 振到我坐個d 位都振, 總之個場唔好, hehe ~ 但這一切都不影響飛飛個演唱會

Let's our concert . . .

很喜歡他們的飛機做型 . . .

Calvin 的金毛造型好可愛, 卡娃依呢 ~ 他表演的 beat-box 真的超勁, 很厲害耶 ~ 看完他的個人 solo 部份, 簡直令我另眼相看 ~ 加油哦 - Calvin ~

開頭大營幕綠色 blackground 影住一個男仔在彈琴 (即是影子表演, 只見到個影, 而看不到真人個樣個d)。接著另一個藍色 blackground 影住另一個男仔在打鼓, 接著就係紅色 blackground 影住一個男仔在彈吉他, 我己經猜想到是他們, 我和家慧在猜阿布應該彈琴, 而大東應該彈吉他, 咁打鼓的哪個人到底是誰呢？開頭家慧估 Calvin 係打鼓, 咁尊尊表演 d 咩呢？

最後

最後 . . .

最後 . . . . . .

家慧猜錯了 . . . . . .

答案是:
阿布彈琴, 大東彈吉他, 阿尊打鼓, Calvin 再表演 beat-box, 他們合奏一曲, 表演超精采的 . . .

他們的合奏完畢後, 大東用吉他彈出 <超喜歡你>這首歌, 當時個場俾佢攪到勁 rock, 好想跳起來一齊唱呢首歌, 但阻於行人道上太窄, 不過宜做這個動作, 所以只好乖乖坐在座位上, 跟著唱和揮著營光棒吧!!!but 全場的氣氛被大東帶到超 high 的

唱完歌後, 他們就留低阿布 solo, 阿布彈彈下琴, 就邀請他的師妹劉力楊合唱 Ti amo, 唔知係唔係因為得返阿布一個人, 没有其他三個成員, 所以佢唱到有d 失準, 我想可能佢有d 緊張啦 . . . 他們唱完這首歌, 就由劉力楊一個人表演, 她唱了幾首歌後, 又到返飛飛出場啦 . . .

接著他們就出黎唱d 懷舊歌, 他們唱了些英文歌 (updown girl, . . . ) & 廣東話歌 (張學友的 <暗戀你>), 他們唱英文歌唱得很好。當他們唱廣東話歌, 我覺得他們唱得幾準, haha ~ 到最後聽到阿布唱到呢句 (人心內 . . . <佢就唱左人參內 . . . >), 跟住我同家慧一齊係到笑, but 覺得佢地唱廣東話歌己經唱得好好啦 . . . 加油哦!!!

我覺得他們這次演唱會真的能夠帶動氣氛, 完全没有悶場位。他們還在現場賣廣告的, 他們播了前天幫迪迪尼拍的黑色世界的廣告給我們看, 他們在廣告中是講廣東話的。

接著大東講最近香港多了一個 <炒飯>, 想到佢想講佢拍的哪套蛋炒飯。佢話佢整親隻腳, 加上又要拍劇, 好彩有我們的支持, 他才可以繼續這個演唱會, 還不忙宣傳他的蛋炒飯劇集。

阿尊即刻話佢都整親隻腳, 因為前個排拍舞俠梁祝個時整親, 要我們記得去看他的電影。

阿布又話佢整親隻腳, 跟住大東就幫佢講埋, 叫大家要留意阿布拍的霹靂 MVP。

到阿尊個人 solo 部份, 他表演耍劍。接著他們就一齊唱了 <雙截桿>, <不死傳說>等

之後到 Encore 的環節, 只得 Calvin 一個人出黎, 他表演 <捽碟>, 接著又跳起勁舞來, 他的個人表演, 看得出他真的下了很大苦功, 因為表演 beat-box 真的很難, 而且還表演得超精采。他們初出道時, 大東, 阿尊和阿布都話 Calvin 跳舞呢 part 好差, 他跳到完全似一個機械人在跳舞一樣, 但他今晚的表演真的進步不少, 他表演跳舞個 part, 我己經唔覺得佢跳得似機械人一樣, 他的進步了很多, Calvin ~ 你要加油哦 . . .

Calvin 表演完, 其他三人也換好衫出來, 很喜歡他們哪 part 的衣服, 完全俾我一種很 young 和 很有活力的感覺。他們哪張相的 post 好好笑

我很喜歡大東這件外套, 最後還俾家慧取笑, 演唱會後, 要不要快d 去買返一件, 哈

阿尊抬到隻腳好高哦 . . .

阿尊送飛吻, 接實啦 . . .

收到未呀？

四個人一齊送飛吻啦 . . . 接實未呀!!! . . . 陶醉和冧死當中 . . . 

大東手上多左隻 stitch 呀!!!

超羡慕 d dancer 可以同飛飛跳舞呀!!!

落幕啦 . . . 好唔捨得你們哦!!!點解咁快完嫁 . . . .

最後有個 fans 送了好大隻的 stitch 俾大東, 唔知大東係唔係鍾意 stitch 呢？咁多人送 stitch 俾佢的

臨 ending 個時, 他們唱了 she 的 <美麗新世界> 和 <新窩> 作落幕, 我和家慧都覺得他們配錯歌, 因為可能我和家慧都不太鍾意 <新窩>呢一首歌吧!!!因為他們將這一首歌放在最後一首歌中, 我覺得如果佢將 <超喜歡你> 放在最後一首歌到, 個效果仲更加好!!!

演唱會後的感想:
很開心没有錯過他們的演唱會, 他們的演唱會很棒, 很好看, 最重要最重要就係要多謝家慧俾張飛我, 否則我都不能欣賞到一場咁好看的演唱會。

我在現場看到阿布, 覺得阿布隻手都幾大隻, 因為之前睇佢地上台灣節目, 覺得阿布好瘦, 所以現場看到佢, 完全不一樣耶。

Calvin 今晚個人 solo 的部份超精采, 我很鍾意 beat-box 個一 part, 你要加油哦

大東今晚用半鹹半淡的廣東話講嘢, 很攪笑, 而且當佢唱完歌後, 我們尖叫, 他就會講一句好攪笑的說話 <唔駛客氣 . . .>, haha, 超攪笑的 ~

如果四個人站在台上, 而我們又坐得遠, 所以攪不清楚哪個是哪個, but 阿尊係最易認, 只要揾到手上的紋身, 就知道邊個係佢, haha . . .

我同家慧都覺得他們唱現場係好好聽, hehe ~ 家慧還話他們唱現場好聽過佢地d cd


P.S. 我同家慧都一致話 <如果飛飛再黎香港開演唱會, 我們一定要再去看哦 >

 之前和 Zoie 在msn 傾開, 我們都有興趣攪返一個 ESA 班的聚會, 於是我們兩個找回以前的紀念冊, 續個續個的打給每一個同學, 加上 Face book 的關係, 我們找到 total 13 個同學參加這次聚會, 並且邀請到班主任陳太和教 Account 的 Betty Lee 來參加我們的聚會。

下一步就要 book 餐廳, 由於 total 13 個學生 + 2 個 miss, 太多人的關係, 而我們又想一張枱坐晒咁多人, 所以最後 book 了晚上 7:30 在酒樓食晚飯。

約了一班同學 7:15 p.m. 在觀塘地鐵站等, 由於有部份人未黎到, 而差不多到 7:30, 我們就分批上酒樓。

今晚的聚會, 最令我意想不到的是劉班長竟然生了 2 個 baby, 大仔 4歲, 而細仔就 8 個月大, hehe ~ 大仔仲幾靚仔添 . . . 劉班長生完 baby, 仲要瘦過之前讀書時, 真是羡慕死人啦 . . .

這個就是劉班長了, 她亦都是我的中學同學哦 . . .

 右邊是我的班主任陳太, 她比以前瘦了很多, 不知道是不是辛苦的原故呢？
左邊是我的 Account miss Betty Lee, 她和以前一樣, 没有什麼太大的轉變 . . .

哈哈. . . 前面個排好正經影相, 而後面個排無黎正經 . . .

另一張 funny 的相, 我蠻喜歡的, 我們每一個人都要望上頭頂上面的鏡

之後就拍出以下的照片, haha  . . . 我個頭抬得高得濟添, 哈 成個白痴仔咁

我們影左一大輪相後, Miss 提議去apm 滿記食糖水, 但走個時, 没有人提起這件事, 所以大家就各自回家了。

估唔到原來温同學同我住係同一條村, 但我由返學到現在, 都没有在屋企附近撞見佢。