好多謝一班姨媽幫我地安排馬來西亞一天遊
原來新加坡去馬來西亞, 跟香港返大陸有 d 不同
新加坡唔會好似香港咁, 有美食之旅, 大航假期 . . . 呢d 旅行社
新加坡跟團去馬來西亞, 一係 join 屋村舉辦的馬來西亞團 or 自己組十人就可以成團了
今次姨媽揾左5位親戚 + 我們一家五口, 組成十人團
司機早上 6:30a.m. 到 Marina bay sands 接我們
我地係大堂等到 7點, 司機都仲未黎, 玉鳯姨媽就打電話俾佢
原來個司機去了酒店第二個門口等我地 . . . 攪左一個污弄
我地今日就係坐這架旅遊巴去馬來西亞了
這架旅遊巴很豪華, 也坐得很舒服, 而司機是馬來西亞人, 佢今日會車足我地全程
姨媽話因為馬六甲很近新加坡, 所以我地今日就馬六甲一天遊
新加坡過馬來西亞好似香港過深圳咁, 要過兩邊的海關檢查
司機唔建議我地跟車一齊過關, 因為海關會 check 得好嚴, 而且還會花很長時間
最後我地落車過關, 今日人很少, 可能因為太早的關係, 所以人唔多
好快過完關, 玉鳯姨媽叫司機揾個地方俾我地食早餐
因為呢個團唔包早餐
最後司機停係新山的皇后坊 food court 俾我地食早餐
我地食完早餐, 司機就車我地去第一個景點 - 購買手信的商店
我地買完手信後, 就坐 3 小時的車程入馬六甲
第二個景點 - 古廟
之後司機就停左係 Jonker 街俾我地落車
街道兩旁都有一些特色商店售賣一些紀念品
我覺得 d 娘惹鞋好靚, 不過一對得貴
下面的就是娘惹裝, 很有民族色彩
細佬竟然係呢條街買左幾件 t-shirt, 因為有d 舖頭買的衫都唔平
我亦都買了一件衫 + 一條褲
之後姨媽仲帶我地去食娘惹糖水, 佢話呢間糖水好出名, 一定要試的
這個是娘惹的燒賣
紅屋 Stadthuys
係紅屋行到 4:30p.m., 我地就要起程回新加坡了
很不捨得離開這個地方, 這個地方真的很美
我地坐左兩個鐘的車程去食晚飯的餐廳
食完晚飯, 又坐左一個鐘頭的車程到馬來西亞關口
原來馬來西亞過返新加坡要填返一份 form (即是係飛機上拿嗰份 form, 好彩個到有得供應給我們啫)
過完關, 回到酒店己經 11點幾, 一班姨媽舅父舅母上黎我地間房再開會
我地傾到 12點幾, 佢就就各自回去
原本我沖完涼好想訓覺, 因為真的很累, 今朝早成 5點幾起身, 有點受不了
點知細佬和媽媽諗住行過去魚尾獅影相
好掙扎 . . . 到底好唔好跟佢地去呢???
最後 . . .
我都係跟了佢地去影相 . . . 因為真的很愛影相
這個是没有用腳架下, 女朋友一號拍出的夜景, 實在大愛了 . . .
文章標籤
全站熱搜
留言列表