close
今日係表哥的大喜日子, 恭喜你們呀!!!
唔識化妝的我, 為左今次飲, 去學化妝 . . .
7:40a.m. 起身洗頭化妝, 點知 . . . 最後唔夠時間化妝, 所以只化了最基本搽粉底 cream + 捷毛液
玉鳴姨媽, 大舅父和細舅父都開車來酒店接我地去表哥家
表哥家很大 . . . 有三房 + 兩個洗手間 + 一個長型廚房
(左上角 - 主人房 + 主帽間 + 洗手間, 右上角 - 吉房
左下角 - 書房, 右下角 - 長型廚房)
我地去到表哥家, 好似參觀示範單位咁 . . . 佢間屋真係好正架 ~
開頭我以為係居樓, 點知原來係公屋黎架 . . .
點解星加坡政府咁好的, 佢地起個d 公屋俾居民住, 間屋可以咁大, 而且屋租也很便宜 . . . 開始羡慕新加坡居民 . . .
開始越黎越多親戚黎到 . . . 我地襯新人未黎到, 就影左一張大合照 . . .
有些親戚己經移民了加拿大, 所以没有黎到 . . .
隔左一陣, 大家都以為一對新人黎到啦 . . .
所以大家都呢埋係吉房 . . . 當時在想是不是星加坡的儀式係要咁呢???事後回到香港才得知, 原來香港也有這個習俗
20個人迫埋一間吉房, 真係勁熱閙 . . .
玉鳴姨媽話要拍底呢個環境 (haha . . . 玉鳴姨媽跟我一樣都很喜歡拍照的)
新人黎到後, 我地就可以出返呢間房 . . .
之後開始拜神儀式, 針茶俾長輩 . . . haha ~ 估唔到我地一班後輩都要針茶俾表哥表嫂飲的
儀式完結後, 我地就係走廊享用午餐
hehe ~ 走廊好似變左一個小型 buffet 咁 . . . 開頭以為係玉蘭姨媽的兩個工人整的, 後來得知原來係叫了新加坡麗晶酒店的到會
食完午餐, 我地一家人 + 香港舅父一家三口搭 MRT 到鳥節路逛
黎之前我己經上網 search 過一些資料
今次我和表妹的目標係 313 @ Somerest FOREVER 21, 表妹聽到我安排去 FOREVER 21 shopping, 佢勁興奮 . . .
我地由表哥家坐 mrt 到烏節路 somerest station 足足坐了一個多小時
出站後, 見到一間麵飽工房, 細佬見d 麵包咁靚, 所以佢要買黎食
這個麵飽較香港便宜, 為 HKD6 過幾
我同表妹即時去了 FOREVER 21 shopping, 我同表妹都覺得一班屋企人等緊我地兩個買嘢, 攪到睇得好唔自在
表妹好爽快買了一對豹紋鞋 (我都覺得好靚, 不過我覺得好難襯, 所以無買) + 一個頭 cool + 一條手鏈 + 兩件衫 + 一條 lugging
我就買了一條連身褲 + 兩隻介子 + 一條項鏈 + 一條手鏈
haha ~ 表弟也買了一條項鏈俾佢女朋友
我地買完嘢, 就四周圍逛, 之後爸爸佢話要逛第二個商場, 媽媽細佬就跟爸爸行左去逛第二個商場
我和表妹表弟再走返入 FOREVER 21 逛, 因為呢間 FOREVER 21 有四層咁多, 我地要再慢慢逛下
逛到 3:45p.m. 我地三個人就左落最底層買嘢飲, 還被我見到 yahoo blog 友介紹過的老曾記魚蛋
我地就買黎試下 . . . 點知係好難食, 粒魚蛋係凍的, 而且仲要好硬 . . .
之後我地買完飲品, 就去返集合地點等埋其他人
我地一家人諗住回酒店沖涼 + 換靚衫去飲表哥個餐, 而舅父表妹表弟諗住去 china town 逛 . . . 最後舅父改變了決定, 跟我地回酒店
我地坐到 marina bay 站, 行返酒店, 係途中見到有車仔檔的雪榚磚就買黎食
雪榚味道有 10幾款, 多到好難選擇 . . .
最後我和細佬選了香芋味的雪榚磚
回到房間, 我隻腳己經甩左碌, 因為今日著左高跟鞋很左好多路, 痛死我了 . . .
我和表妹都無沖涼, 因為怕溶妝 . . . 我等媽媽沖完涼出黎, 諗住再補一補妝 & 化全妝去飲
點知又係唔夠時間, 化唔到全妝, 就出發去飲表哥個餐
今晚飲表哥個餐著個條裙, 我覺得呢條裙好靚, 好適合去飲著 ~
由於一班姨媽都好忙, 所以舅父一家跟玉鳴姨媽車到麗晶酒店, 而我地一家就坐的士過麗晶酒店
等的士的時候, 見到大堂的聖誕樹開了燈, 很美, 所以影返張相先
估唔到我地俾玉鳴姨媽佢地遲出發, 點知俾佢地更早到酒店, haha ~ 即是証明呢個司機無兜路哦 . . .
由我地酒店坐去麗晶酒店, 大約 HKD120 . . .
入到酒店, 好似人地D 雞尾酒會咁, 勁多人企左係大廳, 還有 waiter 會遞上飲品
之後玉鳴姨媽亦都黎到, 我地係大廳等左一陣, 就入得中菜廳了
個場好大, 我諗都有 50幾席
今晚我地一家人 + 舅父表妹表弟坐 12號枱, 勁近個台, 我諗住玉蘭姨媽的特別安排吧!!!
haha . . . 原本以為今晚會見到兩個靚仔表哥
以前小學去新加坡時, 覺得這兩個表哥很帥, 但最後都没有見到佢地兩個 (事後得知一個表哥去了美國讀書, 另一個就係加拿大)
文希表弟當緊兵, 原本黎唔到, 但是佢最後請了病假黎飲
文希表弟宜家仲要高過我和細佬了 . . .
之後玉鳴姨媽叫了部份的表兄弟姐妹黎影合照
最意想不到的係 . . . 這碟頭盤
意想不到佢的出場方式有點特別 . . .
成個場中間有條佈置很美的路係for 新人入場的 . . .
當時睇完新人結婚相的幻燈片後, 入場黑晒, 播歌 + 藍色的鐳射燈
我同表妹起初都以為係一對新人會步入會場
點知當門一大開, 係一個個 waiter 捧著這碟頭盤行入會場
我同表妹當場笑翻天, 估唔到這碟頭盤都咁大費周張進場
可能香港頭盤會上乳豬, 所以覺得新加坡第一道上的頭盤很特別, 有春卷 + 海蜇 + 鴨舌 + 炸燒 + 大蟹沙律
之後上的菜和香港都有 d 分別
新加坡的擺酒不似香港, 新人和上台講一講感受和玩遊戲等
大部分時間係到播歌, 不過都有一 part 係新人對彼此的承諾
講漏左一點 . . . 這一點要提的, 新加坡的敬酒, 係一對新人的親人 + 新人 + 一班兄弟姐妹都一齊拿著酒杯上台
而台下的觀眾要一齊站立, 敬台上的新人
仲有佢地一個習俗就係佢地一班人要係台上大叫乾, 而且仲要斗大聲 + 斗耐, 寓意代表我地祝福佢地白頭到老
我同表妹都覺得新加坡結婚的新人擺酒舒服過香港, 因為一對新人起碼有時間食嘢, 但香港的係一對新人成晚都無咩點食嘢落肚
起初以為唔會有親朋好友和新人影合照的時間, 原來佢地的影合照時間都有些不同
佢地上完台敬酒後, 會落台向每一枱的親朋好友敬酒, 接著順道同這一枱的朋友影合照
咁樣又好似慳返好多時間咁 . . .
不過我始終都係鐘意香港的擺酒方式多d, haha ~
飲完呢餐, 己經差不多12p.m. 了
我地一家人坐的士回酒店休息了
文章標籤
全站熱搜
留言列表
