由於太耐無見過家慧和 chris, 所以約了她們去食飯, 原本打算去尖沙咀打邊爐, 但chris 話太熱氣, 所以我們最後決定去海港城食 pizza hut。
我們由 7點等到 8:15分才有位, 我地 order 左一個小pizza, 兩碟意粉, 扭扭條, 小食拼盤和三杯飲品, 之後我們就開始傾計, 講下大家的近況。
chris 今晚問了我一條問題 <如果你發現你男朋友另結新歡, 你會點？>, 我考慮
左一會, 我想如果我男朋友一腳踏兩船的話, 要首先睇下自己有幾鍾意佢, 如果真是好鐘意佢的話, 就扮唔知, 當無事發生。但家慧的答案令我學到更多嘢
, 家慧的答案 <首先睇下自己幾鐘意佢, 如果好鐘意個男仔, 佢會同呢個男仔分手, 如果自己唔係好鐘意呢個男仔, 佢話扮唔知佢出面又另一件, 直至自己揾到新男朋友先飛起舊男友>, 我唔明白
點解唔係鐘意佢就應該繼續想同佢一齊嗎？佢解釋因為你真是好鐘意呢個男仔的話, 佢變左心, 個心都唔係你到, 只會令自己更加傷心, 竟然攪到自己之後更加傷心, 咁不如早d切斷左呢段關係, 等日後傷心的情度減低, 如果你唔係好鐘意呢個男仔, 咁咪當唔知繼續同佢一齊, 等揾到另一件好d, 先飛左宜家個件。聽落聽落又幾有道理, 我諗呢個係一個自我保護的方法吧!!!將自己受傷害的情度減到最低。chris 問呢條問題, 事必有因, 係到就費時提。愛情真是令人煩惱 ~
食到10點, 我們就買單走人, 之後陪左家慧去冒險樂園玩禮品, 但佢都睇唔啱, 所以就出左去海港城影相。
影左一輪相, 我們就行左去碼頭個邊影相, 行下行下就行左去星光大道, 之後我們影到12點就坐 mtr 返黃大仙
返到黃大仙, 家慧要俾d 嘢佢契細佬, 我就陪左佢一齊去揾佢契細佬, 佢契細佬仲請我地飲嘢, 之後傾左一陣, 我地先行返屋企, 返到屋企己經 1 點, 返到去俾媽媽話左幾句, 就去沖涼訓覺 lu ~
留言列表
