瑞典假期山莊
黎台中旅行, 兩晚都
訓得唔好
今朝 5點幾己經醒左訓唔著, 一起身個頭
仲變埋型添, 拿拿臨洗埋頭 & 刷牙
整齊晒所有嘢後, 就叫mon 起身
原本我地暫定 7:15a.m. 離開酒店, 由於大家訓得唔好, 所以早左起身, 也早了出發
6:50a.m. 我地己經黎到巴士站等車
但幸運之神
還是没有眷顧我地
我地上了 83號公車後, 架車行左 15分鐘以上的車程, 我就開始發現唔對路
因為台中火車站係我地每次轉車的終點站, 在短短的日子裡, 我己經認得附近d 路
我發現
我地坐錯了對面方向的車, 去左一個我地
唔知道度的地方
mon 依然很淡定話我地唔會坐錯車
但是我覺得條路唔多啱, 我就問前面的乘客
原來我地真係坐錯方向的公車, 於是我地拿拿臨落車
過返對面馬路, 坐回 83號公車,
自問認路唔差的我
好彩問一問, 不然我們上清境前會還上好多阻滯
我地成功坐對了公車回台中火車站後, 幸好能在 7:45分前趕到台中車站買票到埔里
我地買了 7:50a.m. 的車票, 由台中車站至埔里
上到車, 成架車都好吉, mon 話咁多位, 我可以坐過對面望下風景
哭 ~ mon 唔想同我坐, 呢個藉口太爛啦 . . . (哈哈 ~
開玩笑啦 . . . )
我就坐去隔離排的窗口位, 帶上耳筒聽音樂訓覺
一小時後, 架巴士己經黎到一些較為落後的鄉下地方
9a.m. 到達埔里站
很懷舊的車站
我地在埔里站買定去清境農場的車票 (NT115)
之後我地兩個就離開埔里站, 出去揾餐廳
食早餐
阿mon 知我想食三商巧福, 於是佢就話去個度
食早餐, mon 你太我心意的
, 多謝你哦 ~
入到餐廳, 一心想食牛肉麵, 回味一下個時在上海食到個碗牛肉麵
點知牛肉麵要 10a.m. 後先供應???唉 . . . 註定我和你無緣了
牛肉麵
其他早餐好似唔太吸引, 我問mon 要唔要食第二間???mon 話照食這間
我點了芹菜牛肉卷, 而mon 點了泡菜牛肉卷
我地兩個覺得芹菜牛肉卷較泡菜牛肉卷為好味
食完早餐, 我地就回埔里站等車去清境
9:35a.m. 己經很多人排隊, 我地細看下, 原來佢地亦都係去清境, 我地也跟著排
點知到了 9:40a.m. 架車仲未黎??? . . .
等到 10a.m., 職員叫這架車去清境, 但是車上己經滿座
, 只有企位
我問職員由埔里至清境的車程耐唔耐???
職員回答若上這架車要站很久, 而且山路崎嶇, 若不介意的話
, 可以上車
我地最後没有上車, 繼續在埔里站等下一架巴士上清境
10:20a.m. 終於有一架吉車由埔里駛至清境, 我地上了呢架車
架車坐滿晒人, 我地就向清境出發啦 . . .
當巴士駛到小瑞士花園, 有些遊客會問司機佢地想去的地方應該係邊站落車
於是我地兩個也順便問下司機, 司機就叫我地在這個站落車
落車後, 民宿主人派了司機過來接我們
司機原本話先車我地上清境農場先
but 我地想回民宿放低行李先, 之後再去清境農場睇綿羊 show
我地今次入住清境的
瑞典假期山莊
點解我地會選擇了這間民宿???因為睇了 yy yahoo blog 的介紹
被哪瑞典式的建築物所吸引, 就讓我們今次好好體驗這瑞典式風情吧 ~ (笑)
我們 11 點到達民宿, 諗住放低行李, 好快就閃出去玩
民宿主人話我地book 個間房可以提早 check in, 上房間先
我地今晚 book 了彩繪 vip 房間, NT3,500一晚, 成 HKD875元一晚, 蠻貴的
去旅行對自己好一點, 一點也不過份, 所以我地兩個人今晚豪一晚, 住 HKD875 一晚的房間
我地間房勁大間
房間大部份傢俬都是同一款顏色和圖案
除了房間外, 還有一個很大的露台
如果每日都可以悠閒地望住呢個靚景,
你話多好呢???
晚上就和朋友在露台聊天, 我相信每一天都會過得很開心
這裡就是清境山頭囉 ~
差不多 12點, 時間唔早, 我地諗住先去 7仔食 lunch, 之後再去清境農場
離開房間後, mon 好奇想上民宿頂樓, 於是我地就走上去睇睇
嘩 ~ 好靚ar . . . 屋頂上面有個休息室
如果一大班朋友一齊黎旅行, 可以在屋頂上面呢個休息室吹水
我地hea 左陣, 影下相, 就離開民宿, 出發去 7仔
民宿附近的環境
也很美
我地由民宿行去 7仔大約 15分鐘路程
而 7仔就係小瑞士花園旁邊
暑假期間, 小瑞士花園做緊風車節, 所以小瑞士花園附近都可以看見風車
紙風車
我們看見除了7仔外, 還有紙箱王餐廳, 而餐廳樓下還有一個以紙為題的精品店
我地被哪間精品店
吸引, 於是我地就走左入去逛
裡面售賣很多紙的紀念品, 有明信片, 紙燈, 筆記簿 . . .
當你入到去入面參觀, 你會很驚訝 ~
點解用紙箱可以做出這麼
多漂亮的東西, 太不可思議了
還有用紙箱製作的郵寄亭
遊客可以在這裡寫下旅行呢一刻的感受, 把明信片再寄回給自己
or
想對朋友講的說話
, 可以寫出來, 再寄給朋友哦 ~
之後我們就走進世界不同的地方, 好似來了一個短途旅行似的
第一站: 一座很高的巴黎鐵塔 (是用紙製作成的燈來的, 很美吧
)
第二站: 荷蘭的風車
第三站: 比薩斜塔, 紙燈真的做到斜斜的
第四站: 燈塔
第五站: 杜拜
第六站: 巴黎夜空
我很喜歡
這張照片
來個大合照先 ~
除了紙燈外, 還有紙做的時鐘
紙模型的火車
我有問過mon 要不要去紙箱王餐廳
食 lunch
最後佢選擇了 7仔, 好, 我地就去 7仔
食 lunch 吧!!!gogog~
好好味的牛肉麵和綠茶
Day 3 @ 清境之旅 (清境農場) 待續 . . .
瑞典假期山莊
website: http://www.swedenholiday.com.tw/index.php
今次入住的是彩繪 vip 二人房, 房租 NT3,500
留言列表